କେନ୍ୟୁଜ୍(ବ୍ୟୁରୋ): ବେଙ୍ଗାଲୁରୁ କେମ୍ପାଗୌଡ଼ ଆନ୍ତର୍ଜାତୀୟ ବିମାନ ବନ୍ଦରରେ ବୋମା ଥିବା ସୂଚନା । ସୂଚନା ମୁତାବକ ଆଜି ଭୋର ୩.୫୦ ମିନିଟ ସମୟରେ ବେଙ୍ଗାଳୁରୁ ସିଟି ପୋଲିସ କଣ୍ଟ୍ରୋଲ ରୁମ ନମ୍ବର ୧୧୨ କୁ ଏକ ଅଜଣା ଫୋନ ଆସିଥିଲା । ଫୋନ କଲରେ ଜଣେ ପୁରୁଷ ଭଏସ ଥିବା କୁହାଯାଇଛି । ସୂଚନା ଯେ ବ୍ୟକ୍ତି ଜଣଙ୍କ କହିଥିଲେ ବେଙ୍ଗାଲୁରୁ ବିମାନ ବନ୍ଦର ମଧ୍ୟରେ ଏକ ବ୍ୟାଗ ଭିତରେ ବୋମା ରହିଛି ବୋଲି କହି ଫୋନ କାଟିଦେଇଥିଲେ ।
ସଂଗେ ସଂଗେ ବେଙ୍ଗାଲୁରୁ ସିଟି ପୋଲିସ ବେଙ୍ଗାଲୁରୁ ବିମାନ ବନ୍ଦର କର୍ତ୍ତୃପକ୍ଷଙ୍କୁ ସୂଚନା ଦେବା ସହ କଡା ଯାଞ୍ଚ ପ୍ରକ୍ରିୟା ଆରମ୍ଭ କରିଥିଲେ । ପରେ ଫୋନ କଲ ଯାଞ୍ଚ ପରେ ଉକ୍ତ ପୁରୁଷ ଜଣଙ୍କୁ ବେଙ୍ଗାଳୁରୁ ସିଟି ପୋଲସ ଧରିଥିବା ସୂଚନା ମିଳିଛି । ଏବେ ସେହି ବ୍ୟକ୍ତିକୁ ପଚରା ଉଚରା କରାଯାଉଥିବା ସହ ଏପଟେ ବିମାନ ବନ୍ଦରରେରେ କଡ଼ା ଛାନଭିନ ଚାଲିଛି । ପୋଲିସ ପକ୍ଷରୁ ସମସ୍ତଙ୍କୁ କଡାକଡି ଯାଞ୍ଚ କରାଯାଉଛି ।