ଜଳ ସଂରକ୍ଷଣ ଉପରେ ସଚେତନତା ସୃଷ୍ଟି କରିବାକୁ ନିଆରା ପଦକ୍ଷେପ। ଦିଲ୍ଲୀରେ ପ୍ରାୟ ୨ହଜାରରୁ ଅଧିକ ଲୋକ ଏକତ୍ରିତ ହୋଇ ହୁମ୍ୟାନ ଚେନ୍ କରିଥିଲେ । ଏହି ଚେନ ପାଣି ବୁନ୍ଦା ଆକୃତିର ହୋଇଥିଲା। ଏହାକୁ ଇଣ୍ଡିଆନ ବୁକ୍ ଅଫ ରେକର୍ଡରେ ସାମିଲ କରାଯାଇଛି। ସ୍ମାର୍ଟଭାଲ୍ୟୁ ପକ୍ଷରୁ ଏହି ଇଭେଣ୍ଟର ଆୟୋଜନ କରାଯାଇଥିଲା। ଇଭେଣ୍ଟରେ ବହୁ ସାଧାରଣ ନାଗରିକ ଓ ଛାତ୍ରଛାତ୍ରୀ ସାମିଲ ହୋଇଥିଲେ। ବର୍ଷା ଅଭାବରୁ ବିଭିନ୍ନ ଅଞ୍ଚଳରେ ଦେଖାଦେଇଥିବା ପାଣି ସମସ୍ୟାକୁ ନେଇ ଏହି ଇଭେଣ୍ଟରେ ସଚେତନତା ସୃଷ୍ଟି କରାଯାଇଥିଲା।