ପୁଲୱାମାରେ ଏନକାଉଣ୍ଟର: ଘର ଭିତରେ ଲୁଚିଛନ୍ତି ୨ ଲସ୍କର କମାଣ୍ଡର

ଜମ୍ମୁ କାଶ୍ମୀର : ଜମ୍ମୁ କାଶ୍ମୀର ପୁଲୱାମାରେ ଏନକାଉଣ୍ଟର । ସୁରକ୍ଷାବାହିନୀ-ଆତଙ୍କବାଦୀ ଗୁଳି ବିନିମୟ । ପୁଲୱାମା ନିହାମ ଅଞ୍ଚଳରେ ଏକ ଘର ଭିତରେ ଲୁଚି ରହିଛନ୍ତି ୨ ଲସ୍କର କମାଣ୍ଡର । ସେମାନଙ୍କୁ ବାହାରୁ ଘେରି ରହିଛନ୍ତି ସୁରକ୍ଷାକର୍ମୀ । ଏନକାଉଣ୍ଟର ଜାରି ରହିଛି । ଦୁଇ ଜଣ ଲସ୍କର ଆତଙ୍କବାଦୀ ଲୁଚି ରହିଥିବା ସୂଚନା ପାଇ ସର୍ଚ୍ଚ ଅପରେସନ ଆରମ୍ଭ କରିଥିଲେ ସୁରକ୍ଷାକର୍ମୀ ।

ସର୍ଚ୍ଚ ଅପରେସନ ବେଳେ ସୁରକ୍ଷାକର୍ମୀଙ୍କ ଉପରକୁ ପ୍ରଥମେ ଗୁଳି ମାଡ଼ କରିଥିଲେ ଆତଙ୍କବାଦୀ । ପାଲଟା କାର୍ଯ୍ୟାନୁଷ୍ଠାନ ବେଳେ ଘର ଭିତରେ ପଶି ଯାଇଥିଲେ ୨ ଲସ୍କର କମାଣ୍ଡର। ଏହି ଘରେ ନିଆଁ ଲାଗିଥିବା ଦେଖିବାକୁ ମିଳିଛି । ଗୁଳିଗୋଳା ବିନିମୟ ଜାରି ରହିଛି । ଲୁଚି ରହିଥିବା ୨ ଆତଙ୍କବାଦୀଙ୍କ ଘର ପୁଲୱାମା ଜିଲ୍ଲାରେ ବୋଲି ଜଣା ପଡ଼ିଛି । ଗତ ମେ ୭ ତାରିଖରେ ଦୁଇ ଜଣ ଆତଙ୍କବାଦୀ ନିହତ ହୋଇଥିଲେ ।