ବେଙ୍ଗାଲୁରୁରେ ସକାଳୁ ଚାଲିବାକୁ ଯାଇଥିବା ମହିଳାଙ୍କୁ ଅସଦାଚରଣ ଅଭିଯୋଗ ମାମଲାରେ, ଜଣେ ଗିରଫ
ବେଙ୍ଗାଲୁରୁରେ ସକାଳ ଚାଲିବାକୁ ଯାଇଥିବା ୩୪ ବର୍ଷୀୟ ମହିଳାଙ୍କ ପ୍ରତି ଯୌନ ନିର୍ଯାତନା ମାମଲା ସମଗ୍ର ଦେଶକୁ ଚକିତ କରିଦେଇଥିଲା । ଏହା ପରେ ଲୋକମାନେ ସହରର ଆଇନ ଶୃଙ୍ଖଳା ପରିସ୍ଥିତି ଉପରେ ପ୍ରଶ୍ନ ଉଠାଉଥିଲେ । ତେବେ ବର୍ତ୍ତମାନ ମହିଳାଙ୍କୁ ଅସଦାଚରଣ କରିଥିବା ଅଭିଯୁକ୍ତଙ୍କୁ ଗିରଫ କରାଯାଇଛି ବୋଲି ବେଙ୍ଗାଲୁରୁ ପୋଲିସ ସୂଚନା ଦେଇଛି । ସୋମବାର ଅଭିଯୁକ୍ତକୁ ଗିରଫ କରାଯାଇଥିବା ପୋଲିସ କହିଛି । ଏହି ନିର୍ଯାତନା ଘଟଣା ଅଗଷ୍ଟ ୨ ରେ ସକାଳ ୫ ଟା ସମୟରେ ଦକ୍ଷିଣ ବେଙ୍ଗାଲୁରୁର କୋନାନାକୁନ୍ତେ ପୋଲିସ ଷ୍ଟେସନ ଅଞ୍ଚଳରେ ଘଟିଥିଲା ।
ଭାଇରାଲ ଭିଡିଓରୁ ଜଣାପଡିଛି ଯେ ମହିଳା ଜଣକ ଘର ଆଗରେ ଅପେକ୍ଷା କରିଥିଲେ । ତା’ପରେ ହଠାତ୍ ଜଣେ ବ୍ୟକ୍ତି ପଛରୁ ଆସି ତାଙ୍କୁ ଧରିଥିଲେ । ଅଭିଯୁକ୍ତ ମହିଳାଙ୍କୁ ଧରି ତାଙ୍କୁ ଅସଦାଚରଣ କରିଥିଲା । ମହିଳା ଜଣକ ସାହାଯ୍ୟ ପାଇଁ ଚିତ୍କାର କରି ଖସିଯିବାକୁ ଚେଷ୍ଟ କରିଥିଲେ କିନ୍ତୁ ଅଭିଯୁକ୍ତ ତାଙ୍କୁ ଛାଡିନଥିଲେ । କିନ୍ତୁ ମହିଳା ଜଣକ ତାଙ୍କ କବଳରୁ ରକ୍ଷା ପାଇବାକୁ ଚେଷ୍ଟା କରିଥିଲେ । ତେବେ ଯେତେବେଳେ ମହିଳା ସାହାଯ୍ୟ ପାଇଁ ଚିତ୍କାର କରନ୍ତି, ଅଭିଯୁକ୍ତ ଘଟଣାସ୍ଥଳରୁ ପଳାଇଯାଇଥିଲେ ।
ପୋଲିସ ଦେଇଥିବା ସୂଚନା ଅନୁଯାୟୀ, ଦକ୍ଷିଣ ବେଙ୍ଗାଲୁରୁର କୋନାନାକୁନ୍ତେ ପୋଲିସ ଷ୍ଟେସନ ଅଞ୍ଚଳରେ ଏହି ନିର୍ଯାତନା ଘଟଣା ଘଟିଥିଲା ଯେତେବେଳେ ମହିଳା ଜଣକ ସକାଳେ ଚାଲିବା ପାଇଁ ଯିବାକୁ ପଡୋଶୀଙ୍କୁ ଅପେକ୍ଷା କରିଥିଲେ । ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଘଟଣା ରାସ୍ତାରେ ଥିବା ଏକ ଘରର ସିସିଟିଭି କ୍ୟାମେରାରେ କଏଦ ହୋଇଛି । ଏହା ପରେ ପୋଲିସ ଏହି ମାମଲାର ତଦନ୍ତ ଆରମ୍ଭ କରି ସୋମବାର ଅପରାଧୀଙ୍କୁ ଗିରଫ କରିଥିଲା । ସୂଚନାନୁସାରେ, ଅଭିଯୁକ୍ତ ଜଣେ କ୍ୟାବ ଡ୍ରାଇଭର ଏବଂ ସେ ପ୍ରାୟତଃ କର୍ପୋରେଟ୍ କର୍ମଚାରୀମାନଙ୍କୁ ନେବା ଆଣିବା କରନ୍ତି ।
