ଫ୍ଲୋର ଟେଷ୍ଟ ପୂର୍ବରୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଲାଗିଛି ବଡ ଝଟକା। ନିଜ ଗାଦି ବଞ୍ଚାଇବାକୁ ଇମ୍ରାନ ଚେଷ୍ଟା କରୁଥିବା ବେଳେ ଇମ୍ରାନ ସରକାରଙ୍କ ହାତ ଛାଡ଼ିଛି ସହଯୋଗୀ MQM (ମୁସ୍ତାହିଦା କୋମି ମୁଭମେଣ୍ଟ) । ଆସ୍ଥା ଭୋଟ ପୂର୍ବରୁ ଇମ୍ରାନଙ୍କ ସହଯୋଗୀ ପାର୍ଟି MQM ବିରୋଧୀ ଦଳ ସହ ଚୁକ୍ତି କରିସାରିଛି । ଏନେଇ ପିପିପି ମୁଖ୍ୟ ବିଲାୱଲ ଭୁଟ୍ଟୋ ଜରଦାରୀ ଟ୍ୱିଟ୍ କରି ସୂଚନା ଦେଇଛନ୍ତି ।
ଟ୍ଵିଟରରେ ଲେଖାଯାଇଛି, ରାବତା ସମିତି MQM ଏବଂ PPP ସିଇସି ଚୁକ୍ତିନାମାକୁ ଅନୁମୋଦନ କରିବ । ଏହା ପରେ ଆସନ୍ତାକାଲି ଏକ ସାମ୍ବାଦିକ ସମ୍ମିଳନୀରେ ଏହାର ସୂଚନା ଦିଆଯିବ ବୋଲି ସେ କହିଛନ୍ତି । ବଧାଇ ହୋ ପାକିସ୍ତାନ।
ତେବେ ଇମ୍ରାନ ଖାନଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଗତ କରିଛନ୍ତି ବିରୋଧୀ । ଏହା ଉପରେ ଆଜିଠାରୁ ଆଲୋଚନା ହେବ । କିନ୍ତୁ ଏହା ପୂର୍ବରୁ MQM ଏବଂ PPPର ଚୁକ୍ତି ପରେ ଇମ୍ରାନ ଖାନଙ୍କ ସରକାର ବହୁମତ ହରାଇ ସାରିଛି ।
ପାକିସ୍ତାନ ବିଧାନସଭାରେ ମୋଟ ୩୪୨ ଜଣ ସଦସ୍ୟ ରହିଛନ୍ତି। ଏବେ ସରକାର ପ୍ରତି ୧୬୪ ସଦସ୍ୟଙ୍କ ସମର୍ଥନ ରହିଥିବା ବେଳେ ବିରୋଧୀଙ୍କ ସହ ୧୭୭ ସଦସ୍ୟଙ୍କ ସମର୍ଥନ ରହିଛି । ଆସ୍ଥା ଭୋଟ ଜିଣିବା ପାଇଁ ଦରକାର ୧୭୨ ସଦସ୍ୟଙ୍କ ସମର୍ଥନ ଆବଶ୍ୟକ । ଏବେ ଇମ୍ରାନ ସରକାରଙ୍କ ଶାସନ କାଳ ଶେଷ ହେବାର ସମ୍ଭାବନା ରହିଛି ।