ମେକ୍ସିକୋରେ ବଡ଼ଧରଣର ଭୂମିକମ୍ପ, ରିକ୍ଟର ସ୍କେଲରେ ତୀବ୍ରତା ୬.୮
କେନ୍ୟୁଜ୍(ବ୍ୟୁରୋ): ପୁଣି ଦୋହଲିଲା ମେକ୍ସିକୋ । ମେକ୍ସିକୋରେ ବଡ଼ଧରଣର ଭୂମିକଂପ । ରିକ୍ଟର ସ୍କେଲରେ ଏହାର ତୀବ୍ରତା ୬.୮ ରହିଛି । ଏଥିରେ ଦୁଇଜଣଙ୍କର ମୃତ୍ୟୁ ଘଟିଥିବା କୁହାଯାଉଛି । ଭୂମିକମ୍ପ ଯୋଗୁ ଲୋକମାନେ ଭୟଭୀତ ହୋଇପ଼ଡିଥିଲେ । ଘର ଛାଡ଼ି ବାହାରକୁ ପଳାଇଥିଲେ ।
ପୂର୍ବରୁ ଗତ ୨୦ ତାରିଖରେ ମେକ୍ସିକୋରେ ୭.୫ ତୀବ୍ରତାର ଶକ୍ତିଶାଳୀ ଭୂକମ୍ପ ହୋଇଥିଲା । ଏତେ ଜୋରରେ ଝଟକା ଅନୁଭୂତ ହୋଇଥିଲା ଯେ ଲୋକ ଭୟରେ ଘରୁ ବାହାରକୁ ଚାଲି ଆସିଥିଲେ । ଗୃହପାଳିତ ପଶୁ ବି ଏଣେତେଣେ ଦୌଡ଼ିବାକୁ ଲାଗୁଥିବା ଦେଖିବାକୁ ମିଳିଛି । ମିଚୋଆକାନ୍ ସୀମା ଭୂକମ୍ପର କେନ୍ଦ୍ରସ୍ଥଳ । ସପ୍ତାହକ ମଧ୍ୟରେ ଏହା ମେକ୍ସିକୋରେ ଦ୍ୱିତୀୟ ଶକ୍ତିଶାଳୀ ଭୂମିକମ୍ପ।.
