photo: The Week
ବାରାଣସୀର ଜ୍ଞାନବ୍ୟାପୀ ମସ୍ଜିଦ ମାମଲାରେ ମୁସ୍ଲିମ ପକ୍ଷକୁ ବଡ଼ ଝଟ୍କା ଲାଗିଛି। ଆହ୍ଲାବାଦ ହାଇକୋର୍ଟ ଅଞ୍ଜୁମନ ଇନ୍ତେଜାମିଆ ମସ୍ଜିଦ କମିଟି ଏବଂ ଅନ୍ୟ ସମସ୍ତ ୫ ଆବେଦନକୁ ଖାରଜ କରିଛନ୍ତି। ବାରାଣସୀ କୋର୍ଟରେ ହିନ୍ଦୁ ପକ୍ଷ ଦ୍ୱାରା ଦାଖଲ ସିଭିଲ୍ ମକଦ୍ଦମାକୁ ହାଇକୋର୍ଟ ଶୁଣାଣି ଯୋଗ୍ୟ ମାନିଛନ୍ତି। ହାଇକୋର୍ଟ ମସ୍ଜିଦ କମିଟି ଏବଂ ୱାକଫ ବୋର୍ଡର ଯୁକ୍ତିକୁ ଖାରଜ କରିଦେଇଛନ୍ତି। ୨୦୨୧ ଏପ୍ରିଲ ୮ରେ ବାରାଣସୀ କୋର୍ଟ ଦେଇଥିବା ନିର୍ଦ୍ଦେଶକୁ ମଧ୍ୟ ଏହି ଆବେଦନରେ ଚ୍ୟାଲେଞ୍ଜ ଦିଆଯାଇଥିଲା, ଯେଉଁଥିରେ କୋର୍ଟ ଜ୍ଞାନବ୍ୟାପୀ ମସ୍ଜିଦ ଉପରେ ବିସ୍ତୃତ ସର୍ଭେ କରିବାକୁ ନିର୍ଦ୍ଦେଶ ଦେଇଥିଲେ।
ଏହାପୂର୍ବରୁ ଡିସେମ୍ବର ୮ରେ ଜଷ୍ଟିସ୍ ରୋହିତ ରଞ୍ଜନ ଅଗ୍ରୱାଲ ଆବେଦନକାରୀ ଅଞ୍ଜୁମନ ଇନ୍ତେଜାମିଆ ମସ୍ଜିଦ କମିଟି, ଉତ୍ତର ପ୍ରଦେଶ ସୁନ୍ନି ସେଣ୍ଟ୍ରାଲ ୱାକଫ ବୋର୍ଡ ଏବଂ ଉତ୍ତରଦାୟୀ ମନ୍ଦିର ପକ୍ଷର ଯୁକ୍ତି ଶୁଣିବା ପରେ ନିଜର ନିଷ୍ପତ୍ତି ସଂରକ୍ଷିତ ରଖିଥିଲେ। ବାରାଣସୀ କାଶୀ ବିଶ୍ୱନାଥ ମନ୍ଦିର ନିକଟସ୍ଥ ଜ୍ଞାନବ୍ୟାପୀ ମସ୍ଜିଦର ପରିଚାଳନା କରୁଥିବା ଅଞ୍ଜୁମନ ଇନ୍ତେଜାମିଆ ମସ୍ଜିଦ କମିଟି ବାରାଣସୀ କୋର୍ଟରେ ବିଚାରାଧୀନ ମକଦ୍ଦମାକୁ ବଜାୟ ରଖିବାକୁ ଚ୍ୟାଲେଞ୍ଜ କରିଥିଲା।
ସେପଟେ ଯେଉଁଠି ବର୍ତ୍ତମାନ ଜ୍ଞାନବ୍ୟାପୀ ମସ୍ଜିଦ ରହିଛି, ସେହି ସ୍ଥାନରେ ମନ୍ଦିର ପୁନଃସ୍ଥାପନ କରିବାକୁ ହିନ୍ଦୁ ପକ୍ଷ ଦାବି କରିଛନ୍ତି। ହିନ୍ଦୁ ପକ୍ଷଙ୍କ ମୁତାବକ, ଜ୍ଞାନବ୍ୟାପୀ ମସ୍ଜିଦ ମନ୍ଦିରର ଏକ ଅଂଶ। ଅଞ୍ଜୁମନ ଇନ୍ତେଜାମିଆ ମସ୍ଜିଦ କମିଟି ଏବଂ ଉତ୍ତର ପ୍ରଦେଶ ସୁନ୍ନି ସେଣ୍ଟ୍ରାଲ ୱାକଫ ବୋର୍ଡ ଯୁକ୍ତି କରିଛନ୍ତି ଯେ ପୂଜାସ୍ଥଳ ଅଧିନିୟମ (ବିଶେଷ ବ୍ୟବସ୍ଥା) ୧୯୯୧ ଅନୁଯାୟୀ ଏହି ମକଦ୍ଦମାର ଶୁଣାଣି ହୋଇପାରିବ ନାହିଁ। ଏହି ଆଇନରେ କୁହାଯାଇଛି କି, ୧୯୪୭ ଅଗଷ୍ଟ ୧୫ରୁ ବିଦ୍ୟମାନ ଥିବା କୌଣସି ଧର୍ମର ପୂଜାସ୍ଥଳର ଅସ୍ତିତ୍ୱ ଏହାପରେ ମଧ୍ୟ ଜାରି ରହିବ।
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…