ବେଙ୍ଗାଳୁରୁ(କେନ୍ୟୁଜ୍ ) ଆଜି ବେଙ୍ଗାଳୁରୁରେ ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଛି । ଜଣେ ମା ନିଜ ୪ ବର୍ଷର ଝିଅକୁ ଏକ ଅପର୍ଟମେଣ୍ଟର ୪ ମହଲାରୁ ତଳକୁ ଫିଙ୍ଗି ଦେବା ଫଳରେ ଶିଶୁଟିର ମୃତ୍ୟୁ ହୋଇଛି । ଏହି ଘଟଣାରେ ଉକ୍ତ ମହିଳା ଜଣଙ୍କ ପୋଲିସ ଦ୍ୱାରା ଗିରଫ ହୋଇଛନ୍ତି । ମିଳିଥିବା ସୂଚନା ଅନୁସାରେ ବେଙ୍ଗାଳୁରୁ ସ୍ଥିତ ସମ୍ପଙ୍ଗିରାମନଗରରେ ଥିବା ଏକ ଅପର୍ଟମେଣ୍ଟରେ ଜଣେ ମହିଳା ୪ ମହଲାରୁ ନିଜ ନିଜ କୁନି ଝିଅକୁ ତଳକୁ ଫିଙ୍ଗିଦେଇଥିଲେ । ତଳେ ଥିବା ପଡୋଶୀ ଦେଖି ଜୋରରେ ଚିତ୍କାର କରିବା ସହ ପୋଲିସକୁ ଖବର ଦେଇଥିଲେ । ତେବେ ଏହି ଘଟଣା ସବୁ ସିସି ଟିଭିରେ କଏଦୀ ହୋଇଛି ।
ତେବେ ସିସିଟିଭି ଫୁଟେଜରୁ ଜଣାପଡିଛି ଯେ ଉକ୍ତ ମହିଳା ଜଣଙ୍କ ନିଜ ରୁମରୁ ବାହାରି ବଲକୋନିକୁ ଆସି କିଛି ସମୟ ଏପେଟ ସେପେଟ ହେବା ସହ ୪ ମହଲାରୁ ତଳକୁ ନିଜ ଝିଅକୁ ଫିଙ୍ଗିଦେଇଥିଲେ । ପୋଲିସ ସୂଚନା ପାଇବା ପରେ ପହଞ୍ଚି ଉକ୍ତ ମହିଳାଙ୍କୁ ଗିରଫ କରିଛି । ତେବେ ପିଲାଟିର ଦେହ କିଛି ଦିନ ହେବ ଅସୁସ୍ଥ ଥିବାରୁ ଭଲ ନହେବାରୁ ଶେଷରେ ବିଚଳିତ ହୋଇ ଫିଙ୍ଗିଦେଇଥିଲେ ବୋଲ ମହିଳା ଜଣଙ୍କ କହିଥିବ ସୂଚନା ଦେଇଛି ପୋଲସ ।