ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧ ଉତ୍ତେଜନା ମଧ୍ୟରେ ଏବେ ଦେଶରେ ୩୨ଟି ବିମାନବନ୍ଦର ବନ୍ଦ ରହିଛି। ଏହି ବିମାନବନ୍ଦର ଆସନ୍ତା ମେ’ ୧୪ ତାରିଖ ସକାଳ ସାଢେ ୫ଟା ଯାଏଁ ପର୍ଯ୍ୟନ୍ତ ବନ୍ଦ ରହିବ । ଭାରତ- ପାକ୍ ଉତ୍ତେଜନା ଭିତରେ ଏଭଳି ନିଷ୍ପତ୍ତି ନେଇଛନ୍ତି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ । ନେଇ ଏୟାର ଇଣ୍ଡିଆ ମଧ୍ୟ Xରେ ପୋଷ୍ଟ କରିଛି । ପାକିସ୍ତାନ ପକ୍ଷରୁ ଭାରତର ପଶ୍ଚିମ ସୀମାରେ ଅଘୋଷିତ ଆକ୍ରମଣ ଜାରି ରହିଥିବାରୁ ଏହି ବିମାନ ବନ୍ଦରଗୁଡିକୁ ବନ୍ଦ ରଖିବାକୁ ନିଷ୍ପତ୍ତି ହୋଇଛି । ପଞ୍ଜାବର, ହିମାଚଳ ପ୍ରଦେଶର , ଚଣ୍ଡିଗଡ, ଜମ୍ମୁକଶ୍ମୀର , ଲଦାଖ, ରାଜସ୍ଥାନ, ଗୁଜରାଟ ଆଦି ବିମାନ ବନ୍ଦର ଗୁଡିକରୁ ବନ୍ଦ ରହିଛି । ବିମାନ ବନ୍ଦରଗୁଡିକୁ ଟାର୍ଗେଟ କରି ପାକିସ୍ତାନ ଡ୍ରୋନ ଆକ୍ରମଣ କରୁଥିବାରୁ ଏୟାରଲାଇନ୍ସଗୁଡିକୁ ବିମାନ ଉଡାଣ ରଦ୍ଦ କରିବାକୁ ପଡୁଛି । ଫଳରେ ଯାତ୍ରୀ ଓ ଏୟାରଲାଇନ୍ସଗୁଡିକୁ କ୍ଷତି ସହିବାକୁ ପଡୁଛି।
ତେଣୁ ପାକିସ୍ତାନକୁ ଉଚିତ ଶିକ୍ଷା ନଦିଆଯିବା ପର୍ଯ୍ୟନ୍ତ ବିମାନ ବନ୍ଦରଗୁଡିକୁ ବନ୍ଦ ରଖିବା ପାଇଁ ନିଷ୍ପତ୍ତି ହୋଇଛି । ବିମାନ ଯାତ୍ରୀଙ୍କ ସୁରକ୍ଷା ପାଇଁ ବ୍ୟୁରୋ ଅଫ ସିଭିଲ ଆଭିଏସନ ସିକ୍ୟୁରିଟି ପକ୍ଷରୁ ସେକେଣ୍ଡାରୀ ଲ୍ୟାଡର ପଏଣ୍ଟ ଚେକ୍ସ ସକ୍ରିୟ କରାଯାଇଛି । ସେହିପରି ଟର୍ମିନାଲଗୁଡିକୁ ପରିଦର୍ଶକଙ୍କ ପ୍ରବେଶ ଉପରେ ପ୍ରତିବନ୍ଧକ ଜାରି ହେବା ସହ ଏୟାର ମାର୍ଶାଲ ମୁତୟନ ହୋଇଛନ୍ତି ।
ଆହୁରି ପଢ଼ନ୍ତୁ : ଦିଲ୍ଲୀକୁ ଟାର୍ଗେଟ କଲା ପାକିସ୍ତାନର ଫତେହ-୨ ମିସାଇଲ୍, ଏୟାର ଡିଫେନ୍ସ ସିଷ୍ଟମକୁ ନଷ୍ଟ କଲା ଭାରତ