ଆମେରିକାରେ ଗତ ୨୪ ଘଣ୍ଟାରେ ୧ ହଜାର ୫୭୮ମୃତ ! ଛାତିଥରା ଓ୍ୱାର୍ଣ୍ଣିଂ ଜାରି କଲେ ହ୍ବାଇଟ୍ ହାଉସ କୋଭିଡ୍ ମୁଖ୍ଯ
ଆମେରିକା: ପୁଣି ଅଣାୟତ୍ତ ଆମେରିକା । ଭୟଙ୍କର ଭାବେ ମାଡ଼ୁଛି କରୋନା । ଆମେରିକା, ବ୍ରିଟେନ୍, ଜର୍ମାନ ଓ ଫ୍ରାନ୍ସ ଆଦି ଦେଶରେ କରୋନାର କରାଳ ରୂପ। ଆମେରିକାରେ ୧ ଲକ୍ଷ ୬୧ ହଜାର ୨୦୫ ନୂଆ କେସ ସାମ୍ନାକୁ ଆସିଛି । ଗତ ୨୪ ଘଣ୍ଟାରେ ପ୍ରାଣ ହରାଇଛନ୍ତି ୧ ହଜାର ୫୭୮ । ୟୁକେରେ ତୃତୀୟ ଦିନରେ ରେକର୍ଡ ସଂକ୍ରମଣ । ଗତ ୨୪ ଘଣ୍ଟାରେ ୯୩ ହଜାର ୪୫ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଫ୍ରାନ୍ସରେ ୫୮ ହଜାର ୧୨୮ ଓ ଜର୍ମାନୀରେ ୪୮ ହଜାର ୩୭୫ ପଜିଟିଭ ଚିହ୍ନଟ ହୋଇଛନ୍ତି । ଋଷିଆରେ ୨୭ ହଜାର ପଜିଟିଭ କେସ ଥିବା ବେଳେ ମୃତ୍ୟୁସଂଖ୍ୟା ରହିଛି ୧ହଜାର ୮୦ ।
ଅନ୍ଯପଟେ ଆମେରିକାରେ ଏଭଳି ପରିସ୍ଥିତିକୁ ଦେଖି ଡକ୍ଟର ଆନ୍ଥୋନୀ ଫାଉସି ଶୁକ୍ରବାର ଦିନ କହିଛନ୍ତି ଯେ, ଓମିକ୍ରନ୍ ଅନେକ ଅତିରିକ୍ତ ସମସ୍ୟା ସୃଷ୍ଟି କରିପାରେ ଏବଂ ଏଥିରେ ଅନେକ ମୃତ୍ୟୁବରଣ ମଧ୍ଯ କରିପାରନ୍ତି। ଏହ ସହ ଫାଉସି କହିଛନ୍ତି ଯେ, ଯେତେବେଳେ ବହୁ ସଂଖ୍ୟକ ଲୋକ ସଂକ୍ରମିତ ହେଉଛନ୍ତି ତେବେ ହସ୍ପିଟାଲରେ ଦିନକୁ ଦିନ ରୋଗୀଙ୍କ ସଂଖ୍ଯା ମଧ୍ଯ ବଢିବ।
ଏଜେନ୍ସି ଅନୁଯାୟୀ, ଗତ ମାସରେ COVID-19 ମାମଲାରେ ଡାକ୍ତରଖାନାରେ ଭର୍ତ୍ତି ହୋଇଥିବା ରୋଗୀଙ୍କ ସଂଖ୍ୟା ୪୫% ବୃଦ୍ଧି ପାଇଛି। ଯେତେବେଳେ କି ମାମଲା ୪୦% ରୁ ବୃଦ୍ଧି ପାଇ ୧୨୩୦୦୦ରେ ପହଁଚିଛି ।
ପ୍ରମୁଖ ଟିକା ଉତ୍ପାଦନକାରୀ ସଂସ୍ଥା ଗୁଡିକ ଶୁକ୍ରବାର ଦିନ ଘୋଷଣା କରିଛନ୍ତି ଯେ, ମହାମାରୀ ୨୦୨୪ ପର୍ଯ୍ୟନ୍ତ ଚାଲିବ। ୨ ରୁ ୪ ବର୍ଷ ବୟସର ପିଲାମାନଙ୍କ ପାଇଁ ଏହି ଟିକା ବିଳମ୍ବ ହୋଇପାରେ ।
ତୁମେ ମୃତ୍ୟୁର ଶୀତ ଦେଖିବାକୁ ଯାଉଛ : ଆମେରିକାର ବିଶେଷଜ୍ଞ
