ଅହମ୍ମଦାବାଦରେ ଥିବା ବିମାନବନ୍ଦରରୁ ଲଣ୍ଡନର ଗାଟୱିକ୍ ବିମାନବନ୍ଦରକୁ ଉଡ଼ାଣ ଭରିବା ମାତ୍ରେ ଏୟାର ଇଣ୍ଡିଆର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି । ବିମାନରେ କର୍ମଚାରୀଙ୍କ ସମେତ ମୋଟ ୨୪୨ ଜଣ ଥିଲେ । ଦୁର୍ଘଟଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଗଭୀର ଶୋକ ପ୍ରକାଶ କରିଛନ୍ତି ଏବଂ ରିଲିଫ୍ କାର୍ଯ୍ୟ ଉପରେ ନଜର ରଖିବାକୁ ନିର୍ଦ୍ଦେଶ ଦେଇଛନ୍ତି ।
ଘଟଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଘଟଣାକୁ “ହୃଦୟ ବିଦାରକ” ବୋଲି ବର୍ଣ୍ଣନା କରି ଟ୍ୱିଟରରେ ଲେଖିଛନ୍ତି : “ଅହମଦାବାଦର ଦୁର୍ଘଟଣା ଆମକୁ ମର୍ମାହତ ଏବଂ ଦୁଃଖିତ କରିଛି ।”
ଦୁଃଖ ପ୍ରକାଶ କରି ସେ ଲେଖିଛନ୍ତି ଯେ ଏହାକୁ ଶବ୍ଦରେ ପ୍ରକାଶ କରାଯାଇପାରିବ ନାହିଁ । ଏହି ଦୁଃଖର ମୁହୂର୍ତ୍ତରେ ଏହା ଦ୍ୱାରା ପ୍ରଭାବିତ ସମସ୍ତ ଲୋକଙ୍କ ସହିତ ମୋର ସମବେଦନା । ମୁଁ ପ୍ରଭାବିତ ଲୋକଙ୍କୁ ସାହାଯ୍ୟ କରିବା ପାଇଁ କାମ କରୁଥିବା ମନ୍ତ୍ରୀ ଏବଂ ଅଧିକାରୀଙ୍କ ସହିତ ଯୋଗାଯୋଗରେ ଅଛି ।
The tragedy in Ahmedabad has stunned and saddened us. It is heartbreaking beyond words. In this sad hour, my thoughts are with everyone affected by it. Have been in touch with Ministers and authorities who are working to assist those affected.
— Narendra Modi (@narendramodi) June 12, 2025
କେନ୍ଦ୍ର ଗୃହମନ୍ତ୍ରୀ ଅମିତ ଶାହ ବିମାନ ଦୁର୍ଘଟଣାରେ ଦୁଃଖ ପ୍ରକାଶ କରି ସୋସିଆଲ ସାଇଟ୍ X ରେ ଲେଖିଛନ୍ତି ଯେ ଅହମଦାବାଦରେ ହୋଇଥିବା ଦୁଃଖଦ ବିମାନ ଦୁର୍ଘଟଣାକୁ ମୁଁ ଶବ୍ଦରେ ପ୍ରକାଶ କରିପାରିବି ନାହିଁ।
ସେ କହିଛନ୍ତି ଯେ ଦୁର୍ଘଟଣାସ୍ଥଳକୁ ତୁରନ୍ତ ବିପର୍ଯ୍ୟୟ ପ୍ରତିକ୍ରିୟା ବାହିନୀ ପଠାଯାଇଛି । ପରିସ୍ଥିତିର ମୂଲ୍ୟାଙ୍କନ କରିବା ପାଇଁ ଗୁଜରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ, ଗୃହମନ୍ତ୍ରୀ ହର୍ଷ ସାଂଘଭି ଏବଂ ଅହମ୍ମଦାବାଦ ପୋଲିସ କମିଶନରଙ୍କ ସହ କଥା ହୋଇଛି ।
Pained beyond words by the tragic plane crash in Ahmedabad. Disaster response forces have been quickly rushed to the crash site. Spoke with the Gujarat Chief Minister Shri Bhupendra Patel, Home Minister Shri Harsh Sanghavi, and Commissioner of Police Ahmedabad to assess the…
— Amit Shah (@AmitShah) June 12, 2025
ଏୟାର ଇଣ୍ଡିଆ ଯାତ୍ରୀଙ୍କ ତାଲିକା ପ୍ରକାଶ କରିଛି । ଦୁର୍ଘଟଣାଗ୍ରସ୍ତ ବିମାନରେ ୧୬୯ ଜଣ ଭାରତୀୟ, ୫୩ ଜଣ ବ୍ରିଟିଶ ନାଗରିକ, ୭ ଜଣ ପର୍ତ୍ତୁଗୀଜ ନାଗରିକ ଏବଂ ଜଣେ କାନାଡିଆନ ନାଗରିକ ଥିଲେ । ରାଜ୍ୟ ସରକାର ଏକ ଜରୁରୀକାଳୀନ ନିୟନ୍ତ୍ରଣ କକ୍ଷ ଘୋଷଣା କରିଛନ୍ତି, ଯେଉଁଥିରେ ଆହତଙ୍କ ସମ୍ପର୍କୀୟଙ୍କ ବିଷୟରେ ସୂଚନା ପାଇବା ପାଇଁ ହେଲ୍ପଲାଇନ୍ ନମ୍ବର ମଧ୍ୟ ଘୋଷଣା କରାଯାଇଛି ।
ଏୟାର ଇଣ୍ଡିଆ ଏକ ହେଲ୍ପଲାଇନ୍ ନମ୍ବର 1800-5691-444 ଘୋଷଣା କରିଛି । ସମ୍ପର୍କୀୟମାନେ ଏହି ହେଲ୍ପଲାଇନ୍ ନମ୍ବରରୁ ସୂଚନା ପାଇପାରିବେ । ଦୁର୍ଘଟଣା ଅଞ୍ଚଳକୁ ଘେରାବନ୍ଦୀ କରାଯାଇଛି ଏବଂ ଜରୁରୀକାଳୀନ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଚାଲିଛି । ଆହତମାନଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଛି ଏବଂ ସେମାନଙ୍କର ଚିକିତ୍ସା ଜାରି ରହିଛି ।