କାର୍‌ ଭିତରେ ଅସଂଯତ ଅବସ୍ଥାରେ ଥିଲେ ପ୍ରେମୀ ଯୁଗଳ, ଗୁଳି କରି ଜୀବନ୍ତ ପୋତି ଦେଇଥିଲେ ଦୁର୍ବୃତ୍ତ

ପ୍ରେମୀ ଯୁଗଳଙ୍କୁ ଭାରି ପଡିଛି କାରରେ ଅନୈତିକ କାର୍ଯ୍ୟ ।ଏମିତିକି ଏଥିପାଇଁ ସେମାନଙ୍କୁ ଅତି ନିର୍ଦ୍ଦୟ ଭାବେ ଜୀବନ ମଧ୍ୟ ହାରିବାକୁ ପଡିଛି । ସେମାନଙ୍କୁ ଦୁର୍ବୃତ୍ତମାନେ ଅତି ନିର୍ମମ ଓ ନିର୍ଦ୍ଦୟ ଭାବେରେ ହତ୍ୟା କରିଛନ୍ତି । ଅବଶ୍ୟ ଦୁର୍ବୃତ୍ତମାନେ ଏବେ ଜେଲ ଦଣ୍ଡ ଭୋଗୁଛନ୍ତି । ଆସନ୍ତୁ ଜାଣିବା ଘଟଣାଟି କଣ ଥିଲା । ୟୁକ୍ରେନର ଗୁଟିରିକା ଠାରେ ଏକ ପ୍ରେମୀ ଯୁଗଳ ନିଜ ଏସ୍ୟୁଭି କାର ଭିତରେ ଶାରୀରିକ ସମ୍ପର୍କ ରଖିଥାନ୍ତି । ପ୍ରତି ସପ୍ତାହର କିଛି ଖାସ ଦିନ ଗୁଡିକରେ ସେମାନେ ନିଜ ଗାଡିକୁ କୌଣସି ଅଜଣା ସ୍ଥାନକୁ ନେଇ ଏହି କାମ କରିଥାନ୍ତି । ଏନେଇ କିଛି ଅପରାଧୀ ସେମାନଙ୍କ ଉପରେ ନଜର ରଖି ଆସୁଥିଲେ । ଦିନେ ସୁଯୋଗ ପାଇ ଅପରାଧୀମାନେ ଏହି ପ୍ରେମୀ ଯୁଗଳକୁ ଟାର୍ଗେଟ୍‌ କର ସେମାନଙ୍କ ମିଳନ ସ୍ଥାନରେ ଯାଇ ପହଞ୍ଚିଲେ । ଘଟଣା ସ୍ଥଳରେ ସେମାନେ ଉଭୟଙ୍କ ଉପରେ ଆକ୍ରମଣ କରିଥିଲେ । ପ୍ରଥମେ ପ୍ରେମିକ ୟୁରୀଙ୍କ ମୁଣ୍ଡକୁ ଗୁଳି ମାରିଥିଲେ ।

ପରେ ପ୍ରେମିକା ଠାରୁ ସମସ୍ତ ସୁନା ଗହଣା ଲୁଟ କରି ନେଇଥିଲେ । ଲୁଟ ପରେ ପରେ ପ୍ରେମିକାକୁ ମଧ୍ୟ ଗୁଳି କରିଥିଲେ । ଗୁଳି ମାଡ଼ ସତ୍ତ୍ୱେ ପ୍ରେମୀ ଯୁଗଳଙ୍କ ଦେହରେ ଜୀବନ ଥିଲା । ଆଉ ଏହି ଶଇତାନ୍‌ମାନେ ସେମାନଙ୍କୁ ସେହି ଜାଗାରେ ଜିଅନ୍ତା ପୋତି ଦେଇଥିଲେ । ସେହି ସମୟରେ ବି ଉଭୟ ପ୍ରେମିକ ଓ ପ୍ରେମିକା ପରସ୍ପରର ହାତ ଧରିଥିଲେ । ପୋଲିସ୍‌କୁ ଏହି ଏତେ ବଡ଼ ଅପରାଧର ସୁରାକ୍‌ ମଧ୍ୟ ମିଳିନଥିଲା ।

ଘଟଣା ଘଟାଇବା ପରେ ଦୁର୍ବୃତ୍ତମାନେ କାରକୁ ନିଜ ଘରକୁ ନେଇ ଗ୍ୟାରେଜରେ ଲୁଚାଇ ରଖି ଦେଇଥିଲେ । ପ୍ରାୟ ବର୍ଷକ ପରେ ଅପରାଧୀ ଏଣ୍ଡରିବ୍‌ କାରର ପାର୍ଟସ ଗୁଡିକୁ ଅନଲାଇନ ବିକ୍ରୀ କରିବାକୁ ଉଦ୍ୟମ କରିଥିଲେ । ଆଉ ଏହି ସମୟରେ ହିଁ ପୋଲିସକୁ ପୂରା ଘଟଣା ସମ୍ପର୍କରେ ଜଣା ପଡିଥିଲା । ୨୦୧୬ ମସିହା ଜୁନ ମାସରେ ଘଟଣାଟି ଘଟିଥିଲେ ମଧ୍ୟ ଏହାର ଏକ ବର୍ଷ ପରେ ପର୍ଦ୍ଦାଫାସ୍‌ ହୋଇଥିଲା । ଯେବେ ଚାରି ଅଭିଯୁକ୍ତ volkswagen SUV ପାର୍ଟସ ବିକିବା ଆରମ୍ଭ କରିଥିଲେ । ପୋଲିସ ଦୁଇ ଅଭିଯୁକ୍ତଙ୍କୁ ଗିରଫ କରି ନେଇଥିଲେ । ଏମାନଙ୍କ ମଧ୍ୟରୁ ଜଣଙ୍କୁ ଆଜୀବନ ଜେଲ ଦଣ୍ଡ ଦିଆଯାଇଥିବା ବେଳେ ଅନ୍ୟ ଜଣଙ୍କୁ ୧୨ ବର୍ଷ କାରାଦଣ୍ଡ ମିଳିଛି ।