ଭାରତର ବ୍ରୋଞ୍ଜ ହାସଲ ପରେ ଦେଶରେ ଉତ୍ସବର ମାହୋଲ, ହକି ଟିମକୁ ଶୁଭେଚ୍ଛାର ସୁଅ
ଅଲିମ୍ପିକ ହକିରେ ବ୍ରୋଞ୍ଜ ପଦକ ହାସଲ ପରେ ଦେଶରେ ଉତ୍ସବର ମାହୋଲ । ବାଣ ଫୁଟାଇ, ବାଜା ବଜାଇ ସେଲିବ୍ରେସନ କରିଛନ୍ତି ଦେଶବାସୀ। ବିଭିନ୍ନ ସ୍ଥାନରେ ଲୋକ ମାନେ ବଡ଼ ବଡ଼ ପରଦାରେ ମ୍ୟାଚର ମଜା ନେଇଥିଲେ । ବ୍ରୋଞ୍ଜ ମେଡାଲ ବିଜୟ ପରେ ଖୁସିର ମାହୋଲ ଖେଳିଯାଇଥିଲା। ହକି ଖେଳାଳିଙ୍କ ପରିବାରକୁ ଶୁଭେଚ୍ଛାର ସୁଅ ଛୁଟିଥିଲା ।
ହକି ଟିମର ବିଜୟ ପରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁଭେଚ୍ଛା ଜଣାଇଛନ୍ତି । ପଞ୍ଜାବର ହକି ଖେଳାଳିଙ୍କୁ ଏକ କୋଟି ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଭଗବତ ମାନ। ଓଡ଼ିଶା ମୁଖ୍ୟମନ୍ତ୍ରୀ ମୋହନ ମାଝୀ, ବିରୋଧୀ ଦଳ ନେତା ନବୀନ ପଟ୍ଟନାୟକ ବି ହକି ଟିମ୍ ର ବିଜୟ ନେଇ ଶୁଭେଚ୍ଛା ଜଣାଇଛନ୍ତି । କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ମଧ୍ୟ ଶୁଭେଚ୍ଛା ଜଣାଇଛନ୍ତି ।
