କୋଲକତାରେ ବିସ୍ଫୋରଣ, ଜଣେ ମୃତ
କୋଲକତାରେ ଜୁନିଅର ଡାକ୍ତରାଣୀକୁ ଦୁଷ୍କର୍ମ ଏବଂ ହତ୍ୟା ମାମଲା ଉତ୍ତେଜନା ଥମିନଥିବା ବେଳେ ଏକ ବିସ୍ଫୋରଣ ହୋଇଛି । ବ୍ଲୋଚମାନ ଷ୍ଟ୍ରିଟ ଓ ଏସ୍ଏନ ବାନାର୍ଜୀ ରୋଡକୁ ସଂଯୋଗ କରୁଥିବା ସ୍ଥାନରେ ବିସ୍ଫୋରଣ ହୋଇଛି । ଏହି ବିସ୍ଫୋରଣରେ ଜଣେ ୫୮ ବର୍ଷୀୟ ବ୍ୟକ୍ତିଙ୍କ ମୃତ୍ୟୁ ହୋଇଛି । ବିସ୍ଫୋରଣର କାରଣ ଜଣାପଡିନାହିଁ । ବିସ୍ଫୋରଣ ଏକ ପ୍ଲାଷ୍ଟିକ ବ୍ୟାଗରେ ହୋଇଛି । ସ୍ଫୋରଣ ପରେ ଚାରି ଆଡ଼େ ଆତଙ୍କ ଖେଳି ଯାଇଛି ।
ଖବର ମୁତାବକ, ଅପରାହ୍ନ ୧.୪୫ ମିନିଟ ସମୟରେ ତଲତଲା ପୋଲିସ ଷ୍ଟେସନକୁ ଏକ ସନ୍ଦିଗ୍ଧ ବ୍ୟାଗ ଥିବା ସୂଚନା ମିଳିଥିଲା । ବ୍ୟାଗ୍ ଯାଞ୍ଚ ସମୟରେ ଏହା ବିସ୍ଫୋରଣ ହୋଇଥିଲା । ଫଳରେ ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି । ବ୍ଲେଚମ୍ୟାନ ସେଣ୍ଟ ଏବଂ ଏସଏନ ବାନାର୍ଜୀ ରୋଡରେ ଏକ ପ୍ଲାଷ୍ଟିକ ବ୍ୟାଗ ରଖାଯାଇଥିଲା । ସେଠାରେ ଯାଉଥିବା ଜଣେ ବ୍ୟକ୍ତି ବ୍ୟାଗକୁ ଉଠାଇବାକୁ ଚେଷ୍ଟା କରୁଥିବା ବେଳେ ବିସ୍ଫୋରଣ ହୋଇଥିଲା ।
ଘଟଣା ସ୍ଥଳରେ ବୋମା ନିଷ୍କ୍ରିୟକାରୀ ଦଳ ପହଞ୍ଚିଛି । ଘଟଣା ସ୍ଥଳ ଯାଞ୍ଚ ହେବା ପରେ ଯାତାୟତ ପାଇଁ ଅନୁମତି ମିଳିବ । ତେବେ ଆହତଙ୍କ ବ୍ୟକ୍ତିଙ୍କ ପରିଚୟ ମିଳିଛି ।
ବିସ୍ଫୋରଣରେ ଜରି ଗୋଟାଳି ବାପି ଦାସଙ୍କ ମୃତ୍ୟୁ ହୋଇଛି । ସେ ଉକ୍ତ ସ୍ଥାନ ଦେଇ ଯାଉଥିବା ବେଳେ ହଠାତ ବିସ୍ଫୋରଣ ହୋଇଥିଲା । ଏଥିରେ ବାପି ଗୁରୁତର ଆହତ ହୋଇଥିଲେ । ତାଙ୍କୁ ତୁରନ୍ତ ଏନଆରଏସ୍ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।
