୭ ଦିନର ନବଜାତ ଶିଶୁକୁ ସର୍ବସାଧାରଣ ଶୌଚାଳୟରେ ଛାଡ଼ି ଚାଲିଗଲେ ବାପା, ମା

ଚଣ୍ଡିଗଡ଼ : ସବୁଠୁ ଉର୍ଦ୍ଧ୍ୱରେ ମା’ । ମା’ର ଭଲପାଇବା ଅତୁଳନୀୟ। ମା କିପରି ତା ଧନକୁ ଛାଡ଼ି ଯାଇପାରିବ। ଏଠି ଖାଲି ମା ନୁହେଁ ମା ସହ ସାମିଲ୍‌ ଥିଲେ ବାପା। ୭ ଦିନର ନବଜାତ ଶିଶୁକୁ ଛାଡ଼ି ପଳାଇଛନ୍ତି ବାପା, ମା । ଏପରି ଲଜ୍ଜାଜନକ ଘଟଣା ଚଣ୍ଡିଗଡ଼ରେ ଘଟିଛି। ଜଣେ ମା ନିଜ ପିଲାକୁ ସର୍ବସାଧାରଣ ଶୌଚାଳୟରେ ଛାଡ଼ି ଚାଲିଯାଇଛି।

ମା’ଙ୍କ ସହିତ ବାପା ମଧ୍ୟ ଏହି ମାମଲାରେ ସାମିଲ୍‌ ଥିଲେ। ଚଣ୍ଡିଗଡ଼ରୁ ଏଭଳି ଏକ ହୃଦୟସ୍ପର୍ଶୀ ମାମଲା ସାମ୍ନାକୁ ଆସିଛି। ଏକ ଦମ୍ପତି ସେମାନଙ୍କର ୭ ଦିନର ନିରୀହ ଶିଶୁକୁ ସର୍ବସାଧାରଣ ଶୌ ଚାଳୟରେ ଛାଡି ଚାଲିଯାଇଥିଲେ । ପୋଲିସ ଏହି ଘଟଣାରେ ଏକ ମାମଲା ରୁଜୁ କରିଛି ।ଚଣ୍ଡିଗଡ଼ର ସେକ୍ଟର ୪୩ରେ ଅବସ୍ଥିତ ଇଣ୍ଟର ଷ୍ଟେଟ୍ ବସ୍ ଟର୍ମିନାଲ୍ (ISBT) ର ସର୍ବସାଧାରଣ ଶୌ ଚାଳୟରେ ଘଟିଛି । ଦୁଇ ଦିନ ପୂର୍ବେ ଏଠାରେ ଥିବା ଶୌଚାଳୟରେ ଏକ ନବଜାତ ଶିଶୁର ମୃତଦେହ ମିଳିଥିଲା। ଶୌଚାଳୟରେ କାର୍ଯ୍ୟ କରୁଥିବା ସଫେଇ କର୍ମଚାରୀମାନେ ପୋଲିସକୁ ଏ ବିଷୟରେ ସୂଚନା ଦେଇଥିଲେ। ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ନବଜାତ ଶିଶୁକୁ ଡାକ୍ତରଖାନାରେ ଭର୍ତ୍ତି କରିଥିଲେ । ଡାକ୍ତର ନବଜାତ ଶିଶୁର ଚିକିତ୍ସା କରାଉଥିବା ବେଳେ ନବଜାତ ଶିଶୁଟି ମାତ୍ର ୭ ଦିନର ହେବ ବୋଲି କହିଥିଲେ ।

ଏହି ଘଟଣା ସମ୍ପର୍କରେ ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ସିସିଟିଭି ଫୁଟେଜରେ, ଏକ ଦମ୍ପତି ଶିଶୁ ସହିତ ସର୍ବସାଧାରଣ ଶୌଚାଳୟକୁ ଯିବାର ଦେଖିବାକୁ ମିଳିଛି କିନ୍ତୁ କିଛି ସମୟ ପରେ ସେମାନେ ପିଲା ବିନା ଫେରି ଆସୁଥିବାର ଦେଖାଯାଏ । ଏପର୍ଯ୍ୟନ୍ତ ଅଭିଯୁକ୍ତଙ୍କ ପରିଚୟ ମିଳି ନଥିବା ବେଳେ ପୋଲିସ ଏହି ଅଜଣା ଦମ୍ପତିଙ୍କ ବିରୋଧରେ ମାମଲା ରୁଜୁ କରିଛି।

ପୋଲିସ କହିବା ଅନୁଯାୟୀ, ଏହି ଦମ୍ପତି ନବଜାତ ଶିଶୁକୁ ଛାଡ଼ିବା ପରେ ପଞ୍ଜାବର ପଠାନ କୋଟକୁ ଯାଇଥିଲେ। ତେବେ ଅଭିଯୁକ୍ତ ଦମ୍ପତି କେଉଁଠୁ ଆସିଥିଲେ ଏବଂ କେଉଁଆଡେ ଗଲେ ତାହା ଏପର୍ଯ୍ୟନ୍ତ ଜଣା ପଡିନାହିଁ। ନବଜାତ ଶିଶୁକୁ ପରିତ୍ୟାଗ କରିବାର କାରଣ ମଧ୍ୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଏନେଇ ପୋଲିସ ଏହି ଘଟଣାର ଅଧିକ ତଦନ୍ତ ଚଳାଇଛି।