ଛତିଶଗଡ଼ରେ ପୁଣି ଏନକାଣ୍ଟର, ଆଉ ୩ ନକ୍ସଲ ନିହତ
ଛତିଶଗଡ଼ରେ ପୁଣି ଏନକାଣ୍ଟର। ଆଉ ୩ ନକ୍ସଲ ନିହତ । ଛତିଶଗଡ଼-ମହାରାଷ୍ଟ୍ର ସୀମାନ୍ତ ଅବୁଝମଦ ଅଞ୍ଚଳରେ ସୁରକ୍ଷାକର୍ମୀ – ମାଓବାଦୀଙ୍କ ମଧ୍ୟରେ ଗୁଳିବିନିମୟରେ ୩ ଜଣ ନକ୍ସଲ ନିହତ ହୋଇଛନ୍ତି । ନିହତ ନକ୍ସଲଙ୍କ ମଧ୍ୟରେ ଜଣେ ମହିଳା ଓ ୨ ଜଣ ପୁରୁଷ ଥିବା ସୂଚନା ମିଳିଛି । ମୃତ ମାଓବାଦୀଙ୍କ ଠାରୁ ଗୋଟିଏ AK-47 ରାଇଫଲ ସହ ବହୁ ଅସ୍ତ୍ରଶସ୍ତ୍ର ଜବତ ହୋଇଛି । ଅପରାହ୍ଣ ୪ଟା ବେଳେ ଏନକାଉଣ୍ଟର ଆରମ୍ଭ ହୋଇଥିଲା । ମାଓବାଦୀ ଲୁଚି ରହିଥିବା ଠୋସ୍ ସୂଚନା ପାଇ କମ୍ବିଂ ଅପରେସନ ଆରମ୍ଭ କରିଥିଲେ ସୁରକ୍ଷାକର୍ମୀ । କମ୍ବିଂ ବେଳେ ଉଭୟ ପକ୍ଷ ମଧ୍ୟରେ ଗୁଳିବିନିମୟ ହୋଇଥିଲା ।
