ଋଷରେ ପୁଣି ଭୟଙ୍କର ହେଉଛି କରୋନା ସଂକ୍ରମଣ, ଗୋଟିଏ ଦିନରେ ୪୦ ହଜାର ଉପରେ ସଂକ୍ରମିତ

ବିଶ୍ୱରେ ପ୍ରଥମ ଟିକା ବାହାର କରିଥିବା ଦେଶରେ ଭୟଙ୍କର ରୂପ ନେଇଛି ମହାମାରୀ କରୋନା। ଋଷରେ ଉତ୍ପାତ ମଚାଇଛି ମାରାତ୍ମକ ଭାଇରସ। ଏହି ଦେଶରେ ପୁଣି କରୋନା ମାମଲା ଦ୍ରୁତ ଗତି ବଢ଼ିଛି। ଜାତୀୟ କରୋନା ଭାଇରସ୍ ଟାସ୍କ ଫୋର୍ସ ରବିବାର ଦିନ ୪୦,୯୯୩ ନୂତନ ସଂକ୍ରମଣ ଚିହ୍ନଟ ବିଷୟରେ ସୂଚନା ଦେଇଛି । ପୂର୍ବ ଦିନ ତୁଳନାରେ ଏହି ସଂଖ୍ୟା ୭୦୦ ଅଧିକ ହୋଇଛି ।

ଅକ୍ଟୋବର ମାସରେ ପ୍ରାୟ ପ୍ରତିଦିନ ସଂକ୍ରମଣ ଓ ମୃତ୍ୟୁର ଏକ ନୂତନ ରେକର୍ଡ ସୃଷ୍ଟି କରିଛି ଋଷ । ରବିବାର ଦିନ ମୃତ୍ୟୁ ସଂଖ୍ୟା ୧,୧୫୮ ରେ ପହଞ୍ଚିଛି, ଯାହା ଶୁକ୍ରବାରର ରେକର୍ଡ ୧,୧୬୩ ଠାରୁ ସାମାନ୍ୟ କମ୍ ଅଟେ। ଏହି କାରଣରୁ ଋଷରେ କରୋନା ମୃତ୍ୟୁ ସଂଖ୍ୟା ୨୩୮,୫୩୮ ରେ ପହଞ୍ଚିଛି, ଯାହା ୟୁରୋପରେ ବର୍ତ୍ତମାନ ସୁଦ୍ଧା ସବୁଠାରୁ ସର୍ବାଧିକ। ୧୪୬ ନିୟୁତ ଜନସଂଖ୍ୟା ବିଶିଷ୍ଟ ଏହି ଦେଶରେ ମହାମାରୀ ସମୟରେ ୮.୫୧ ମିଲିୟନରୁ ଅଧିକ ସଂକ୍ରମଣ ରେକର୍ଡ ହୋଇଛି।

ଦେଶର ପରିସଂଖ୍ୟାନ ସେବା ଯାହାକି ବିଭିନ୍ନ ମାନଦଣ୍ଡ ଅନୁଯାୟୀ କୋଭିଡ -୧୯ ରୁ ମୃତ୍ୟୁକୁ ଗଣନା କରିଛି, ସେପ୍ଟେମ୍ବରରେ ଏହି ମହାମାରୀ ଦ୍ୱାରା ୪୪,୨୬୫ ମୃତ୍ୟୁ ଘଟିଛି। ସରକାରଙ୍କ କହିବା କଥା ଯେ ଲୋକଙ୍କୁ କାର୍ଯ୍ୟାଳୟ, ବିଦ୍ୟାଳୟ ଏବଂ ଜନଗହଳି ପୂର୍ଣ୍ଣ ସ୍ଥାନରୁ ଦୂରେଇ ରଖିବା ଦ୍ୱାରା ଏହି ଭୂତାଣୁର ବିସ୍ତାର ହୋଇପାରିବ ନାହିଁ, କିନ୍ତୁ ବର୍ତ୍ତମାନ ଅନେକ ସମୟରେ ପର୍ଯ୍ୟଟକ ମାନେ ଋଷିଆର ସମୁଦ୍ର କୂଳକୁ ଯାଇ ଛୁଟି କଟାଉଥିବାରୁ ପରିସ୍ଥିତି ଅଧିକ ଖରାପ ହେବାରେ ଲାଗିଛି । ଟୀକାକରଣର ମନ୍ଥର ଗତିକୁ ନେଇ ସଂକ୍ରମଣ ଏବଂ ମୃତ୍ୟୁ ବୃଦ୍ଧିର କାରଣ ବୋଲି ଅଧିକାରୀମାନେ ଦାୟୀ କରିଛନ୍ତି।

କହିରଖୁ କି ଗତ ସପ୍ତାହରୁ ଋଷରେ କରୋନା ସଂକ୍ରମିତଙ୍କ ସଂଖ୍ୟା ବଢି ଚାଲିଥିଲା । ଏହାକୁ ଦୃଷ୍ଟିରେ ରଖି ପୁତିନ ସରକାର ଦେଶରେ ୧୧ ଦିନ ପାଇଁ ଲକଡାଉନ କରିବାକୁ ନିଷ୍ପତ୍ତି ନେଇଛନ୍ତି । ଏହି କ୍ରମରେ ଋଷରେ ସ୍କୁଲ, କଲେଜ, ମଲ, ରେଷ୍ଟୁରାଣ୍ଟ ସମେତ ବଜାର ବନ୍ଦ କରିବାକୁ ସରକାରଙ୍କ ତରଫରୁ ଘୋଷଣା କରାଯାଇଥିଲା । ଏହାସହ ଜିମ୍ ଓ ଲୋକଗହଳୀ ସ୍ଥାନଗୁଡିକରେ ୧୧ ଦିନ ପାଇଁ କଟକଣା ଲାଗୁ କରାଯାଇଥିବା ଜଣାପଡିଛି । ଏହି କ୍ରମରେ ରେଷ୍ଟୁରାଣ୍ଟ ଓ ହୋଟେଲଗୁଡିକ ଡେଲିଭରୀ ଅର୍ଡର ପାଇଁ ଖୁଲା ରହିବ । ଲୋକମାନଙ୍କୁ ସାର୍ବଜନୀକ ପରିବହନରୁ ଦୂରେଇ ରଖି କରୋନା ସଂକ୍ରମଣକୁ ନିୟନ୍ତ୍ରଣ କରାଯାଇପାରିବ ବୋଲି ଋଷ ଅଧିକାରୀ ଆଶା ପ୍ରକାଶ କରିଛନ୍ତି ।

Leave A Reply

Your email address will not be published.