ବୋରୱେଲରେ ଖସିପଡିଲା ୮ ବର୍ଷର ପିଲା, ୧୫ ଘଣ୍ଟା ହେଲା ଚାଲିଛି ରେସକ୍ୟୁ ଅପରେସନ
୬୦ଫୁଟ ଗଭୀର ବୋରୱେଲ୍ ଭିତରେ ଖସିପଡିଛି ୮ ବର୍ଷର କୁନି ପୁଅ । ୧୫ ଘଣ୍ଟା ହେଲା ଚାଲିଛି ରେସକ୍ୟୁ ଅପରେସନ । ୪୩ ଫୁଟରେ ଅଟକିଥିବା ପିଲାକୁ ଉଦ୍ଧାର ପାଇଁ ଚାଲିଛି ସମସ୍ତ ପ୍ରକାରର ଉଦ୍ୟମ ।
ପୁଣି ବୋରୱେଲ୍ ତଳେ ଫସିଛି ଜୀବନ । ୬୦ଫୁଟ ଗଭୀର ବୋରୱେଲ୍ ଭିତରେ ଖସିପଡିଛି ୮ ବର୍ଷର କୁନି ପୁଅ ଲୋକେଶ । ମଧ୍ୟପ୍ରଦେଶ ବିଦିଶା ଅଞ୍ଚଳରେ ଏହି ଅଘଟଣ ଘଟିଛି।
ଗତକାଲି ସକାଳ ୧୧ଟାରୁ ଖେଳୁ ଖେଳୁ ଲୋକେଶ ୬୦ ଫୁଟ ବୋରୱେଲରେ ଖସି ପଡି ୪୩ ଫୁଟରେ ଅଟକି ରହିଛି। ଲୋକେଶକୁ ଉଦ୍ଧାର କରିବା ପାଇଁ SDRF ଓ NDRF ଟିମ୍ ପକ୍ଷରୁ ରେସକ୍ୟୁ ଅପରେସନ୍ ଜାରି ରହିଛି। ବର୍ତ୍ତମାନ ପର୍ଯ୍ୟନ୍ତ ଲୋକେଶ ସହିତ କୌଣସି ଯୋଗାଯୋଗ ହୋଇପାରିନାହିଁ। ବୋରୱେଲ ଭିତରକୁ ଅକ୍ସିଜେନ୍ ଯୋଗାଇ ଦିଆଯାଉଛି। ୧୫ ଘଣ୍ଟାରୁ ଅଧିକ ସମୟ ଧରି ଚାଲିଛି ରେସକ୍ୟୁ ଅପରେସନ୍।
Madhya Pradesh | Operation underway to rescue a boy, Lokesh who fell into a 60 feet deep borewell and got stuck at 43 feet yesterday in Vidisha. pic.twitter.com/eG6ySubLmm
— ANI MP/CG/Rajasthan (@ANI_MP_CG_RJ) March 15, 2023
ବାଳକ ପାଖକୁ କୌଣସି ପ୍ରକାର ସୁବିଧା ପହଞ୍ଚିପାରିନାହିଁ । ପିଲାଟି କିଛି ହଲଚଲ ହେଉଥିବାରୁ ଜୀବିତ ଥିବା ଅନୁମାନ କରୁଛନ୍ତି ଉଦ୍ଧାରକାରୀ ଦଳ । ତେବେ ୩୪ ଫୁଟ ପର୍ଯ୍ୟନ୍ତ ଉଦ୍ଧାରକାରୀ ଦଳ ଖୋଳିସାରିଲେଣି। ଖୁବଶୀଘ୍ର ପିଲାଟି ପାଖରେ ରେସକ୍ୟୁ ଟିମ୍ ପହଞ୍ଚିବ ।
ସୂଚନାଯୋଗ୍ୟ, ଗତକିଛି ପୂର୍ବରୁ ୨୦୦ ପୁଟ ଗାତ ଭିତରେ ୫ବର୍ଷର ପିଲା ଖେଳୁ ଖେଳୁ ଖସିପଡିଥିଲା। ପିଲାଟି ୨୦ ଫୁଟରେ ଅଟକି ଥିବା ବେଳେ ଉଦ୍ଧାରକାରୀ ଦଳ ତାଙ୍କୁ କାଢିବାରେ ସଫଳ ହୋଇଥିଲେ । କିନ୍ତୁ ପିଲାଟି ସେତେବେଳକୁ ମୃତ୍ୟୁବରଣ କରିଥିଲା ।
