ପାକିସ୍ତାନର ଲାହୋରରେ ଜଣେ ମହିଳାଙ୍କ ଦୁଇଜଣ ପତିଙ୍କ ମଧ୍ୟରେ ଏପରି ଏକ ବୁଝାମଣା ହୋଇଛି ଯାହା ଶୁଣିବା ପରେ ଆପଣ ଆଶ୍ଚର୍ଯ୍ୟ ହୋଇଯିବେ । ଏଠାକାର ରୟାବିନ୍ଦ ଅଂଚଳରେ ରହୁଥିବା ଜଣେ ବ୍ୟକ୍ତି ନିଜ ପତ୍ନୀଙ୍କୁ ତାଙ୍କ ପୂର୍ବତନ ପତିଙ୍କ ପାଖରେ ଛାଡି ଦେଇଛନ୍ତି । ଯାହାଦ୍ୱାରା ସେ ନିଜ ପିଲାମାନଙ୍କର ଠିକଭାବେ ଲାଳନପାଳନ କରିପାରିବେ । ତେବେ ବ୍ୟକ୍ତି ଜଣଙ୍କ ଏହି ସମ୍ବନ୍ଧରେ ନିଜର ଲିଖିତ ରାୟ ମଧ୍ୟ ପ୍ରଦାନ କରିଛନ୍ତି ।
ତେବେ ଏହି ବୁଝାମଣାରେ ବର୍ତ୍ତମାନର ସ୍ୱାମୀ ଲେଖିଛନ୍ତି ‘ମୋ ପତ୍ନୀ ରବୀନା ବିବିଙ୍କର ତାଙ୍କ ପୂର୍ବପତିଙ୍କ ଠାରୁ ୪ଟି ପିଲା ଅଛନ୍ତି । ସେ ସର୍ବଦା ତାଙ୍କ ପିଲାମାନଙ୍କ ଲାଳନ ପାଳନକୁ ନେଇ ଚିନ୍ତିତ ରହୁଛନ୍ତି । ସେଥିପାଇଁ ତାଙ୍କ ସହମତି ଦ୍ୱାରା ମୁଁ ତାଙ୍କୁ ତାଙ୍କ ପୂର୍ବପତିଙ୍କ ସହ ରହିବା ପାଇଁ ଅନୁମତି ଦେଉଛି’ । ତେବେ ସେ କହିଛନ୍ତି ଯେ ତାଙ୍କ ପତ୍ନୀ ବର୍ତ୍ତମାନ ଗର୍ଭବତୀ ଅଛନ୍ତି ସେଥିପାଇଁ ସେ କୌଣସି ସମୟରେ ବି ଯାଇ ତାଙ୍କ ପତ୍ନୀଙ୍କୁ ସାକ୍ଷାତ କରିପାରିବେ । ଏକବର୍ଷ ପରେ ସେ ତାଙ୍କର ପିଲାକୁ ନେଇଯାଇପାରିବେ ଆଉ ସେତେଦିନ ପର୍ଯ୍ୟନ୍ତ ରବିନା ତାଙ୍କ ପୂର୍ବପତିଙ୍କ ନିକଟରେ ରହିପାରିବେ ।
ତେବେ ମହିଳାଙ୍କ ପୂର୍ବପତି ମଧ୍ୟ ନିଜର ବୟାନ ଦେଇଛନ୍ତି । ସେ କହିଛନ୍ତି ଯେ ‘ମୁଁ ରବିନା ବିବି ଓ ତାଙ୍କ ପିଲାର ସମ୍ପୂର୍ଣ୍ଣ ଯତ୍ନ ନେବି ଓ ତାଙ୍କୁ ଯେତେ ସମ୍ଭବ ଖୁସି ରେ ରଖିବା ପାଇଁ ଚେଷ୍ଟାକରିବି । ସୂଚନା ଅନୁଯାୟୀ ଏଭଳି ଘଟଣା ବହୁତ କ୍ଵଚିତ ଦେଖିବାକୁ ମିଳେ ଯେଉଁଠି ଦୁଇଜଣ ସ୍ୱାମୀ ମିଶି ଆପୋଷ ବୁଝାମଣା କରି ନିଜ ସ୍ତ୍ରୀକୁ ଖୁସିରେ ରଖିବା ପାଇଁ ଦସ୍ତଖତ କରନ୍ତି । ଏହି ବୁଝାମଣା ପରେ ତାଙ୍କର ବର୍ତ୍ତମାନର ପତି କହିଛନ୍ତି ଯେ ମୁଁ ଏହି ବୁଝାମଣା କେବଳ ଏଥିପାଇଁ କରିଛି କାରଣ ମୁଁ ଚାଁହୁଛି ମୋ ସ୍ତ୍ରୀ ଖୁସିରେ ରହୁ । ତାଙ୍କୁ ମୁଁ କେବେ ଚିନ୍ତାରେ ଦେଖିପାରିବି ନାହିଁ ।