ରୁଷ୍ ସେନା ପାଇଁ ୟୁକ୍ରେନ ବିରୋଧରେ ଯୁଦ୍ଧ ଲଢ଼ୁଥିବା ୧୨ ଭାରତୀୟଙ୍କ ମୃତ୍ୟୁ ହୋଇଛି । ୧୬ ଜଣ ନିଖୋଜ ଅଛନ୍ତି । ଏହା ବିଷୟରେ ଶୁକ୍ରବାର ସୂଚନା ଦେଇଛି ବୈଦେଶିକ ବ୍ୟାପାର ମନ୍ତ୍ରଣାଳୟ । କେନ୍ଦ୍ର ସରକାର କହିଛନ୍ତି, ରୁଷୀୟ ସେନାରେ କାର୍ଯ୍ୟ କରୁଥିବା ୧୬ ଜଣ ଭାରତୀୟ ନିଖୋଜ ଥିବା ନେଇ ରୁଷ୍ ଭାରତକୁ ଜଣାଇଛି ।
ମନ୍ତ୍ରଣାଳୟ କହିଛି ଯେ ରୁଷୀୟ ସେନାରେ କାର୍ଯ୍ୟରତ ଭାରତୀୟ ନାଗରିକଙ୍କୁ ପଠାଇବା ପାଇଁ ଅନୁରୋଧ କରାଯାଇଛି । ରୁଷ୍-ୟୁକ୍ରେନ ଯୁଦ୍ଧରେ ୧୨ ଜଣ ଭାରତୀୟଙ୍କ ମୃତ୍ୟୁ ଘଟିଛି ।
ମନ୍ତ୍ରଣାଳୟ ପ୍ରବକ୍ତା ରଣଧୀର ଜାୟସୱାଲ କହିଛନ୍ତି, ଏଠାରେ ୧୨୬ଟି ମାମଲା ରହିଛି (ରୁଷ୍ ସେନାରେ ଭାରତୀୟ ନାଗରିକ କାର୍ଯ୍ୟ କରିବା) । ୧୨୬ ଜଣଙ୍କ ମଧ୍ୟରୁ ୯୬ ଜଣ ଭାରତ ଫେରିଛନ୍ତି । ରୁଷ୍ ସଶସ୍ତ୍ର ବାହିନୀରୁ ସେମାନଙ୍କୁ ମୁକ୍ତ କରି ଦିଆଯାଇଛି ।
ତେବେ ରୁଷ ସେନାରେ ଏବେ ବି ୧୮ ଜଣ ଭାରତୀୟ ନାଗରିକ ଅଛନ୍ତି । ସେମାନଙ୍କ ମଧ୍ୟରୁ ୧୬ ଜଣଙ୍କର ଏ ପର୍ଯ୍ୟନ୍ତ କୌଣସି ଖୋଜ୍ ଖବର ମିଳୁନାହିଁ । ରୁଷ୍ ସେମାନଙ୍କୁ ନିଖୋଜ ଶ୍ରେଣୀରେ ରଖିଛି ବୋଲି ରଣଧୀର ଜାୟସୱାଲ କହିଛନ୍ତି ।
କହି ରଖୁଛୁ, ନିକଟରେ ରୁଷ୍ ଓ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧରେ କେରଳର ଜଣେ ଭାରତୀୟ ନାଗରିକଙ୍କର ମୃତ୍ୟୁ ହୋଇଥିଲା । କେରଳ ତ୍ରିଶୂରର ବାସିନ୍ଦା ୩୨ ବର୍ଷୀୟ ବିନିଲ ବାବୁ ରୁଷୀୟ ସେନାରେ ନିଯୁକ୍ତ ହୋଇଥିଲେ ଏବଂ ୟୁକ୍ରେନ ବିରୋଧରେ ଯୁଦ୍ଧ ଲଢ଼ୁଥିଲେ ।
ବୈଦେଶିକ ମନ୍ତ୍ରଣାଳୟ ରୁଷ୍ ସରକାରଙ୍କ ପାଖରେ ଏହି ମାମଲା ଉଠାଇଥିଲା । ମନ୍ତ୍ରଣାଳୟ କହିଥିଲା ଯେ ରୁଷ ସେନାରେ ଭର୍ତ୍ତି ଦେଶର ଅନ୍ୟ ଲୋକଙ୍କୁ ମଧ୍ୟ ଶୀଘ୍ର ଭାରତ ପଠାଯାଉ ।
#WATCH | Delhi: MEA Spokesperson Randhir Jaiswal says, “The death of Binil Babu is extremely unfortunate. We have conveyed our condolences to the family. Our embassy is in touch with the Russian authorities so that his mortal remains could come back to India as soon as possible.… pic.twitter.com/xgAEHI0UyY
— ANI (@ANI) January 17, 2025