ମାଓ ଦମନ ନେଇ ଛତିଶଗଡ଼ ପୋଲିସର ନୂଆ ରଣନୀତି , ଜନଗହଳି ହାଟରେ ନାଚଗୀତ ମାଧ୍ୟମରେ କରୁଛନ୍ତି ସଚେତନତା
ଛତିଶଗଡ଼(କେନ୍ୟୁଜ୍): ମାଓବାଦୀଙ୍କ ଫର୍ମୁଲାରେ ପୋଲିସର ଅଭିଯାନ। ଲାଲବାହିନୀ ଯେଭଳି ଜଙ୍ଗଲରେ ନାଚଗୀତ କରି ନିରୀହ ଆଦିବାସୀଙ୍କୁ ପୋଲିସ ଏବଂ ସରକାରଙ୍କ ବିରୋଧରେ ମତାଇଥାନ୍ତି, ଠିକ୍ ସେହି ଫର୍ମୁଲାକୁ ଧରି ଜନଗହଳି ହାଟକୁ ଓହ୍ଲାଇଛି ପୋଲିସ । ଛତିଶଗଡ଼ର ମାଓ ଅଧ୍ୟୁଷିତ ବିଭିନ୍ନ ସାପ୍ତାହିକ ହାଟରେ ପୋଲିସ ନାଚଗୀତ ମାଧ୍ୟମରେ ନକ୍ସଲଙ୍କ ଅତ୍ୟାଚାର ଓ ଉନ୍ନୟନ ମୂଳକ କାର୍ଯ୍ୟକୁ ବିରୋଧ, ସାଧାରଣ ଜନତାଙ୍କୁ ହତ୍ୟା ସହ ନକ୍ସଲଙ୍କୁ କୌଣସି କ୍ଷେତ୍ରରେ ସହଯୋଗ ନକରିବାକୁ ବୁଝାଇଛି । ଯାହା ଆଗାମୀ ଦିନରେ ମାଓ ଦମନ କ୍ଷେତ୍ରରେ ବିଶେଷ ପ୍ରଭାବ ପକାଇବ ବୋଲି ଆଶା ରଖିଛି ପୋଲିସ ।