ଦକ୍ଷିଣ ପ୍ରଶାନ୍ତର ଭାନୁଆତୁରେ ୭.୩ ତୀବ୍ରତାର ଭୂମିକମ୍ପ, ଭୁଶୁଡ଼ିଲା କୋଠା, ଅନେକ କ୍ଷୟକ୍ଷତି

By Roshni
earth

ଦକ୍ଷିଣ ପ୍ରଶାନ୍ତ ମହାସାଗରରେ ଅବସ୍ଥିତ ଦ୍ୱୀପ ଦେଶ ଭାନୁଆତୁରେ ମଙ୍ଗଳବାର ସକାଳେ ୭.୩ ତୀବ୍ରତାର ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି । ଭାରତୀୟ ସମୟ ମୁତାବକ, ଏହି ଭୂମିକମ୍ପ ସକାଳ ୭ଟା ୧୭ ମିନିଟରେ ଆସିଥିଲା । ଭୂମିକମ୍ପର କେନ୍ଦ୍ରସ୍ଥଳ ରାଜଧାନୀ ପୋର୍ଟ ଭିଲାରୁ ୩୦ କିଲୋମିଟର ପଶ୍ଚିମରେ ୫୭ କିଲୋମିଟର ଗଭୀରରେ ଥିଲା ।

ଏହି ଭୂମିକମ୍ପ ପରେ ୫.୫ ତୀବ୍ରତାର ଏକ କମ୍ପନ ମଧ୍ୟ ଅନୁଭୂତ ହୋଇଥିଲା । ଭୂମିକମ୍ପ ପରେ ହୋଇଥିବା କ୍ଷୟକ୍ଷତି ଏ ପର୍ଯ୍ୟନ୍ତ ଆକଳନ କରାଯାଇ ନ ଥିବା ସୂଚନା ଦେଇଛି ଆମେରିକାର ଜିଓଲୋଜିକାଲ୍ ସର୍ଭେ (USGS) ।

ତେବେ ସମସ୍ତ ସରକାରୀ ୱେବସାଇଟ୍ ଅଫଲାଇନ୍ ହୋଇଯାଇଛି । ପୋଲିସ ଏବଂ ଅନ୍ୟାନ୍ୟ ଏଜେନ୍ସିର ଫୋନ୍ ନମ୍ବର ମଧ୍ୟ କାମ କରୁନାହିଁ । ଦେଶର ଭୂମିକମ୍ପ ସମ୍ବନ୍ଧୀୟ ସଂସ୍ଥା ମଧ୍ୟ ଏ ସମ୍ପର୍କରେ କୌଣସି ସୂଚନା ଦେଇନାହାନ୍ତି ।

ସୋସିଆଲ ମିଡିଆରେ ଭୂମିକମ୍ପର ଅନେକ ଭିଡିଓ ପୋଷ୍ଟ କରାଯାଇଛି । ଗୋଟିଏ ଭିଡିଓରେ ଏକ କୋଠା ଭୁଶୁଡ଼ି ପଡ଼ିଥିବାର ଦେଖାଯାଉଛି, ଯେଉଁଥିରେ ବ୍ରିଟେନ, ଫ୍ରାନ୍ସ ଏବଂ ନ୍ୟୁଜିଲାଣ୍ଡର କୂଟନୈତିକ ମିଶନ କାର୍ଯ୍ୟାଳୟ ରହିଥିଲା ।

USGS ଭୂମିକମ୍ପ ପରେ ସୁନାମି ଚେତାବନୀ ଜାରି କରିଛି । ସୁନାମି ବେଳେ ସମୁଦ୍ର ଢେଉ ୧ ମିଟର ଉଚ୍ଚ ପର୍ଯ୍ୟନ୍ତ ଉଠିପାରେ । ଭାନୁଆତୁର ଅନେକ ଦ୍ୱୀପ ସମୁଦ୍ର ପତ୍ତନଠାରୁ ମାତ୍ର ୩ ଫୁଟ (୧ ମିଟର) ଉଚ୍ଚରେ ଅବସ୍ଥିତ । ଭାନୁଆତୁ ବ୍ୟତୀତ ପାପୁଆ ନ୍ୟୁ ଗିନି, ଫିଜି ଏବଂ ସୋଲେମାନ ଦ୍ୱୀପପୁଞ୍ଜ ପରି ଦ୍ୱୀପ ଦେଶ ପାଇଁ ମଧ୍ୟ ଚେତାବନୀ ଜାରି କରାଯାଇଛି ।

ଯଦିଓ ନ୍ୟୁଜିଲାଣ୍ଡ ଏବଂ ଅଷ୍ଟ୍ରେଲିଆ ସୁନାମି ଆଶଙ୍କାକୁ ଅସ୍ୱୀକାର କରିଛନ୍ତି ।

ଆପଣଙ୍କ ଅଞ୍ଚଳରେ ଭୂମିକମ୍ପ ଆସିଲେ କ’ଣ କରିବେ ଏବଂ କ’ଣ କରିବେ ନାହିଁ ?

୧. ଯଦି ଆପଣ କୋଠା ଘର ଭିତରେ ଅଛନ୍ତି, ତେବେ ଚଟାଣରେ ବସି ଯାଆନ୍ତୁ କିମ୍ବା କୌଣସି ଶକ୍ତିଶାଳୀ ଆସବାବପତ୍ର ତଳକୁ ଚାଲି ଯାଆନ୍ତୁ । ଯଦି କୌଣସି ଟେବୁଲ୍ କିମ୍ବା ଆସବାବପତ୍ର ନାହିଁ, ତା’ ହେଲେ ନିଜ ମୁହଁ ଓ ମୁଣ୍ଡକୁ ହାତରେ ଢାଙ୍କି ନିଅନ୍ତୁ ଏବଂ ରୁମ୍‌ର ଏକ କୋଣରେ ଯାଇ ବସନ୍ତୁ ।

୨. ଯଦି ଆପଣ ବିଲ୍ଡିଂ ବାହାରେ ଅଛନ୍ତି, ତେବେ ବିଲ୍ଡିଂ, ଗଛ, ପୋଲ ଏବଂ ବୈଦ୍ୟୁତିକ ତାରଠାରୁ ଦୂରରେ ରୁହନ୍ତୁ ।