ନୂଆଦିଲ୍ଲୀ : ନାଁଟି ତାର ଶବନମ୍ । ନାଁରୁ ଅନ୍ତତଃ ମନେ ହେବ ଯେ ଝିଅଟି ସୁନ୍ଦର ଓ ସୁଶୀଳ ହୋଇଥିବ । କିନ୍ତୁ ଏଭଳି ଭାବନାକୁ ଭୁଲ ପ୍ରମାଣିତ କରିଛି ଉତ୍ତର ପ୍ରଦେଶ ଆମରୋହ ଜିଲ୍ଲା ବାବନଖେଡ଼ି ଗାଁର ଝିଅ ଶବନମ୍ । ସେ ଏଭଳି କାମ କରିଛି ଯେ ତା ଗାଁର କୌଣସି ପରିବାର ଗତ ଦଶ ବର୍ଷ ହେଲା ତା ଡ଼ାଁ ଧରିବାକୁ ବି ଡରୁଛନ୍ତି ।
ଶବନମ ଏଭଳି ଏକ ଘୃଣ୍ୟ କାଣ୍ଡ ଘଟାଇଛି ଯେ ତାକୁ କେବଳ ଗାଳି ଏବଂ ଅଭିଶାପ ଛଡ଼ା ଆଉ କିଛି ମିଳୁ ନାହିଁ ଗାଁ ଲୋକଙ୍କ ଠାରୁ । ସେ ନିଜ ପରିବାରର ୭ ଜଣଙ୍କୁ ହତ୍ୟା କରିଛି । ବିଶ୍ୱାସ ନହେଲେ ବି ଏକଥା ସତ । ଏଥିପାଇଁ ଶବନମ୍କୁ ଫାଶି ଦଣ୍ଡ ମିଳିଛି । ଏମିତିକି ସେ କରିଥିବା କ୍ଷମା ପ୍ରାର୍ଥନାକୁ ରାଷ୍ଟ୍ରପତି ମଧ୍ୟ ଅଗ୍ରାହ୍ୟ କରି ଦେଇଛନ୍ତି । ଗଲା ଦଶ ବର୍ଷ ହେଲା ଜେଲ୍ରେ ଅଛି ଶବନମ୍ । ନିକଟରେ ତା ପାଇଁ ସୁପ୍ରିମ କୋର୍ଟରେ ଏକ ରିଭ୍ୟୁ ପିଟିସନ୍ ଦାୟର ହୋଇଛି । ଏହାର ଶୁଣାଣି କରାଯିବ ।
ଶବନମର କ୍ରୁରତା ଏଭଳି ଥିଲା ଯେ ସେ ନିଜ ପରିବାରର ୭ ଜଣ ସଦସ୍ୟଙ୍କୁ ହତ୍ୟା କରିପାରିଲା । ତା ଭିତରେ ଜଣେ ୮ ମାସର ନବଜାତ ଶିଶୁକୁ ମଧ୍ୟ ସେ ଛାଡ଼ି ନଥିଲା । ଆମରୋହ ଠାରୁ ପ୍ରାୟ ୨୦ କିଲୋମିଟର ଦୂର ବାବନଖେଡ଼ି ଗାଁ’ର ଘଟଣା । ଦଶ ବର୍ଷ ତଳେ ଅର୍ଥାତ୍ ୨୦୦୮ ମସିହା ଏପ୍ରିଲ ୧୪ ଓ ୧୫ ତାରିଖ ଦିନ ଘଟିଥିଲା ଏଇ ଲୋମ ଟାଙ୍କୁରା ହତ୍ୟାକାଣ୍ଡ । ପ୍ରେମରେ ପାଗଳ ଶବନମ ନିଜ ପ୍ରେମିକ ସଲିମ ସହିତ ମିଶି ଏହି ଜଘନ୍ୟ କାଣ୍ଡ ଘଟାଇଥିଲା । ସେତେବେଳକୁ ଶବନମ ନିଜେ ୭ ମାସର ଗର୍ଭବତୀ ଥିଲା । ହେଲେ ତା ମନରେ ଟିକେ ଦୟା ବି ହେଲାନି ଯେ ସେ ନିଜ ହାତରେ ପରିବାରର ସବୁଠୁ କୁନି ସଦସ୍ୟ ଆଠ ମାସର ନିଜ ପୁତୁରାକୁ ମାରି ଦେଲା ।
ସଲିମ ପଠାଣ ଜାତିର ଓ ଶବନମ ଥିଲା ସୁଫି ସମ୍ପ୍ରଦାୟର । ତେଣୁ ପରିବାର ଲୋକେ ସେମାନଙ୍କ ବିବାହକୁ ବିରୋଧ କରୁଥିଲେ । ଖାଲି ସେତିକି ନୁହେଁ, ପାଠରେ ଶବନମ୍ ଡବଲ୍ ଏମ୍ଏ ଓ ଜଣେ ଶିକ୍ଷୟିତ୍ରୀ ଭାବେ କାର୍ଯ୍ୟ କରୁଥିଲା । ଅନ୍ୟପକ୍ଷରେ ସଲିମ ମାତ୍ର ପଞ୍ଚମ ଶ୍ରେଣୀ ପାଠ ପଢ଼ିଥିଲା ଓ ଗରିବ ପରିବାରର ଥିଲା । ତେବେ ସଲିମର ପ୍ରେମରେ ପୂରା ପାଗଳ ହୋଇ ସାରିଥିଲା ଶବନମ୍ । ଏମିତିକି ସେମାନଙ୍କର ଶାରୀରକ ସମ୍ପର୍କ ମଧ୍ୟ ଗଢ଼ି ଉଠିଥିଲା । ତେଣୁ ଘରେ ବିରୋଧ ପରେ ପ୍ରେମିକ ସଲିମ ସହ ଷଡ଼ଯନ୍ତ୍ର କରି ପରିବାର ଲୋକଙ୍କୁ ରାସ୍ତାରୁ ହଟାଇଥିଲା । ଘର ଲୋକ ସବୁ ରାତିରେ ଶୋଇ ପଡ଼ିବା ପରେ ଗୋଟିଏ କୁରାଢ଼ୀ ଧରି ସେ ନିଜର ଅତି ଭଲ ପାଉଥିବା ବାପାଙ୍କ ସମେତ ସାତ ଜଣଙ୍କୁ ନିର୍ମମ ଭାବେ ହତ୍ୟା କରିଥିଲା ସଲିମ ସହାୟତାରେ । ବାପା ମାଆ, ଦୁଇ ଭାଇ, ଭାଉଜ ଓ ଦୁଇ ଜଣ ପିