୯ ମାସ ପରେ ଆଜିଠୁ ମହାରାଷ୍ଟ୍ରରେ ଖୋଲିଲା ସମସ୍ତ ମନ୍ଦିର, କୋଭିଡ୍ ଗାଇଡ ଲାଇନ୍କୁ କଡ଼ାକଡ଼ି ପାଳନ କରି ଦର୍ଶନ କରୁଛନ୍ତି ଶ୍ରଦ୍ଧାଳୁ
ମହାରାଷ୍ଟ୍ର: ୯ ମାସ ପରେ ମହାରାଷ୍ଟ୍ରରେ ଖୋଲିଲା ମନ୍ଦିର । ଆଜିଠୁ ଶ୍ରଦ୍ଧାଳୁଙ୍କ ପାଇଁ ମନ୍ଦିର ସହ ଅନ୍ୟ ଧାର୍ମିକ ସ୍ଥଳୀ ଖୋଲାଯାଇଛି। କୋଭିଡ୍ ଗାଇଡ ଲାଇନ୍କୁ କଡ଼ାକଡ଼ି କରିଛନ୍ତି ମହାରାଷ୍ଟ୍ର ସରକାର । ମନ୍ଦିର ପ୍ରବେଶ ପୂର୍ବରୁ ସମସ୍ତଙ୍କ ଥର୍ମାଲ ସ୍କ୍ରିନିଂ କରାଯାଉଛି । ମାସ୍କ ଓ ହ୍ୟାଣ୍ଡ ସାନିଟାଇଜିଂ ବାଧ୍ୟତାମୂଳକ ।
ବୟସ୍କ ଲୋକଙ୍କୁ ମନ୍ଦିର ନଆସିବାକୁ ପରାମର୍ଶ ଦିଆଯାଇଛି । ମୁମ୍ବାଇର ପ୍ରସିଦ୍ଧ ସିଦ୍ଧି ବିନାୟକ ମନ୍ଦିରରେ ଶ୍ରଦ୍ଧାଳୁ ପହଞ୍ଚି ଦର୍ଶନ କରିଛନ୍ତି। ଦର୍ଶନ ପାଇଁ ସ୍ୱତନ୍ତ୍ର ଏସଓପି କରାଯାଇଛି। ସିରିଡ଼ିର ପ୍ରସିଦ୍ଧ ସାଇ ମନ୍ଦିର ମଧ୍ୟ ଆଜିଠାରୁ ଖୋଲାଯାଇଛି। କରୋନା ଯୋଗୁଁ ଗତ ମାର୍ଚ୍ଚ ମାସରୁ ସମସ୍ତ ମନ୍ଦିର ବନ୍ଦ ରଖାଯାଇଥିଲା।
