ବୁଚା ନୃସଂଶତାକୁ ଟପିଲା ବୋରୋଦିଆଙ୍କା: ୪୧୦ ସାଧାରଣ ନାଗରିକଙ୍କ ମୃତ୍ୟୁ, ୨୦୦ରୁ ଅଧିକ ଲୋକଙ୍କ ମିଳୁନି ପତ୍ତା
ନୂଆଦିଲ୍ଲୀ : ବୁଚା ନୃସଂଶତାକୁ ଟପିଲା ବୋରୋଦିଆଙ୍କା । ୟୁକ୍ରେନର ବୋରୋଦିଆଙ୍କାରୁ ଆସୁଛି ଛାତିଥରା ଦୃଶ୍ୟ । କିଭର ୪୦ କିଲୋମିଟର ଦୂରରେ ବୋରୋଦିଆଙ୍କା ସମ୍ପୂର୍ଣ୍ଣ ମାଟିରେ ମିଶିଛି । ବୁଚାରୁ ଅଧିକ ବୋରୋଦିଆଙ୍କାରେ ମୃତାହତ ସୂଚନା ଆସୁଛି । ୨୦୦ରୁ ଅଧିକ ଲୋକଙ୍କ ପତ୍ତା ମିଳୁନି। ସେମାନଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି। ବୁଚାରେ ୪୧୦ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା । ବୁଚା ପରି ବୋରୋଦିଆଙ୍କା ମଧ୍ୟ ରୁଷ ଦଖଲରେ ଥିଲା । ରୁଷ୍ ସେନାର ଯୁଦ୍ଧ ଅପରାଧର ଆଉ ଏକ ଘୃଣ୍ୟ ଚିତ୍ର । ଏଠି ବି ଭୟାନକ ନରସଂହାର କରିଛି ରୁଷ୍ ସେନା। ପୁଣି ଥରେ ସ୍ତବ୍ଧ ହୋଇଛି ବିଶ୍ୱ ।
ୟୁକ୍ରେନର ବିଭିନ୍ନ ସ୍ଥାନରେ ଜାରି ରହିଥିବା ବେଳେ ମଙ୍ଗଳବାର ୟୁକ୍ରେନ୍ ରାଷ୍ଟ୍ରପତି ଜେଲେନସ୍କି ଜାତିସଂଘ ସୁରକ୍ଷା ପରିଷଦକୁ ଉଦ୍ ବୋଧନ ଦେଇ ରୁଷ୍ ବର୍ବରତାକୁ କଡ଼ା ନିନ୍ଦା କରିଥିଲେ । ସେ କହିଥିଲେ ଯେ, ରୁଷ୍ ଆମକୁ ଚାକର ଭଳି ରଖିବାକୁ ଯୋଜନା କରିଛି ଏବଂ ଏଥିପାଇଁ ଅତ୍ୟନ୍ତ ଅମାନବୀୟ ଭାବେ ଆକ୍ରମଣ ଜାରି ରଖିଛି। ଏ ପର୍ଯ୍ୟନ୍ତ ରୁଷ୍ ସେନାର ବର୍ବରତାରେ ବିଶ୍ବ ସ୍ତବ୍ଧ ଥିବା ବେଳେ ଆଗକୁ ବିଭିନ୍ନ ସହରରେ ରୁଷ୍ ସେନା କରିଥିବା ଅଧିକ ବର୍ବରତାର ପ୍ରମାଣ ସାମ୍ନାକୁ ଆସିବ। ରୁଷ୍ ର ଏଭଳି ବର୍ବରତା ପାଇଁ ତୁରନ୍ତ ଏହାକୁ ଜାତିସଂଘ ନିରାପତ୍ତା ପରିଷଦରୁ ବହିଷ୍କାର କରିବା ପାଇଁ ଜେଲେନସ୍କି ଦାବି କରିଥିଲେ।