ଆମେରିକାର ଅଧିକାରୀମାନେ କହିଛନ୍ତି ଯେ, ଏହି ଶୀତ ଯେଉଁମାନଙ୍କ ପାଇଁ ଗୁରୁତର ରୋଗ ଆଣିପାରେ। ଏହି ବିପଦ ଏତେ ବଡ ଯେ ମୃତ୍ୟୁ ମଧ୍ୟ ହୋଇପାରେ | ଗତ ସପ୍ତାହରେ, ଆମେରିକାରେ କରୋନାରେ ମୃତ୍ୟୁବରଣ କରିଥିବା ଲୋକଙ୍କ ସଂଖ୍ୟା ୮ପ୍ରତିଶତ ବୃଦ୍ଧି ପାଇଥିଲା। ଆମେରିକାର ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ରର ନିର୍ଦ୍ଦେଶକ ଡ.ରୋଚେଲ ଭାଲେନ୍ସି ଏହି ସୂଚନା ଦେଇଛନ୍ତି।
ହ୍ବାଇଟ ହାଉସର କୋଭିଡ ରେସପନ୍ସ ଟିମର ମୁଖ୍ୟ ଜେଫ ଜିଆଣ୍ଟସ କହିଛନ୍ତି ଯେ, ଯେଉଁମାନେ ଏପର୍ଯ୍ୟନ୍ତ ଟିକା ଗ୍ରହଣ କରିନାହାଁନ୍ତି, ସେମାନେ ଡାକ୍ତରଖାନାରେ ନିଜର ତଥା ନିଜ ପରିବାର ପାଇଁ ଏକ ଭୟଙ୍କର ରୋଗ ଏବଂ ମୃତ୍ୟୁର ଦିନ ଦେଖିବାକୁ ଯାଉଛନ୍ତି।
ଯଦିଓ ଏପର୍ଯ୍ୟନ୍ତ ଆମେରିକାରେ, ଡେଲଟା ଭାରିଆଣ୍ଟରେ ଲୋକେ ସଂକ୍ରମିତ ହେଉଛନ୍ତି, କିନ୍ତୁ ଅଧିକାରୀମାନେ ସନ୍ଦେହ କରୁଛନ୍ତି ଯେ ଓମିକ୍ରନ୍ ମାମଲା ଡେଲଟା ଭାରିଆଣ୍ଟକୁ ଟପିଯାଇପାରେ।
ବୁଷ୍ଟର ଡୋଜ୍ ନେବାକୁ ଦେଶବାସୀଙ୍କୁ ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍ ଜନସନ୍ଙ୍କ ଅପିଲ:
ଏପଟେ ଦେଶବାସୀଙ୍କୁ ବୁଷ୍ଟର ଡୋଜ୍ ନେବାକୁ ଦେଶବାସୀଙ୍କୁ ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍ ଜନସନ୍ଙ୍କ ଅପିଲ । ଏ ଯାଏଁ ବ୍ରିଟେନ୍ ର ୫୦ ପ୍ରତିଶକ ଲୋକ ବୁଷ୍ଟର ଡୋଜ୍ ନେଇସାରିଛନ୍ତି । ଏଥିପାଇଁ ମେଡିକାଲ ଷ୍ଟାଫ ଓ ଭଲିଣ୍ଟରଙ୍କୁ ଧନ୍ୟବାଦ ଜଣାଇଛନ୍ତି ।
ଓମିକ୍ରନ ମୁକାବିଲା ପାଇଁ ବ୍ରିଟେନରେ ଚଳିତ ମାସ ଶେଷ ସୁଦ୍ଧା ୧୮ ବର୍ଷରୁ ଅଧିକ ସବୁ ନାଗରିକଙ୍କୁ ବୁଷ୍ଟର ଡୋଜ ଦେବାକୁ ନିର୍ଦ୍ଦେଶ ଦିଆଯାଇଛି । ସଂକ୍ରମଣ ବ୍ୟାପକତାକୁ ଦୃଷ୍ଟିରେ ରଖି ଓମିକ୍ରନ ଏମର୍ଜେନ୍ସୀ ଜାରି ହୋଇଛି ।
