ଭୂକମ୍ପ ଝଟକାରେ ଥରିଲା ଲଦାଖ । ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୫.୨ ରେକର୍ଡ କରାଯାଇଛି । କେବଳ ଲଦାଖ ନୁହେଁ ଜମ୍ମୁ କଶ୍ମୀରରେ ମଧ୍ୟ ଭୂକମ୍ପ ଅନୁଭୂତ ହୋଇଛି । ଯାହାର ଗଭୀରତା ୧୫ କିଲୋମିଟର ଥିବା ଜଣାପଡ଼ିଛି ।
ନ୍ୟାସନାଲ ସେଣ୍ଟର ଫର୍ ସିସମୋଲୋଜି ଅନୁଯାୟୀ ଭୂକମ୍ପଟି ବିଳମ୍ବିତ ରାତି ପ୍ରାୟ ୨ଟା ୫୦ରେ ହୋଇଥିଲା । ଭୂକମ୍ପ ହେବା ମାତ୍ରେ ଭୟଭୀତ ହୋଇ ଲୋକେ ଘରୁ ବାହାରକୁ ପଳାଇଆସିଥିଲେ । ବର୍ତ୍ତମାନ ସୁଦ୍ଧା କୌଣସି କ୍ଷୟକ୍ଷତିର ଖବର ଆସିନି ।
ଲେହ ଏବଂ ଲଦାଖ ଉଭୟ ଦେଶର ଭୂକମ୍ପୀୟ ଜୋନ୍-୪ ରେ ପଡ଼ିଥାଏ, ଏହି ଜୋନ୍ ଭୂମିକମ୍ପ ଦୃଷ୍ଟିକୋଣରୁ ବହୁତ ବିପଜ୍ଜନକ ବୋଲି ବିବେଚନା କରାଯାଏ । ନ୍ୟାସନାଲ ସେଣ୍ଟର ଫର୍ ସିସମୋଲୋଜି ଅନୁଯାୟୀ ପୋଷ୍ଟରେ କହିଛି କି, “ଆଜି ବିଳମ୍ବିତ ରାତି ୨ଟା ୫୦ ମିନିଟ ସମୟରେ, ଲଦାଖର କାରଗିଲରେ ୫.୨ ତୀବ୍ରତାର ଏକ ଭୂମିକମ୍ପ ରେକର୍ଡ କରାଯାଇଛି।”
EQ of M: 5.2, On: 14/03/2025 02:50:05 IST, Lat: 33.37 N, Long: 76.76 E, Depth: 15 Km, Location: Kargil, Ladakh.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/7SuSEYEIcy— National Center for Seismology (@NCS_Earthquake) March 13, 2025
ସୂଚନାଯୋଗ୍ୟ, ଗତକାଲି ଗୁଜରାଟର ସୌରାଷ୍ଟ୍ର ଜିଲ୍ଲାର ଆମରେଲି ସହରରେ ମଧ୍ୟ ଭୂମିକମ୍ପ ଝଟକା ଅନୁଭୂତ ହୋଇଥିଲା । ଭୂକମ୍ପର ତୀବ୍ରତା ୩.୨ ରହିଥିଲା । ଏହାର ଗଭୀରତା ୬.୪ କିମି ରହିଥିଲା । ଭୂକମ୍ପର କେନ୍ଦ୍ର ଅମରେଲୀ ସ୍ଥିତ ରହିଥିଲା । ତେବେ ଘଟଣାରେ କୌଣସି ପ୍ରକାରର କ୍ଷୟକ୍ଷତି ହୋଇନଥିଲା । ୨୭ ଫେବୃଆରୀ ସକାଳେ ଆସାମର ମୋରିଗାଓଁ ଜିଲ୍ଲାରେ ୫.୦ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା । ଏହାର ଝଟକା ଗୌହାଟି ଏବଂ ରାଜ୍ୟର ଅନ୍ୟାନ୍ୟ ସ୍ଥାନରେ ମଧ୍ୟ ଅନୁଭୂତ ହୋଇଥିଲା ।
ଗୁଜରାଟର କଚ୍ଛରେ ମଙ୍ଗଳବାର ଦିନ ଦୁଇଥର ଭୂକମ୍ପ ଝଟକା ଅନୁଭୂତ ହୋଇଥିଲା । ଯାହାର ତୀବ୍ରତା ୩.୦ ଏବଂ ୨.୮ ରେକର୍ଡ କରାଯାଇଥିଲା ।
Also Read : ତାଇୱାନ ଏବଂ ଗୁଜରାଟରେ ଭୂକମ୍ପ ଝଟକା, ୫.୨ ତୀବ୍ରତାର ଭୂକମ୍ପରେ ଦୋହଲିଲା ତାଇୱାନ