ଚାଟାର୍ଡ ଆକାଉଣ୍ଟାଣ୍ଟସ୍ ସଂସ୍ଥା (ICAI) ବର୍ଷକୁ ତିନିଥର CA ଫାଇନାଲ୍ ପରୀକ୍ଷା କରିବା ପାଇଁ ଐତିହାସିକ ନିଷ୍ପତ୍ତି ନେଇଛି । ପୂର୍ବରୁ ଏହି ପରୀକ୍ଷା ବର୍ଷକୁ ଦୁଇଥର କରାଯାଉଥିଲା । ସଂସ୍ଥା କହିଛି ସିଏ ଫାଇନାଲ୍, ଇଣ୍ଟରମିଡିଏଟ୍ ଏବଂ ଫାଉଣ୍ଡେସନ୍ ପ୍ରତିବର୍ଷ ତିନୋଟି ସ୍ତରରେ ସମାନ ସଂଖ୍ୟକ ପ୍ରୟାସ ହେବ ।
ଗତ ବର୍ଷ, ICAI ବର୍ଷକୁ ତିନିଥର ଇଣ୍ଟରମିଡିଏଟ୍ ଏବଂ ଫାଉଣ୍ଡେସନ୍ ପାଠ୍ୟକ୍ରମ ପରୀକ୍ଷା କରିବାକୁ ନିଷ୍ପତ୍ତି ନେଇଥିଲା ଏବଂ ଏବେ CA ଫାଇନାଲ୍ ପରୀକ୍ଷା ମଧ୍ୟ ସମାନ କାର୍ଯ୍ୟସୂଚୀ ଅନୁସାରେ ଅନୁଷ୍ଠିତ ହେବ । ଏହି ପରୀକ୍ଷାଗୁଡ଼ିକ ଜାନୁଆରୀ, ମେ ଏବଂ ସେପ୍ଟେମ୍ବରରେ ଅନୁଷ୍ଠିତ ହେବ ।
ବିଶ୍ୱସ୍ତରୀୟ ସର୍ବୋତ୍ତମ ଅଭ୍ୟାସ ସହିତ ତାଳ ଦେଇ ଚାଲିବା ଏବଂ ଛାତ୍ରଛାତ୍ରୀମାନଙ୍କୁ ଅଧିକ ସୁଯୋଗ ପ୍ରଦାନ କରିବା ପାଇଁ ICAIର ୨୬ତମ ପରିଷଦ ପୂର୍ବ ଦୁଇଟି ପରୀକ୍ଷା ବଦଳରେ ବର୍ଷକୁ ତିନିଥର CA ଫାଇନାଲ୍ ପରୀକ୍ଷା ଆୟୋଜନ କରିବାର ଐତିହାସିକ ନିଷ୍ପତ୍ତି ନେଇଛି । ICAI ଏକ ବିବୃତ୍ତିରେ କହିଛି ।
ICAI କହିଛି ଅଡିଟରେ ପୋଷ୍ଟ ଯୋଗ୍ୟତା ପାଠ୍ୟକ୍ରମରେ ମଧ୍ୟ ପରିବର୍ତ୍ତନ କରାଯିବ। ଏହି ପାଠ୍ୟକ୍ରମର ମୂଲ୍ୟାୟନ ପରୀକ୍ଷା ପୂର୍ବରୁ ବର୍ଷକୁ ଦୁଇଥର ଜୁନ୍ ଏବଂ ଡିସେମ୍ବରରେ କରାଯାଉଥିଲା, ଏବେ ଏହା ବର୍ଷକୁ ତିନିଥର – ଫେବୃଆରୀ, ଜୁନ୍ ଏବଂ ଅକ୍ଟୋବରରେ କରାଯିବ। ଯାହା ଦ୍ଵାରା ସଦସ୍ୟମାନଙ୍କ ପାଇଁ ପ୍ରବେଶଯୋଗ୍ୟତା ଏବଂ ସୁବିଧା ଆହୁରି ବୃଦ୍ଧି ପାଇବ ।
Also read: କେନ୍ଦ୍ର ସରକାର କର୍ମଚାରୀଙ୍କୁ ମିଳିଲା ଉପହାର, ବଢିଲା ମହଙ୍ଗା ଭତ୍ତା