ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ଆଜି ଉତ୍ତର ପ୍ରଦେଶର ଗାଜିପୁର ଯାଇଛନ୍ତି । ଅଖିଳେଶ ଗ୍ୟାଙ୍ଗଷ୍ଟର ମୁଖତାର ଅନସାରୀଙ୍କ ଘରକୁ ଯାଇ ସେଠାରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ମୁଖତାରଙ୍କ ମୃତ୍ୟୁ ପରେ ସପା ସୁପ୍ରିମୋ ପ୍ରଥମ ଥର ଗାଜିପୁର ଗସ୍ତ କରିଛନ୍ତି । ଏହି ସମୟରେ ସେ ମୁଖତାରଙ୍କ ପରିବାରକୁ ଭେଟି ସାନ୍ତ୍ୱନା ଦେଇଥିଲେ ।
କହି ରଖୁଛୁ ଯେ ମାର୍ଚ୍ଚ ୨୮ ତାରିଖ ରାତିରେ ବାନ୍ଦା ଜେଲରେ ରହୁଥିବା ମୁଖତାର ଅନସାରୀଙ୍କ ମୃତ୍ୟୁ ଘଟିଥିଲା । ହୃଦଘାତରେ ତାଙ୍କର ମୃତ୍ୟୁ ହୋଇଥିବା କୁହାଯାଇଥିଲା । ଏହା ପରେ ଗାଜିପୁରର କାଳୀ ବାଗ କବରସ୍ଥାନରେ ତାଙ୍କୁ ସମାଧି ଦିଆଯାଇଥିଲା ।
ତେବେ ଅଖିଳେଶ ଆଜି ସକାଳେ ହେଲିକପ୍ଟର ଯୋଗେ ଗାଜିପୁରରେ ପହଞ୍ଚିଥିଲେ । ସେ ପ୍ରଥମେ ଲକ୍ଷ୍ନୌରୁ ବାରାଣସୀ ପାଇଁ ଉଡ଼ାଣ ଭରିଥିଲେ ଏବଂ ପରେ ହେଲିକପ୍ଟର ସାହାଯ୍ୟରେ ଗାଜିପୁରରେ ଓହ୍ଲାଇଥିଲେ । ଅଖିଳେଶଙ୍କ ହେଲିକପ୍ଟର ଗାଜିପୁରର ମହମ୍ମଦାବାଦସ୍ଥିତ ସହିଦ ଇଣ୍ଟର କଲେଜରେ ଅବତରଣ କରିଥିଲା । ସେଠାରୁ ସେ କାରରେ ବସି ମୁଖତାର ଅନସାରୀଙ୍କ ଘରକୁ ଯାଇଥିଲେ ।
ସୂଚନାଯୋଗ୍ୟ, ମୁଖତାର ଅନସାରୀ ୧୯୯୬ରୁ ୨୦୧୭ ପର୍ଯ୍ୟନ୍ତ ମଉରୁ ବିଧାୟକ ଥିଲେ । ତାଙ୍କୁ ମାୟାବତୀଙ୍କ ବହୁଜନ ସମାଜ ପାର୍ଟି ଟିକେଟ ଦେଇଥିଲା । କିନ୍ତୁ ୟୁପିରେ ଅନେକ ଆସନ ଉପରେ ତାଙ୍କର ପ୍ରବଳ ଦବଦବା ରହିଥିଲା, ସେଥିମଧ୍ୟରୁ ଗୋଟିଏ ହେଉଛି ଗାଜିପୁର । ଗାଜିପୁରରେ ମୁଖତାରଙ୍କ ଘର, ଏଠାକାର ଆସନରୁ ତାଙ୍କର ଘନିଷ୍ଠ ହିଁ ଜିତି ଆସିଛନ୍ତି ।
ବର୍ତ୍ତମାନ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ସମାଜବାଦୀ ପାର୍ଟି ମଧ୍ୟ ନିର୍ବାଚନ ସମୀକରଣ ବଦଳାଇବାରେ ବ୍ୟସ୍ତ ଅଛି । ଏହି କାରଣରୁ କିଛି ଦିନ ପୂର୍ବରୁ ଅଖିଳେଶ ମୁଖତାରଙ୍କ ମୃତ୍ୟୁ ଘଟଣାର ତଦନ୍ତ ପାଇଁ ସୁପ୍ରିମକୋର୍ଟଙ୍କୁ ଅନୁରୋଧ କରିଥିଲେ ।
ଭୁବନେଶ୍ୱର (କେନ୍ୟୁଜ୍) : ମୋହନ ମାଝୀଙ୍କ ବିଜେପି ସରକାର ଆଜି ଶପଥ ନେବା ପରେ କ୍ୟାବିନେଟରେ ୪ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ…
ଯାଜପୁର(କେନ୍ୟୁଜ୍): ନୂତନ ମୁଖ୍ୟମନ୍ତ୍ରୀଙ୍କୁ ସ୍ଵାଗତ ସଙ୍ଗୀତ ମାଧ୍ୟମରେ ସ୍ୱାଗତ ଓ ସମ୍ବର୍ଦ୍ଧନା। ଯାଜପୁର ଦଶରଥପୁର ବ୍ଲକ ଅନ୍ତର୍ଗତ ମଙ୍ଗଳପୁରର ଅଗ୍ରଣୀ…
ଭୁବନେଶ୍ୱର(କେନ୍ୟୁଜ୍): ମୋହନ ମାଝୀ ସରକାରଙ୍କ ପ୍ରଥମ କ୍ୟାବିନେଟ ବୈଠକ । ଶପଥ ଗ୍ରହଣ ପରେ ବିଜେପି ସରକାରଙ୍କ ପ୍ରଥମ କ୍ୟାବିନେଟ…
ଦେହ ଅଛି ତ ରୋଗ ଅଛି । ସେଥିଲାଗି ତ କୁହାଯାଏ, ସ୍ୱାସ୍ଥ୍ୟ ହିଁ ସମ୍ପଦ । ପ୍ରତିଟି ଜୀବନ…
ଭୁବନେଶ୍ୱର(କେନ୍ୟୁଜ୍): ସୁରମା ପାଢୀ ହୋଇପାରନ୍ତି ନୂଆ ବାଚସ୍ପତି । ବିଧାନସଭା ବାଚସ୍ପତି ଭାବେ ରଣପୁରର ବିଧାୟିକାଙ୍କ ନାଁକୁ ନେଇ ଚର୍ଚ୍ଚା…
ଭୁବନେଶ୍ୱର(କେନ୍ୟୁଜ୍): ନୂଆ ମୁଖ୍ୟମନ୍ତ୍ରୀ, ନୂଆ କ୍ୟାବିନେଟ। ଶପଥ ଗ୍ରହଣ କରିଛନ୍ତି ମୋହନ ମାଝୀଙ୍କ ଟିମ୍। ଦୁଇ ଉପମୁଖ୍ୟମନ୍ତ୍ରୀ। ୮ କ୍ୟାବିନେଟ…