ଛତିଶଗଡରେ ମାଓବାଦୀ- ସୁରକ୍ଷାକର୍ମୀ ଏନକାଉଣ୍ଟର, ୩ ମାଓବାଦୀଙ୍କ ମୃତ୍ୟୁ

ଛତିଶଗଡରେ ମାଓବାଦୀ- ସୁରକ୍ଷାକର୍ମୀ ଏନକାଉଣ୍ଟର। ସୁରକ୍ଷା କର୍ମୀଙ୍କ ଗୁଳିରେ ପ୍ରାୟ ୩ ମାଓବାଦୀଙ୍କ ମୃତ୍ୟୁ ହୋଇଥିବା ଜଣାପଡିଛି। ସୁରକ୍ଷା କର୍ମୀଙ୍କ ଏହି ଦଳ ସର୍ଚ୍ଚ ଅପରେସନ କରୁଥିବା ବେଳେ କାଟେକଲ୍ୟାଣ ଥାନା ଅନ୍ତର୍ଗତ ଡବାକୁନା ଗାଁ ନିକଟରେ ଥିବା ପାହାଡରେ ରବିବାର ଅପରାହ୍ନରେ ସୁରକ୍ଷା କର୍ମୀ ଓ ମାଓବାଦୀ ମୁହାଁମୁହିଁ ହୋଇଥିଲେ।

ରାଜ୍ୟ ପୋଲିସର ବସ୍ତର ଫାଇଟର୍ସ ଓ ଡିଆରଡି ଜବାନଙ୍କ ମିଳିତ ସର୍ଚ୍ଚ ଅପରେସନ ବେଳେ ଏହି ଗୁଳିକାଣ୍ଡ ହୋଇଥିଲା। କିଛି ସମୟ ଗୁଳି ଚାଳନା ହେବା ପରେ ପୋଲିସ ତିନି ପୁରୁଷ ମାଓବାଦୀଙ୍କ ମୃତ ଶରୀର ଉଦ୍ଧାର ହୋଇଥିଲା। ଘଟଣାସ୍ଥଳରୁ ବିପୁଳ ଅସ୍ତ୍ରଶସ୍ତ୍ର ମଧ୍ୟ ଜବତ ହୋଇଥିବା ବସ୍ତର ରେଞ୍ଜ ଆଇଜି ସୁନ୍ଦରରାଜ ପି କହିଛନ୍ତି।