ବୈଠକରେ ଖାକି ପୋଷାକ ଫାଡିଦେଲେ ପୋଲିସ ଇନ୍ସପେକ୍ଟର, ଭାଇରଲ ହେଉଛି ପୁରୁଣା ଭିଡିଓ
ମଧ୍ୟପ୍ରଦେଶର ସିଙ୍ଗରୋଲୀରେ ଜଣେ ପୋଲିସ କର୍ମୀ ଖାକି ପୋଷାକକୁ ଚିରୁଥିବାର ଭିଡିଓ ଭାଇରଲ ହେବାରେ ଲାଗିଛି । ଲୋକ ଏହି ଭିଡିଓକୁ ଦେଖି ଲୋକ ବିଭିନ୍ନ ପ୍ରକାରର କମେଣ୍ଟ ଦେଉଛନ୍ତି । ଏହାକୁ ସେୟାର କରି ବିଜେପିକୁ ଟାଗେର୍ଟ କରିଛି କଂଗ୍ରେସ ।
ଖବର ମୁତାବକ, ଗତ ଫେବୃଆରୀରେ ସିଙ୍ଗରୋଲୀର ବେଢନ ଥାନାରେ ଏକ ବୈଠକରେ ବିଜେପିର ଜଣେ ନେତାଙ୍କ ସ୍ୱାମୀ ସହିତ ଯୁକ୍ତିତର୍କ ପରେ ଖାକି ପୋଷାକକୁ ଫାଡିଦେଇଥିଲେ ସବ୍ ଇନ୍ସପେକ୍ଟର ବିନୋଦ ମିଶ୍ରା । ଏହି ମାମଲାରେ ବିନୋଦ ମିଶ୍ରାଙ୍କ ଉପରେ କାର୍ଯ୍ୟାନୁଷ୍ଠାନ ମଧ୍ୟ ହୋଇଥିଲା । ହେଲେ ଏବେ କଂଗ୍ରେସ ଏହି ଭିଡିଓକୁ ଭାଇରଲ କରି ରାଜ୍ୟ ପୋଲିସ ବ୍ୟବସ୍ଥା ସ୍ତର ଶୂନ୍ୟ ହୋଇଯାଇଛି । ଅପରାଧ ଅନିୟନ୍ତ୍ରିତ ହୋଇଥିବା ବେଳେ ଅପରାଧୀ ଖୁଲମଖୁଲା ବୁଲୁଛନ୍ତି । ପୋଲିସ ମଧ୍ୟ ଅସହାୟ ହୋଇପଡିଛି ବୋଲି କଂଗ୍ରେସ କହିଛନ୍ତି ।
एमपी के सिंगरौली में बीजेपी नेता ने एक मामले को लेकर ने पुलिस ASI से कहा “वर्दी उतरवा देंगे”
जवाब में ASI ने खुद वर्दी उतार दी।
वर्दी पुलिसवाले का अभिमान है लेकिन वर्दी स्वाभिमान से बड़ी थोड़ी है। pic.twitter.com/3kZURLjEpg
— Mukesh Mathur (@mukesh1275) September 16, 2024
କଂଗ୍ରେସ ଆହୁରି ମଧ୍ୟ କହିଛି, ବିଜେପି ନେତାଙ୍କ ଚାପରେ ଜଣେ ପୋଲିସକର୍ମୀ ଏତେ ମାତ୍ରାରେ ହତାଶ ହୋଇଛନ୍ତି ଯେ, ସେ ନିଜର ଖାକି ପୋଷାକ ଫାଡିଦେଇଛନ୍ତି । ମୁଖ୍ୟମନ୍ତ୍ରୀ ମୋହନ ଯାଦବଙ୍କ ଶାସନରେ ଗୃହ ବିଭାଗର ଅବସ୍ଥା ଶୋଚନୀୟ ହୋଇପଡିଛି ।
ସେପଟେ ବିଜେପି ନେତାଙ୍କ ସ୍ୱାମୀ କହିଛନ୍ତି, ଏହି ବିବାଦ ଏକ ନାଳ ନିର୍ମାଣକୁ ନେଇଥିଲା । ସେ କେବଳ ପୋଲିସ ଇନ୍ସପେକ୍ଟରକଙ୍କୁ ଏତିକି କହିଥିଲେ କି, ଯଦି ସେ ଏଠାରେ ବେଶି କିଛି କହିଥିଲେ, ତେବେ ତାଙ୍କ ପୋଷାକ ଫାଡିଦେବି । ତେବେ ଏହି ମାମଲାରେ ମିଶ୍ରା କହିଛନ୍ତି, ବିଜେପି ନେତାଙ୍କ ସ୍ୱାମୀ ଥାନା ଅଧିକାରୀଙ୍କ ସମ୍ମୁଖରେ ଖାକି ପୋଷାକ ଫାଡିବା ଏବଂ ଚାକିରିରୁ ବିଦା କରିବା ପାଇଁ ଧମକ ଦେଇଥିଲେ । ସେଥିପାଇଁ ନିଜକୁ ଅପମାନିତ ଅନୁଭବ କରି ମୁଁ ନିଜ ପୋଷାକ ଫାଡିଥିଲି । ମୋତେ ଏମିତି ପ୍ରତିକ୍ରିୟା ଦେବାର ନଥିଲା । ଏହି ମାମଲାରେ ବିନୋଦ ମିଶ୍ରାଙ୍କ ଉପରେ କାର୍ଯ୍ୟାନୁଷ୍ଠାନ ମଧ୍ୟ ହୋଇଛି ।
