ଉତ୍ତର ପ୍ରଦେଶ: ବନ୍ଦାୟୁରେ ବଡ଼ ଦୁର୍ଘଟଣା, ଭୁଶୁଡ଼ିଲା ଶୀତଳ ଭଣ୍ଡାର କୋଠା; ୩୦ ଶ୍ରମିକ ଚାପି ରହିଥିବା ଆଶଙ୍କା
ଉତ୍ତର ପ୍ରଦେଶର ବନ୍ଦାୟୁ ଜିଲ୍ଲାରେ ଏକ ଶୀତଳ ଭଣ୍ଡାର ବିଲ୍ଡିଂ ଭୁଶୁଡ଼ି ପଡ଼ିଛି। ଫଳରେ ପ୍ରାୟ ୩୦ ଜଣ ଶ୍ରମିକ ଭଗ୍ନାବଶେଷ ତଳେ ଚାପି ହୋଇ ରହିଥିବା ଆଶଙ୍କା କରାଯାଉଛି। ଘଟଣାସ୍ଥଳରେ ପୋଲିସ ଉଦ୍ଧାର କାର୍ଯ୍ୟ ଜାରି ରଖିଛି।
ଉତ୍ତର ପ୍ରଦେଶର ବନ୍ଦାୟୁ ଜିଲ୍ଲାରେ ଏକ ବଡ଼ ଦୁର୍ଘଟଣା ଘଟିଛି। ମିଳିଥିବା ସୂଚନା ମୁତାବକ, ବନ୍ଦାୟୁ ଜିଲ୍ଲାର ସୀମାରେ ଅବସ୍ଥିତ ମୱଇ ଗାଁରେ ଏକ ଶୀତଳ ଭଣ୍ଡାର କୋଠା ଭୁଶୁଡ଼ି ପଡ଼ିଛି। ଫଳରେ ପ୍ରାୟ ୩୦ ଜଣ ଶ୍ରମିକ ଭଗ୍ନାବଶେଷ ତଳେ ଚାପି ହୋଇ ରହିଥିବା ଆଶଙ୍କା କରାଯାଉଛି। ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚିଛି।
ଖବର ରହିଛି ଯେ ଏ ଆର୍ କୋଲ୍ଡ ଷ୍ଟୋରେଜରେ ଏହି ଭୟଙ୍କର ଦୁର୍ଘଟଣା ଘଟିଛି, ଯାହା ପରେ ସେଠାରେ ଭୟର ବାତାବରଣ ଦେଖାଦେଇଛି। ଘଟଣାସ୍ଥଳରେ ବହୁ ସଂଖ୍ୟକ ସ୍ଥାନୀୟ ଲୋକ ମଧ୍ୟ ପହଞ୍ଚିଛନ୍ତି, ଯେଉଁମାନେ ରିଲିଫ ଏବଂ ଉଦ୍ଧାର କାର୍ଯ୍ୟରେ ସାହାଯ୍ୟ କରୁଛନ୍ତି। JCB ସାହାଯ୍ୟରେ ଭଗ୍ନାବଶେଷ ହଟାଯାଉଛି, ଯେପରି ଶ୍ରମିକମାନଙ୍କୁ ସୁରକ୍ଷିତ ଉଦ୍ଧାର କରାଯାଇ ପାରିବ।
