ତାଲିବାନ କବଜାରୁ ନିଜକୁ ମୁକୁଳାଇ ଭାରତ ପହଞ୍ଚିଲେ ଆଫଗାନିସ୍ତାନ ସାଂସଦ ନରେନ୍ଦ୍ର ସିଂ ଖାଲସା, ଦେଲେ ଭାବୁକ ଭରା ମନ୍ତବ୍ୟ
ଆଫଗାନିସ୍ତାନରେ ତାଲିବାନର କବଜା ଏବେ ସମସ୍ତଙ୍କୁ ଚିନ୍ତାରେ ପକାଇଛି । ଦେଶ ଛାଡି ବିଦେଶରେ ଏବେ ନିଜ ପାଇଁ ଆଶ୍ରୟସ୍ଥଳ ଖୋଜୁଛନ୍ତି ଆଫଗାନିସ୍ତାନ ଜନବାସୀ । ଏଭଳି ଦୁର୍ଦ୍ଦଶା ଓ ଅସହାୟ ପରିସ୍ଥିତି ଦେଖି ସମସ୍ତେ ଏବେ ସ୍ତବ୍ଧ । ଆଫଗାନ ସରକାର ମଧ୍ୟ ତାଲିବାନକୁ ଡରି ଶାସନ ଗାଦିକୁ ଛାଡ଼ି ପଳାଉଛନ୍ତି ।
ସେଠାକାର ରାଷ୍ଟ୍ରପତି ଦେଶ ଛାଡ଼ି ପଳାଇଥିବା ବେଳେ ଏବେ ସାଂସଦ ମାନେ ମଧ୍ୟ ଦେଶ ଛାଡ଼ିବାକୁ ବାଧ୍ୟ ହେଉଛନ୍ତି । ୨୦ ବର୍ଷ ମଧ୍ୟରେ ଯାହା କିଛି ହୋଇଥିଲା ଏବେ ସେସବୁର କିଛି ଅର୍ଥ ରହିନାହିଁ ।ଏହାକୁ ନେଇ ସବୁଠି ଏବେ ଚର୍ଚ୍ଚା । ଏବେ ଆଫଗାନର ସାଂସନ ନରେନ୍ଦ୍ର ସିଂ ଖାଲସା ଏହାକୁ ନେଇ ନିଜ ମନ୍ତବ୍ୟ ଦେଇଛନ୍ତି ।
#WATCH | Afghanistan’s MP Narender Singh Khalsa breaks down as he reaches India from Kabul.
“I feel like crying…Everything that was built in the last 20 years is now finished. It’s zero now,” he says. pic.twitter.com/R4Cti5MCMv
— ANI (@ANI) August 22, 2021
ତାଲିବାନ କବଜାରୁୁ ନିଜକୁ ସୁରକ୍ଷିତ ରଖିବା ପାଇଁ ଆଫଗାନର ସାଂସଦ ଖାଲସା ଭାରତକୁ ଆସିଛନ୍ତି । ଏଠାକୁ ଆସିବା ପରେ ଏବେ ମିଡ଼ିଆ ଆଗରେ ନିଜର ମନ୍ତବ୍ୟ ରଖିଛନ୍ତି । ଏହି ସମୟରେ ସେ ଭାବୁକ ହୋଇଥିବାର ଦେଖିବାକୁ ମିଳିଛି । ଭାରତକୁ ଆସୁଥିବା ପ୍ଲେନରେ ସେ ୧୬୮ ଯାତ୍ରୀ ମାନଙ୍କ ମଧ୍ୟରୁ ଜଣେ ଥିଲେ । ଏମାନଙ୍କୁ ଏୟାରଫୋର୍ସର ଗ୍ଲୋବମାଷ୍ଟର ବିମାନ କାବୁଲରୁ ଗାଜିଆବାଦକୁ ଅଣାଯାଇଥିଲା । ଏହା ଆଜି ରବିବାର ସକାଳ ସମୟରେ ହିଣ୍ଡନ ଏୟାରବେସରେ ଲ୍ୟାଣ୍ଡ ହୋଇଥିଲା
