ମାଲକାନଗିରି : ମାଲକାନଗିରି ସୀମାନ୍ତ ଛତିଶଗଡ଼ ଦନ୍ତେୱାଡା ଜଙ୍ଗଲରୁ ୯ ଜଣ ନକ୍ସଲଙ୍କ ମୃତଦେହ ଅଣାଯାଇଛି । ମୃତ ମାଓବାଦୀଙ୍କ ମଧ୍ୟରେ ୬ ଜଣ ମହିଳା ଅଛନ୍ତି । ଜଣେ ହାର୍ଡକୋର ମାଓବାଦୀ ଅଛି, ଯାହା ନାଁରେ ୨୫ ଲକ୍ଷ ଟଙ୍କା ପୁରସ୍କାର ଥିଲା । ବସ୍ତର ଆଇଜି କହିଛନ୍ତି ମାଓ ସଙ୍ଗଠନରେ ୬୦ ପ୍ରତିଶତ ମହିଳା ମାଓବାଦୀଙ୍କୁ ସାମିଲ କରି ଏମାନଙ୍କୁ ସାମ୍ନାରେ ଲଢ଼ିବାକୁ ଛାଡ଼ୁଛନ୍ତି ମାଓବାଦୀ । ଦାନ୍ତେୱାଡ଼ା ଲୋହାଗାଓଁ ଜଙ୍ଗଲରେ ଗତକାଲି ପୋଲିସ-ମାଓବାଦୀ ମଧ୍ୟରେ ଗୁଳିବିନିମୟ ହୋଇଥିଲା ।
ଘଟଣା ସ୍ଥଳରୁ SLR, ଥ୍ରୀ ନଟ ଥ୍ରୀ ବନ୍ଧୁକ, ବୋର୍ ବନ୍ଧୁକ ସହ ବିପୁଳ ପରିମାଣର ବିସ୍ପୋରକ ସାମଗ୍ରୀ, ମାଓବାଦୀଙ୍କ ପୋଷାକ ଜବତ କରିଛି ସୁରକ୍ଷାବାହିନୀ । CRPF ଓ DRG ଯବାନଙ୍କ ମିଳିତ ଅପରେସନ ବେଳେ ଏହି ସଫଳତା ମିଳିଛି । ପଶ୍ଚିମ ବସ୍ତର ମାଓ ସଙ୍ଗଠନ ଏକ ବଡ଼ ଧରଣର ମାଓ କ୍ୟାମ୍ପ କରି ପୋଲିସକୁ ଟାର୍ଗେଟ କରିବାକୁ ଯୋଜନା କରୁଥିଲେ । ଏ ନେଇ ଗୁଇନ୍ଦା ସୂଚନା ପାଇବା ପରେ କମ୍ବିଂ ଅପରେସନ ଆରମ୍ଭ କରିଥିଲେ ସୁରକ୍ଷା ବାହିନୀ । ଅପରେସନ ବେଳେ ଏନକାଉଣ୍ଟର ହୋଇଥିଲା।