ବାଂଲାଦେଶରେ ନିର୍ବାଚନ ପୂର୍ବରୁ ହିଂସା: ଟ୍ରେନରେ ନିଆଁଲାଗି ୫ ଜୀବନ୍ତ ଦଗ୍ଧ

ନୂଆଦିଲ୍ଲୀ : ବାଂଲାଦେଶରେ ନିର୍ବାଚନ ପୂର୍ବରୁ ହିଂସା । ବେନାପୋଲ ଏକ୍ସପ୍ରେସ ଟ୍ରେନ୍ ଅଗ୍ନିକାଣ୍ଡରେ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ଏକାଧିକ ଗୁରୁତର ହୋଇଛନ୍ତି । ଢାକା ଗୋପୀବାଘ ଠାରେ ଏକ୍ସପ୍ରେସରେ ଘଟିଛି ଅଗ୍ନିକାଣ୍ଡ । ବେନାପୋଲ୍‌ ଏକ୍ସପ୍ରେସର ଅତିକମ୍‌ରେ ୪ଟି ବଗି ଜଳିଯାଇଛି। ନିଆଁକୁ ଆୟତ୍ତ କରିଛି ଅଗ୍ନିଶମ ବାହିନୀ।

ଟ୍ରେନଟି ଦେଶର ପଶ୍ଚିମାଞ୍ଚଳରେ ଥିବା ସହର ଜେସୋରରୁ ରାଜଧାନୀ ଢାକାକୁ ଆସୁଥିବାବେଳେ ଏଭଳି ଅଘଟଣ ଘଟିଛି। ନିର୍ବାଚନ ପୂର୍ବରୁ ବିରୋଧୀଙ୍କ ଦ୍ବାରା ଟ୍ରେନରେ ନିଆଁ ଲଗାଯାଇଥିବା ସନ୍ଦେହ କରାଯାଉଛି । ଅଗ୍ନିକାଣ୍ଡରେ ଏକାଧିକ ଆହତ ହୋଇଛନ୍ତି ।

ତେବେ ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ ଟ୍ରେନରୁ ୫ଟି ମୃତଦେହ ଉଦ୍ଧାର କରାଯାଇଛି ବୋଲି ପୋଲିସ କମାଣ୍ଡର ଖଣ୍ଡକେର ଅଲ ମୋଇନ୍ ସୂଚନା ଦେଇଛନ୍ତି। ଢାକାର ଗୋପୀବାଗ ଅଞ୍ଚଳରେ ଟ୍ରେନରେ ନିଆଁ ଲାଗିଥିବା ପ୍ରତ୍ୟକ୍ଷଦର୍ଶୀମାନେ କହିଛନ୍ତି। ଉକ୍ତ ଟ୍ରେନରେ କିଛି ଭାରତୀୟ ଯାତ୍ରା କରୁଥିବା କୁହାଯାଉଛି।