କେନ୍ୟୁଜ୍(ବ୍ୟୁରୋ): ପ୍ରବଳ ହଟ୍ଟଗୋଳ, ହଙ୍ଗାମା । ଏହାରି ଭିତରେ ଲୋକସଭାରେ ଆଗତ ହେଲା ନାଗରିକତା ସଂଶୋଧନ ବିଲ୍ । ବିଲ୍ ଆଗତ ସପକ୍ଷରେ ପଡ଼ିଲା ୨୯୩ ଭୋଟ୍ । ବିପକ୍ଷରେ ପଡ଼ିଥିଲା ୮୨ ଭୋଟ୍ । ବଡ଼ ବ୍ୟବଧାନ ସହ ପ୍ରଥମ ପରୀକ୍ଷାରେ ପାସ୍ କଲେ ସରକାର । ଗୃହମନ୍ତ୍ରୀ ଅମିତ ଶାହ ବିଲ୍ ଆଗତ କରିବା ପରେ ପ୍ରବଳ ବର୍ଷିଥିଲେ ବିରୋଧୀ । ସଂଖ୍ୟାଲଘୁଙ୍କୁ ଟାର୍ଗେଟ୍ କରାଯାଉଛି ବୋଲି କହିଥିଲେ କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀ । ଜବାବ ଦେଇଥିଲେ ଗୃହମନ୍ତ୍ରୀ । ବିଲ୍ ୦.୦୦୧ ପ୍ରତିଶତ ବି ସଂଖ୍ୟାଲଘୁଙ୍କ ବିରୋଧୀ ନୁହଁ । ଧର୍ମ ନାଁରେ କଂଗ୍ରେସ ଦେଶକୁ ଭାଗ ଭାଗ କରିଥିବା ଶାହ ଅଭିଯୋଗ କରିଥିଲେ ।
ଏଆଇଏମ୍ଆଇଏମ୍ ନେତା ଅସଉଦ୍ଦିନ୍ ଓେଓ୍ଵସୀ ମଧ୍ୟ ବିଲ୍କୁ ଜୋରଦାର ବିରୋଧ କରିଥିଲେ । ବିଲ୍ ଦ୍ୱାରା ମୌଳିକ ଅଧିକାରର ଉଲଂଘନ ହେଉଛି ବୋଲି କହିଥିଲେ । ଏହା ସହ ଅମିତ ଶାହଙ୍କୁ ଟାର୍ଗେଟ୍ କରିଥିଲେ ଓ୍ଵେଓ୍ଵସୀ । ସେହିପରି ଟିଏମ୍ସି ମଧ୍ୟ ନାଗରିକତା ସଂଶୋଧନ ବିଲ୍କୁ ବିରୋଧ କରିଥିଲା । ବିଲ୍ ଆଗତ ସପକ୍ଷରେ ଭୋଟ୍ ଦେଇଥିଲା ବିଜେଡି । ବିଲ୍କୁ ନେଇ ସରକାରଙ୍କ ସହ ଯାଇଛି ଶିବସେନା । ଯାହାକୁ ନାଗରିକତ୍ୱ ମିଳିବ, ତାଙ୍କୁ ଭୋଟ୍ ଦେବାର ଅଧିକାର ନମିଳୁ ବୋଲି ଦଳ ଦାବି କରିଛି ।
ନାଗରିକତା ସଂଶୋଧନ ବିଲ୍କୁ ନେଇ ଗୃହ ଭିତରେ ଯେତିକି, ଗୃହ ବାହାରେ ମଧ୍ୟ ସେିତିକି ବିରୋଧ ଦେଖିବାକୁ ମିଳିଥିଲା । ବିଭିନ୍ନ ସ୍ଥାନରେ ବିକ୍ଷୋଭ କରିଥିଲେ ବିରୋଧୀ । ବିଲ୍ ଆଇନରେ ପରିଣତ ହେଲେ ପାକିସ୍ତାନ, ବାଂଲାଦେଶ ଏବଂ ଆଫଗାନିସ୍ତାନରୁ ଭାରତ ଆସିଥିବା ହିନ୍ଦୁ, ଖ୍ରୀଷ୍ଟିଆନ, ଶିଖ, ଜୈନ, ବୁଦ୍ଧ ଓ ପାର୍ସିଙ୍କୁ ଭାରତୀୟ ନାଗରିକତା ମିଳିବ। କିନ୍ତୁ ମୁସଲମାନମାନଙ୍କୁ ଏହି ବିଲ୍ରେ ସ୍ଥାନ ଦିଆଯାଇ ନାହିଁ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…