ଆଡ୍ ଫିଲ୍ମ ଗୁରୁ ଆଲେକ ପଦମସିଙ୍କ ଦେହାନ୍ତ
ମୁମ୍ବାଇ : ବରିଷ୍ଠ ଆଡ୍ ଫିଲ୍ମ ନିର୍ମାତା ଆଲେକ୍ ପଦମସିଙ୍କର ଦେହାନ୍ତ ହୋଇଛି । ତାଙ୍କୁ ୯୦ ବର୍ଷ ବୟସ ହୋଇଥିଲା । ଆଜି ମୁମ୍ବାଇ ସ୍ଥିତ ବାସଭବନରେ ତାଙ୍କର ପରଲୋକ ହୋଇଛି । ୧୯୮୨ରେ ମୁକ୍ତିଲାଭ କରିଥିବା ଐତିହାସିକ ଫିଲ୍ମ ‘ଗାନ୍ଧୀ’ରେ ମହମ୍ମଦ ଅଲୀ ଜିନ୍ନା ଭୂମିକାରେ ଆସିଥିଲେ ପଦମସି । ତେବେ ସେ ବିଶେଷ ଭାବେ ବିଜ୍ଞାପନ ଫିଲ୍ମ ଏବଂ ଥିଏଟରରେ ସଂପୃକ୍ତ ଥିଲେ । ତାଙ୍କ ବିଜ୍ଞାପନ ଏଜେନସି ‘ଲିନଟାସ୍’ ସାରା ବିଶ୍ୱରେ ଖୁବ୍ ନାଁ କମେଇଛି । ବିଜ୍ଞାପନ ଫିଲ୍ମକୁ ତାଙ୍କର ବିଶେଷ ଅବଦାନ ପାଇଁ ତାଙ୍କୁ ‘ଗ୍ରାଣ୍ଡ ଫାଦର ଅଫ୍ ଇଣ୍ଡିଆନ୍ ଆଡଭର୍ଟାଇଜିଂ’ ବୋଲି କୁହାଯାଏ । ତାଙ୍କ ଦେହାନ୍ତରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି । ମୋଦି ଟ୍ଵିଟ୍ କରି ନିଜର ଶୋକ ବ୍ୟକ୍ତ କରିଛନ୍ତି ।
୧୯୨୮ ମସିହାରେ ପଦମସିଙ୍କର ଜନ୍ମ ଏକ ମୁସଲମାନ ପରିବାରରେ ହୋଇଥିଲା । ୨୦୦୦ ମସିହାରେ ତାଙ୍କୁ ପଦ୍ମଶ୍ରୀର ସମ୍ମାନିତ କରାଯାଇଥିଲା ।
Sorry to hear of the passing of Alyque Padamsee, creative guru, theatre personality and doyen of our ad industry. My condolences to his family, friends and colleagues #PresidentKovind
— President of India (@rashtrapatibhvn) November 17, 2018
Saddened by the demise of Shri Alyque Padamsee. A wonderful communicator, his extensive work in world of advertising will always be remembered. His contribution to theatre was also noteworthy. My thoughts are with his family and friends in this sad hour: PM @narendramodi
— PMO India (@PMOIndia) November 17, 2018
