ନୂଆଦିଲ୍ଲୀ: କେନ୍ଦ୍ର ଏକ ନୂଆ ଆଧାର ଗାଇଡଲାଇନ ଜାରି କରିଛି। ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟ ଗୁରୁବାର ଦିନ କହିଛି ଯେ ନାମଧାରୀମାନେ ନାମଲେଖା ତାରିଖ ଠାରୁ ୧୦ ବର୍ଷ ପୂରଣ ହେବାପରେ ସପୋର୍ଟିଂ ଡକ୍ୟୁମେଣ୍ଟ ବା ପରାମର୍ଶ ସହାୟକ ଦଲିଲଗୁଡ଼ିକୁ ଅତି କମରେ ଥରେ ଅପଡେଟ୍ କରିପାରିବେ।
ମନ୍ତ୍ରଣାଳୟ ଏକ ଗେଜେଟ ବିଜ୍ଞପ୍ତି ଜାରି କରି କହିଛି ଯେ, କେନ୍ଦ୍ରୀୟ ପରିଚୟ ତଥ୍ୟ ସଂଗ୍ରହାଳୟ (ସିଆଇଡିଆର) ରେ ଆଧାର ସମ୍ବନ୍ଧୀୟ ତଥ୍ୟର ‘ Continued accuracy ‘ ନିଶ୍ଚିତ କରିବା ପାଇଁ।
“ଆଧାର ନମ୍ବରଧାରୀମାନେ, ଆଧାର ନାମଲେଖା ତାରିଖ ଠାରୁ ପ୍ରତି ୧୦ ବର୍ଷ ସମାପ୍ତ ହେବା ପରେ, ପ୍ରୁଫ୍ ଅଫ୍ ଆଇଡେଣ୍ଟିଟି (POI) ଏବଂ ପ୍ରୁଫ୍ ଅଫ୍ ଠିକଣା (POA) ଡକ୍ୟୁମେଣ୍ଟ୍ ଦାଖଲ କରି ଆଧାରରେ ସେମାନଙ୍କର ସହାୟକ ଦଲିଲଗୁଡ଼ିକୁ ଅତି କମରେ ଥରେ ଅଦ୍ୟତନ ବା ଅପଡେଟ୍ କରିପାରିବେ। CIDR ରେ ସେମାନଙ୍କର ସୂଚନାର ସଠିକତା ନିଶ୍ଚିତ କରିବାକୁ, ଯେପରି ସମୟ ସମୟରେ ପ୍ରାଧିକରଣ ଦ୍ଵାରା ନିର୍ଦ୍ଦିଷ୍ଟ କରାଯାଇପାରେ, ”ବିଜ୍ଞପ୍ତିରେ ଦର୍ଶାଯାଇଛି। ତେବେ ଆଧାର ଅପଡେଟ୍ କରିବା ଦ୍ୱାରା ଗ୍ରାହକଙ୍କୁ ହିଁ ଲାଭ ମିଳିବ। ଯଦି ନିଜ ଆଧାରରେ କିଛି ଭୁଲ ରହିଛି ତେବେ ତାହାକୁ ମଧ୍ୟ ଠିକ୍ କରିପାରିବେ ଏହି ଅପଡେଟ୍ ସମୟରେ।
ଆଧାର (ନାମଲେଖା ଏବଂ ଅପଡେଟ୍) ନିୟମାବଳୀକୁ ପରିବର୍ତ୍ତନ କରାଯାଇଛି। ବିଜ୍ଞପ୍ତି ପ୍ରକାଶ ପାଇବାର କିଛି ଘଣ୍ଟା ପରେ ସରକାରଙ୍କୁ ସ୍ପଷ୍ଟ କରିବାକୁ ପଡ଼ିଲା ଯେ ଅପଡେଟ୍ ବାଧ୍ୟତାମୂଳକ ନୁହେଁ। ଏଥିରେ କୁହାଯାଇଛି ଯେ ଏହା ଉପରେ କିଛି ଗଣମାଧ୍ୟମ ରିପୋର୍ଟ ଭୁଲ ଭାବରେ ରିପୋର୍ଟ କରିଛି। ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟ କହିଛି ଯେ ଏହି ରିପୋର୍ଟ ଏବଂ ସୋସିଆଲ ମିଡିଆ ପୋଷ୍ଟକୁ ଅଣଦେଖା କରିବାକୁ ସୂଚନା ଦିଆଯାଇଛି। କେନ୍ଦ୍ର ସ୍ପଷ୍ଟ କରିଛି ଯେ ଏହା କେବଳ ଲୋକଙ୍କୁ ଡକ୍ୟୁମେଣ୍ଟ ଅପଡେଟ୍ କରିବାକୁ ଉତ୍ସାହିତ କରିଛି କିନ୍ତୁ ଏହାକୁ ବାଧ୍ୟତାମୂଳକ କରିନାହିଁ।
UIDAI myAadhaar ପୋର୍ଟାଲ ଏବଂ ମୋବାଇଲ୍ ଆପରେ ଡକ୍ୟୁମେଣ୍ଟ୍ ଅପଡେଟ୍ କରିବା ପାଇଁ ‘ଅପଡେଟ୍ ଡକ୍ୟୁମେଣ୍ଟ୍’ ର ଏକ ନୂତନ ଫିଚର୍ ଆସିଛି। ଲୋକମାନେ ସେମାନଙ୍କର ଡକ୍ୟୁମେଣ୍ଟ ଅପଡେଟ୍ କରିବା ପାଇଁ ଯେକୌଣସି ଆଧାର ନାମଲେଖା କେନ୍ଦ୍ର ପରିଦର୍ଶନ କରିପାରିବେ।