ରସୁଣ ଏହାର ସ୍ବାଦ, ଆଣ୍ଟି-ବାୟୋଟିକ୍ ତତ୍ତ୍ୱ ଏବଂ ସ୍ୱାସ୍ଥ୍ୟ ଉପକାର ପାଇଁ ଜଣାଶୁଣା । ତେଣୁ ଆପଣ ଏହାକୁ ରୋଷେଇରେ ନଚେତ କଞ୍ଚା ବ୍ୟବହାର କରନ୍ତି । କିନ୍ତୁ ଆପଣ ଭଜା ରସୁଣ ଖାଇବାର ଲାଭ ବିଷୟରେ ଜାଣିଲେ ଆଶ୍ଚର୍ଯ୍ୟ ହୋଇ ରହିଯିବେ । ତାହେଲେ ଆସନ୍ତୁ ଜାଣିବା ଭଜା ରସୁଣ ଶରୀରକୁ କି ପ୍ରକାରର ଲାଭ ଦେଇଥାଏ ।
- ସକାଳେ ଖାଲି ପେଟରେ ରସୁଣ ଖାଇବା ଦ୍ୱାରା କୋଲେଷ୍ଟ୍ରଲ କମିଯାଏ ଏବଂ କୋଲେଷ୍ଟ୍ରଲ ସହିତ ଜଡିତ ସମସ୍ତ ସ୍ୱାସ୍ଥ୍ୟ ସମସ୍ୟା ଯେପରି ହାର୍ଟ ଟ୍ୟୁବରେ କୋଲେଷ୍ଟ୍ରଲ ଜମା ହେବା ଭଳି ସମସ୍ୟା ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ ।
- ଯଦି ଆପଣ ଓଜନ ହ୍ରାସ କରିବାକୁ ଚାହାଁନ୍ତି ତେବେ ଏହା ଏକ ଅତ୍ୟନ୍ତ ଲାଭଦାୟକ ଉପାୟ ଅଟେ । କାରଣ କୋଲେଷ୍ଟ୍ରଲର ସ୍ତର ସହିତ ଆପଣଙ୍କର ଓଜନ କମିବା ଆରମ୍ଭ କରିବ ଏବଂ ମୋଟାପଣ ମଧ୍ୟ କମିବ ।
- ଶୀତ ଦିନରେ ଏହା କାଶ ଏବଂ ଥଣ୍ଡାକୁ ରୋକିଥାଏ ଏବଂ ଶରୀରରେ ଉଷ୍ମତା ସୃଷ୍ଟି କରିବାରେ ସାହାଯ୍ୟ କରିଥାଏ । କେବଳ ଏତିକି ନୁହେଁ, ଏହା ରକ୍ତ ପ୍ରବାହକୁ ମଧ୍ୟ ଭଲ ଭାବରେ ବଜାୟ ରଖେ ।
- ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ସହିତ ଏହା ରକ୍ତଚାପକୁ ନିୟନ୍ତ୍ରଣ କରିଥାଏ ଏବଂ ଶରୀରକୁ ଅନେକ ରୋଗରୁ ରକ୍ଷା କରିଥାଏ ଏବଂ ଏହାର ଆଣ୍ଟି-ଇନ୍ଫ୍ଲାମେଟୋରୀ ଏବଂ ଆଣ୍ଟି-ଫଙ୍ଗଲ୍ ଗୁଣ ଯୋଗୁଁ ଶରୀର ଭିତରକୁ ସଫା ରଖିବା ସହିତ ରୋଗକୁ ଦୁରେଇ ରଖିଥାଏ ।
- ଏଥିରେ ଥିବା କାର୍ବୋହାଇଡ୍ରେଟ୍ ଶରୀରର ଦୁର୍ବଳତାକୁ ଦୂର କରିଥାଏ ଏବଂ ଶରୀରକୁ ଶକ୍ତି ଯୋଗାଇଥାଏ । ଏହା ବ୍ଲଡ଼ ସୁଗାରକୁ ନିୟନ୍ତ୍ରଣ କରିବାରେ ମଧ୍ୟ ସହାୟକ ହୋଇଥାଏ ଏବଂ କୋଷ୍ଠକାଠିନ୍ୟକୁ ମଧ୍ୟ ରୋକିଥାଏ ।