ଦୁର୍ଗାପୂଜା ମଣ୍ଡପରେ ଲାଗିଗଲା ନିଆଁ, ମା’ଙ୍କ ସହିତ ଜଳିଗଲେ ୬୪ ଜଣ ଲୋକ

ଉତ୍ତରପ୍ରଦେଶ ସ୍ଥିତ ଭଦୋହିରେ ଦୁର୍ଗାପୂଜା ମଣ୍ଡପରେ ନିଆଁ ଲାଗିବା ଯୋଗୁଁ ୬୪ ଜଣ ଲୋକ ପୋଡି ହୋଇଯାଇଛନ୍ତି। ଏମାନଙ୍କ ମଧ୍ୟରୁ ୫ ଜଣ ମୃତ୍ୟୁବରଣ କରିଥିବା ବେଳେ ଅନ୍ୟମାନେ ଗୁରୁତର ରହିଛନ୍ତି। ଯେଉଁମାନେ ଗୁରୁତର ରହିଛନ୍ତି, ସେମାନଙ୍କୁ ବାରଣାସୀ ଏବଂ ପ୍ରୟାଗରାଜର ହସପିଟାଲକୁ ସ୍ଥାନାନ୍ତର କରାଯାଇଛି।

ପୂଜା ମଣ୍ଡପରେ ସର୍ଟ ସର୍କିଟ ଯୋଗୁଁ ଏହି ନିଆଁ ଲାଗିଥିବା ଜଣାପଡିଛି। ନିଆଁ ଲାଗିବା ସମୟରେ ମଣ୍ଡପରେ ପାଖାପାଖି ୧୫୦ ଲୋକ ଉପସ୍ଥିତ ଥିଲେ। ନିଆଁ ଲାଗିବା ମାତ୍ରେ ଲୋକେ ଏଣେତେଣ ଦୌଡିଥିଲେ। ନିଆଁ ଏତେ ଭୟଙ୍କର ଥିଲା ଯେ, ପାଖାପାଖି ୬୪ ଲୋକ ଜଳିଯାଇଥିଲେ। ଘଟଣାସ୍ଥଳରେ ୩ ଜଣ ଲୋକ ମୃତ୍ୟୁବରଣ କରିଥିବା ବେଳେ ହସପିଟାଲ ୨ ଜଣଙ୍କ ମୃତ୍ୟୁ ହୋଇଥିଲା ଏବଂ ଗୁରୁତ ଆହତଙ୍କୁ ହସିପଟାଲରେ ଭର୍ତ୍ତି କରାଯାଇଥିଲା। ଅଧିକାଂଶ ଲୋକେ ୪୦ ପ୍ରତିଶତ ପୋଡି ଯାଇଥିବା ଖବର ମିଳିଛି। କିଛି ଲୋକଙ୍କ ଅବସ୍ଥା ଗୁରୁତର ମଧ୍ୟରହିଛି।

ମୃତକଙ୍କ ମଧ୍ୟରେ ୧୨ ବର୍ଷୀୟ ପୁଅ, ୧୦ ବର୍ଷୀୟ ପୁଅ, ୪୫ ବର୍ଷୀୟ ମହିଳା ଥିଲେ। ଏହି ଘଟଣାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁଃଖ ପ୍ରକାଶ କରିଛନ୍ତି। ଆହତଙ୍କୁ ଉନ୍ନତ ଚିକିତ୍ସା କରିବା ପାଇଁ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ସିଏମଓ ତରଫରୁ ଟ୍ଵିଟ୍‌ କରି ଲେଖାଯାଇଛି, ‘ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜନପଦ ଭଦୋହିରେ ଘଟିଥିବା ଘଟଣାରେ ଶୋକ ପ୍ରକାଶ କରିଛନ୍ତି।

ଜିଲ୍ଲାପାଳ କହିଛନ୍ତି କି ପୂଜା ପାଳନ ନେଇ ସମସ୍ତ ସତର୍କତା ଅବଲମ୍ବନ କରାଯାଇଥିଲେ ବି କେମିତି ଅଗ୍ନିକାଣ୍ଡ ଘଟିଲା ତାହା ସ୍ପଷ୍ଟ ହୋଇନାହିଁ । ହେଲେ ପ୍ରାଥମିକ ତଦନ୍ତରୁ ବିଦ୍ୟୁତ୍ ସର୍ଟସର୍କିଟ କାରଣରୁ ଏଭଳି ହୋଇଥାଇପାରେ ବୋଲି ଅନୁମାନ କରାଯାଇଛି ।

Also Read : ଇଣ୍ଡୋନେସିଆରେ ଫୁଟବଲ ମ୍ୟାଚ୍‌ ଦଙ୍ଗା ଘଟଣାରେ ମୃତକଙ୍କ ସଂଖ୍ୟା ୧୭୪କୁ ବୃଦ୍ଧି

Leave A Reply

Your email address will not be published.