ବିଜେପି ସାଂସଦଙ୍କ ବିବାଦୀୟ ବୟାନକୁ ନେଇ ଝଡ଼, ଭିଡିଓ ଭାଇରାଲ
ନୂଆଦିଲ୍ଳୀ : ବିଜେପି ସାଂସଦଙ୍କ ବିବାଦୀୟ ବୟାନକୁ ନେଇ ଆରମ୍ଭ ହୋଇଛି ଝଡ଼ । ସାଂସଦଙ୍କ ବୟାନ ଥିଲା ମଦ ପିଅ, ସିଗାରେଟ୍ ଟାଣ, ତମାଖୁ ଚୋବାଅ, କିନ୍ତୁ ପାଣି ବଞ୍ଚାଅ । ଏଭଳି ବୟାନ ଦେଇ ଚର୍ଚ୍ଚାରେ ମଧ୍ୟପ୍ରଦେଶର ବିଜେପି ସାଂସଦ ଜନାର୍ଦ୍ଦନ ମିଶ୍ର ।
ଜଳ ସଂରକ୍ଷଣ କର୍ମଶାଳାରେ ଯୋଗ ଦେଇ ଅଯଥା ପାଣି ଖର୍ଚ୍ଚ ନକରିବାକୁ ଏପରି ଅଜବ ପରାମର୍ଶ ଦେଇଛନ୍ତି ମଧ୍ୟପ୍ରଦେଶ ରିୱାର ବିଜେପି ସାଂସଦ । କହିଛନ୍ତି ମଦ ପିଅ, ସିଗାରେଟ୍ ଟାଣ, ତମାଖୁ ଚୋବାଅ, ଗଞ୍ଜେଇ ଟାଣ, କୋରେକ୍ସ ପିଅ କିନ୍ତୁ ପାଣିର ମହତ୍ୱ ବୁଝିବାକୁ ଚେଷ୍ଟା କର । ବିଜେପି ସାଂସଦଙ୍କ ଏହି ବୟାନକୁ ନେଇ ବିବାଦ ସୃଷ୍ଟି ହୋଇଛି ।
#WATCH | Rewa, Madhya Pradesh: “Lands are running dry of water, it must be saved… Drink alcohol, chew tobacco, smoke weed or smell thinner and solution but understand the importance of water,” says BJP MP Janardan Mishra during a water conservation workshop pic.twitter.com/Nk878A9Jgc
— ANI (@ANI) November 7, 2022
ଏହି କର୍ମଶାଳା ରିଓ୍ଵାର କ୍ରିସନରାଜ ଅଡିଟୋରିୟମରେ ଅନୁଷ୍ଠିତ ହୋଇଥିଲା । ଏହି ଘଟଣାର ଭିଡିଓ ଭାଇରାଲ ହୋଇଛି । ଶ୍ରୀ ମିଶ୍ରଙ୍କର ଏହା ପ୍ରଥମ ଥର ଭିଡିଓ ନୁହେଁ । ଏପରି ସେ ବହୁବାର ବିବାଦୀୟ ମନ୍ତବ୍ୟ ଦେଇ ଖବରକାଗଜର ପୃଷ୍ଟା ମଣ୍ଡନ କରିଛନ୍ତି । ନିକଟରେ ଶ୍ରୀ ମିଶ୍ର ଏକ ଟଏଲେଟ ସଫା କରୁଥିବାର ଭିଡିଓ ଭାଇରାଲ ହୋଇଥିଲା । ଯାହାକୁ ନେଇ ସେ ଚର୍ଚ୍ଚାରେ ଥିଲେ ।
