Image Credit: Twitter
ଆଇନ୍ ବ୍ୟବସ୍ଥା ଉପରେ ଧୀରେ ଧୀରେ ଲୋକଙ୍କ ଆସ୍ଥା ବଢ଼ିବାରେ ଲାଗିଛି। ଦୋଷୀକୁ ଦଣ୍ଡ ମିଳୁଥିବାରୁ ଲୋକଙ୍କର ଆଇନ୍ କାନୁନ୍ ଉପରେ ବିଶ୍ୱାସ ଓ ଭରସା ବଢ଼ିଛି। ପାକିସ୍ତାନରେ ଜଣେ ଦୁଷ୍କର୍ମ ଓ ହତ୍ୟା ଅଭିଯୁକ୍ତକୁ କୋର୍ଟ ମୃତ୍ୟୁ ଦଣ୍ଡ ଦେବା ପରେ ଆଇନ୍ ବ୍ୟବସ୍ଥା ଉପରେ ଲୋକଙ୍କ ବିଶ୍ୱାସ ଆହୁରି ସୁଦୃଢ଼ ହୋଇଛି।
ରିପୋର୍ଟ ମୁତାବକ, ଆମେରିକାର ନାଗରିକ ଜାହିର ଜଫର ଇସ୍ଲାମାବାଦ ସ୍ଥିତ ନିଜ ଘରେ ଜଣେ ଯୁବତୀଙ୍କ ସହ ବର୍ବରତା ଦେଖାଇ ପ୍ରଥମେ ଦୁଷ୍କର୍ମ କରିଥିଲା। ତା’ପରେ ଧାରୁଆ ଅସ୍ତ୍ରରେ ତାଙ୍କ ତଣ୍ଟି କାଟି ଗଣ୍ଡିରୁ ମୁଣ୍ଡ ଅଲଗା କରି ଦେଇଥିଲା। ଏହି ମାମଲାରେ ଗୁରୁବାର ଏହି ବଡ଼ ବାପାର ପୁଅ ଜାହିର ଜଫରଙ୍କୁ ମୃତ୍ୟୁ ଦଣ୍ଡ ମିଳିଛି। ଜାହିରର ବାପା ପାକିସ୍ତାନର ଏକ ଟ୍ରେଡିଂ କମ୍ପାନୀର ଡାଇରେକ୍ଟର। ସେ ପାକ୍ର ଜଣେ ଜଣାଶୁଣା ଧନୀ ବ୍ୟକ୍ତି।
ଜାହିର ଜଫର ଜଣେ ନେତାଙ୍କ ଝିଅର ମୁଣ୍ଡ ଗଣ୍ଡି ଅଲଗା କରି ଦେଇଥିଲା। ଏହାର କାରଣ ଥିଲା ଯୁବତୀ ଜଣକ ଜାହିରଙ୍କୁ ବିବାହ କରିବାକୁ ମନା କରିଥିଲେ। ମୃତା ଯୁବତୀଙ୍କ ନାଁ ନୁର ମୁକଦ୍ଦମ(୨୭)। ୨୦ ଜୁଲାଇ ୨୦୨୧ରେ ଇସ୍ଲାମାବାଦ୍ ସ୍ଥିତ ଘରେ ଏହି ହତ୍ୟାକାଣ୍ଡ ଘଟାଇଥିଲା ଜାହିର।
ଏହି ମାମଲାରେ ଜଜ୍ ମୁଖ୍ୟ ଅଭିଯୁକ୍ତକୁ ମୃତ୍ୟୁ ଦଣ୍ଡ ଦେଇଛନ୍ତି। ସେହିପରି ଜାହିରର ଦୁଇ ଜଣ ଗାର୍ଡଙ୍କୁ ୧୦ ବର୍ଷ ଲେଖାଏଁ ଜେଲ ଦଣ୍ଡ ହୋଇଛି। ମାତ୍ର ଜଫର ଜାହିରର ବାପା-ମା’ଙ୍କୁ ଏହି ମାମଲାରେ କ୍ଲିନ୍ ଚିଟ୍ ମିଳିଛି। ତେବେ ତା’ ବାପା-ମା’ଙ୍କୁ ବି ଦଣ୍ଡ ମିଳୁ ବୋଲି ମୃତା ଯୁବତୀଙ୍କ ପରିବାର ପକ୍ଷରୁ ଦାବି ହୋଇଛି। ଏହି ଘଟଣାରେ ଦୋଷୀ ଜଣେ ଧନୀ ହୋଇଥିବାରୁ ତାଙ୍କୁ କାଳେ ଦଣ୍ଡ ମିଳିବନି ଭାବି ଦେଶରେ ଜୋରଦାର ବିରୋଧ ପ୍ରଦର୍ଶନ ହୋଇଥିଲା। କିନ୍ତୁ ସମସ୍ତଙ୍କୁ ଭୁଲ ପ୍ରମାଣିତ କରି କୋର୍ଟ ଦୋଷୀକୁ ଦଣ୍ଡ ଦେଇଛନ୍ତି।
Also Read: ପଡ଼ିଲାନି ନୋଟ୍ବନ୍ଦୀ ପ୍ରଭାବ: ନିର୍ବାଚନ ବେଳେ ଜବତ ହୋଇଛି ୧୯୧୮ କୋଟି ନଗଦ ଟଙ୍କା, ଡ୍ରଗ୍ସ ଓ ମଦ
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…