ଜୀବନରେ ଦୁଇ ଟଙ୍କାର ମହତ୍ତ୍ୱ କେତେ ସେ କଥାକୁ କହିବାକୁ ଯାଇ ବଲିଉଡ୍ ଅଭିନେତା ଅମିତାଭ ବଚ୍ଚନ ନିଜ ଜୀବନର କିଛି ଅଭୁଲା ସ୍ମୃତି ସେୟାର କରିଛନ୍ତି ‘କୈାନ ବନେଗା କରୋଡପତି’ ଶୋ ରେ ।
ଏବେ ‘କୈାନ୍ ବନେଗା କରୋଡପତି’ର ୧୨ ତମ ସିଜିନ୍ ଚାଲିଛି । ଏହାର ଏକ ଏପିସୋଡ୍ରେ ହଟ୍ ସିଟ୍ରେ ବସିଥାନ୍ତି ଜୟ ନାମକ ଜଣେ ବ୍ୟକ୍ତି । ଜୟ ଏଥିରେ ତାଙ୍କର ଜୀବନର ଏକ ସ୍ମୃତି ଅମିତାଭଙ୍କ ଆଗରେ କହିଲେ । ପିଲାଦିନେ ସେ କିପରି ୨ ଟଙ୍କା ପାଇଁ ଏକ ସ୍ନାକ୍ସ କିଣି ପାରିନଥିଲେ । ମା’ଙ୍କ ପାଖରେ ୫ ଟଙ୍କା ଥିବାରୁ ୭ ଟଙ୍କାର ସ୍ନାକ୍ସ କିଣି ପାରିନଥିଲେ ।
ଏହା ଶୁଣିବା ପରେ ଅମିତାଭ ମଧ୍ୟ ତାଙ୍କ ଜୀବନରେ ୨ ଟଙ୍କାର ଏକ କାହାଣୀ ଥିବା କଥା ସେୟାର କରିଥିଲେ । ଅମିତାଭ କହିଥିଲେ ଯେ ପିଲାବେଳେ ସ୍କୁଲ କ୍ରିକେଟ ଟିମ୍ରେ ୨ ଟଙ୍କା ଅଭାବରୁ ମିଶି ପାରିନଥିଲେ ସେ ।
ଯେତେବେଳେ ସେ ୨ ଟଙ୍କା ମା’ଙ୍କୁ ମାଗିଲେ ମା’ ତାଙ୍କ ପାଖରେ ୨ ଟଙ୍କା ନଥିବା କହିଥିଲେ । ଫଳରେ ସେ କ୍ରିକେଟ୍ ଟିମ୍ରେ ଯୋଗ ଦେଇ ପାରି ନଥିଲେ । “ଏହି ଘଟଣା ମୋ ଜୀବନରେ ଏକ ମହତ୍ତ୍ୱପୂର୍ଣ୍ଣ ଶିକ୍ଷା ଦେଇଥିଲା । ୨ ଟଙ୍କାର ମୂଲ୍ୟ କ’ଣ ଅଟେ ଆଜି ମୋର ମନେ ପଡ଼ୁଛି ବୋଲି କହିଥିଲେ ଅମିତାଭ ।”