ଶୀତ ଋତୁରେ ସମସ୍ତଙ୍କୁ ଥଣ୍ଡା ଲାଗିବା ସ୍ବାଭାବିକ । କିନ୍ତୁ କିଛି ଲୋକଙ୍କୁ କମ୍ ଥଣ୍ଡା ଲାଗେ ତ କିଛି ଲୋକ ଅଧିକ ଥଣ୍ଡା ଅନୁଭବ କରନ୍ତି । ଯଦି ଆପଣ ଅନ୍ୟ ଲୋକଙ୍କ ଅପେକ୍ଷା ଅଧିକ ଥଣ୍ଡା ଅନୁଭବ କରୁଛନ୍ତି, ତେବେ ଏହା ସମ୍ଭବ ଯେ ଆପଣଙ୍କ ଶରୀରରେ ଏକ ଅତ୍ୟାବଶ୍ୟକ ପୋଷକ ତତ୍ତ୍ବର ଅଭାବ ଅଛି । ତେବେ କେଉଁ ଭିଟାମିନ୍ ଅଭାବ ପାଇଁ ଆପଣ ସବୁବେଳେ ଥଣ୍ଡା ଅନୁଭବ କରନ୍ତି ଜାଣିଛନ୍ତି କି ? ଆସନ୍ତୁ ଏ ବିଷୟରେ ଅଧିକ ଜାଣିବା ।
ଯଦି ଆପଣଙ୍କ ଶରୀରରେ ଭିଟାମିନ୍ B12 ର ଅଭାବ ଥାଏ, ତେବେ ଆପଣ ଥଣ୍ଡା ରୋଗରେ ପୀଡିତ ହୋଇପାରନ୍ତି । ରେଡ୍ ବ୍ଲଡ୍ ସେଲ୍ ପ୍ରଡକ୍ସନ ଏବଂ ଅମ୍ଳଜାନ ଟ୍ରାନ୍ସପୋର୍ଟରେ ଭିଟାମିନ୍ B12 ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏହି ଭିଟାମିନ୍ ର ଅଭାବ ହେତୁ ଆମ ଶରୀରରେ ରେଡ୍ ବ୍ଲଡ୍ ସେଲର ପ୍ରଡକ୍ସନ ହୋଇପାରେ ନାହିଁ । ଏହି ଭିଟାମିନ୍ ର ଅଭାବ ରକ୍ତହୀନତା ସୃଷ୍ଟି କରିବାର କାରଣ ହୋଇଥାଏ । ଭିଟାମିନ୍ B12 ର ଅଭାବ କାରଣରୁ ଅଧିକ ଥଣ୍ଡା ଲାଗେ ।
ଭିଟାମିନ୍ B12 ର ଲକ୍ଷଣ :
ଭିଟାମିନ୍ B12 ର ଅଭାବ ହେଲେ ଆପଣଙ୍କୁ କ୍ଳାନ୍ତ କିମ୍ବା ଦୁର୍ବଳ ଅନୁଭବ ହେବ । ବାନ୍ତି କିମ୍ବା ପେଟ ଖରାପ ଭଳି ସମସ୍ୟା ମଧ୍ୟ ଏହି ଭିଟାମିନ୍ ଅଭାବର ଲକ୍ଷଣ ସୂଚାଇପାରେ । ଭିଟାମିନ୍ B12 ଅଭାବ ଆପଣଙ୍କ ସ୍ନାୟୁ ପ୍ରଣାଳୀ ଏବଂ ଆପଣଙ୍କ ଅନ୍ତନଳୀ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇପାରେ ।
ଯଦି ଆପଣଙ୍କୁ ଏହିପରି ଲକ୍ଷଣ ଦେଖାଯାଉଛି, ତେବେ ଆପଣ ତୁରନ୍ତ ସତର୍କ ହେବା ଉଚିତ୍ । ସମୟ ସମୟରେ ନିଜର ଯାଞ୍ଚ କରନ୍ତୁ ଏବଂ ଭଲ ଡାକ୍ତରଙ୍କ ସହିତ ପରାମର୍ଶ କରନ୍ତୁ । ଭିଟାମିନ୍ B12 ର ଦୀର୍ଘକାଳୀନ ଅଭାବ ଆପଣଙ୍କ ସାମଗ୍ରିକ ସ୍ୱାସ୍ଥ୍ୟ ପାଇଁ ବିପଜ୍ଜନକ ପ୍ରମାଣିତ ହୋଇପାରେ । ଶରୀରରେ ଉଷ୍ମତା ସୃଷ୍ଟି କରିବା ପାଇଁ ଯଥା ଭିଟାମିନ୍ B12 ର ଅଭାବକୁ ଦୂର କରିବା ପାଇଁ ଆପଣ ଏହି ଭିଟାମିନରେ ଭରପୂର ଥିବା ଖାଦ୍ୟ ଖାଇପାରିବେ ।