ଏୟାର ଇଣ୍ଡିଆ ବିମାନରେ ବୋମା ଧମକ, ଲଣ୍ଡନରେ କରାଗଲା ଜରୁରୀ ଅବତରଣ
ନୂଆଦିଲ୍ଲୀ : ନ୍ୟୁୟର୍କ ଯାଉଥିବା ଏକ ଏୟାର ଇଣ୍ଡିଆ ବିମାନରେ ବୋମା ଆତଙ୍କ । ଫଳରେ ଏୟାର ଇଣ୍ଡିଆ ଫ୍ଲାଇଟ୍-୧୯୧କୁ ଲଣ୍ଡନର ଷ୍ଟେନଷ୍ଟେଡ୍ ଏୟାରପୋର୍ଟ ଜରୁରୀ ଅବତରଣ କରାଯାଇଛି । ଏକଥା ଜଣାପଡ଼ିବା ପରେ ଫ୍ଲାଇଟ୍କୁ ବାତିଲ କରି ଦିଆଯାଇଛି । ବିମାନକୁ ଯୁଦ୍ଧ ବିମାନ ଓ ରୟାଲ ଏୟାରଫୋର୍ସ ବିମାନ ଏସ୍କର୍ଟ କରି ଆଣିଥିଲେ । ପରେ ଜଣାପଡ଼ିଥିଲା ଯେ ବୋମା ନେଇ ମିଥ୍ୟା କଲ୍ ଥିଲା । ସୁରକ୍ଷା କର୍ମୀ ତନ୍ନ ତନ୍ନ କରି ଯାଞ୍ଚ କରିବା ପରେ ଷ୍ଟେନଷ୍ଟେଡ୍ ଏୟାରପୋର୍ଟର ରନେଓ୍ଵକୁ ପୁଣି ଖୋଲା ଯାଇଥିଲା ।
