କେନ୍ୟୁଜ୍(ବ୍ୟୁରୋ): କେଉଁଠି ରହିବ ଆଇଏନ୍ଏସ୍ ବିରାଟ ? ଭାରତରେ ରହିବ ନା ବ୍ରିଟେନକୁ ଯିବ ? ବ୍ରିଟେନର ସାମୁଦ୍ରିକ ମ୍ୟୁଜିୟମ୍ରେ ରହିବ କି ବିରାଟ । ଆଇଏନ୍ଏସ୍ ବିରାଟ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛନ୍ତି ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନ୍ସନ୍ । ସେ ଚିଠିରେ ଲଖିଛନ୍ତି, ବିରାଟକୁ ସୁରକ୍ଷିତ ରଖନ୍ତୁ ନହେଲେ ଆମେ ବିରାଟକୁ ବ୍ରିଟେନ୍ ଫେରାଇ ଆଣିବା । ଆସନ୍ତା ସାଧାରଣତନ୍ତ୍ର ଦିବସରେ ବୋରିସ୍ ଜନ୍ସନ୍ ମୁଖ୍ୟ ଅତିଥି ଭାବେ ଯୋଗଦେବାକୁ ଭାରତ ଆସୁଛନ୍ତି । ଏହା ପୂର୍ବରୁ ମୋଦିଙ୍କୁ ବିରାଟ ସଂପର୍କରେ ଚିଠି ଲେଖିଛନ୍ତି । ସେ କହିଛନ୍ତି ଏହା ଭାରତୀୟ ନୌସେନାର ବିମାନ ବାହକ ଯୁଦ୍ଧ ପୋତ । ଏଚ୍ଏମ୍ଏସ୍ ହର୍ମିସ୍ ଭାବେ ଗୌରବ ହାସଲ କରିଛି । ବ୍ରିଟେନର ଏକ ସାମୁଦ୍ରିକ ସଂଗ୍ରହାଳୟରେ ବିରାଟକୁ ରଖାଯିବ ବୋଲି ସେ ଚିଠିରେ ଉଲ୍ଲେଖ କରିଛନ୍ତି ।
ଅଲଙ୍ଗର ଏକ ସିପ୍ବ୍ରେକରରେ ଜାହାର ଭାଙ୍ଗିବା ପ୍ରକ୍ରିୟା କୌଣସି ବି ଦିନ ଆରମ୍ଭ ହୋଇପାରେ । ଭାରତରେ ଯୁଦ୍ଧପୋତ ଭାଙ୍ଗିବାରେ ଆଇଏନ୍ଏସ୍ ବିରାଟ ହେଉଛି ଗତ ୬ ବର୍ଷରେ ଦ୍ୱିତୀୟ । ୨୦୧୪ରେ ଆଇଏନ୍ଏସ୍ ବିକ୍ରାନ୍ତଙ୍କୁ ଭଙ୍ଗାଯାଇଥିଲା । ଏହା ୧୯୭୧ ଭାରତ-ପାକିସ୍ତାନ ଯୁଦ୍ଧ ସମୟରେ ପ୍ରମୁଖ ଭୁମିକା ଗ୍ରହଣ କରିଥିଲା । ଏବେ ମୁମ୍ବାଇର ଏହାର ଭାଙ୍ଗିବା ପ୍ରକ୍ରିୟା ଆରମ୍ଭ ହୋଇଛି । ଏକ ସପ୍ତାହ ଧରି ଭବନଗରର ଆଲାଙ୍ଗ ଜାହାଜ ଭାଙ୍ଗିବା ପ୍ରାଙ୍ଗଣରେ ୨୫୦ ଶ୍ରମିକ ଭାଙ୍ଗିବା କାର୍ଯ୍ୟରେ ଲାଗିଛନ୍ତି । ଆଇଏନ୍ଏସ୍ ବିରାଟକୁ ସ୍କ୍ରାପ୍ ଭାବେ କିଣିଥିବା ଶ୍ରୀରାମ ଗ୍ରୁପ୍ର ଚେୟାରମ୍ୟାନ୍ ମୁକେଶ ପଟେଲ କହିଛନ୍ତି ଯେ ଜାହାଜର ପ୍ରାୟ ୫ ପ୍ରତିଶତ ଭାଙ୍ଗି ସାରିଛି ।
ପ୍ରାୟ ୩୦ ବର୍ଷ ଧରି ଆଇଏନ୍ସ ବିରାଟ ଭାରତୀୟ ନୌସେନାକୁ ସେବା ଯୋଗାଇ ଆସୁଥିଲା । ୨୦୧୭ ମାର୍ଚ୍ଚ ୬ ତାରିଖରେ ସେବାମୁକ୍ତ ହୋଇଥିଲା ଏହି ଯୁଦ୍ଧପୋତ । ଏହି ଯାହାଜ ପୂର୍ବରୁ ବ୍ରିଟେନର ରୟାଲ ନେଭିରେ ଏଚ୍ଏମ୍ଏମ୍ ହର୍ମିସ ନାଁରେ ୨୫ ବର୍ଷ କାମ କରିଥିଲା । ୧୯୮୭ରେ ଆଇଏନ୍ଏସ ବିରାଟ ହୋଇ, ଭାରତୀୟ ନୌସେନାରେ ସାମିଲ ହୋଇଥିଲା । ଆଇଏନ୍ଏସ୍ ବିରାଟ ୧୯୮୯ରେ ଶ୍ରୀଲଙ୍କାରେ ଶାନ୍ତି ସ୍ଥାପନ ପାଇଁ ଅପରେସନ ଜୁପିଟରରେ ସାମିଲ ହୋଇଥିଲା । ଏହାସହ ୨୦୦୧ରେ ଅପରେସନ ପରାକ୍ରମରେ ସାମିଲ ଥିଲା । ଆଇଏନଏସ ବିରାଟ ସେବାମୁକ୍ତ ହେବା ପରେ ଏହାକୁ ଅଲଙ୍ଗ ସ୍ଥିତ ଶ୍ରୀରାମ ଗ୍ରୁପ ୩୮ କୋଟି ୫୪ ଲକ୍ଷ ଟଙ୍କା ଦେଇ ନିଲାମରେ କିଣିଥିଲା । ସେପ୍ଟେମ୍ବର ୨୧ ତାରିଖରେ ଅଲଙ୍ଗରେ ପହଞ୍ଚିବ ବିରାଟ
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…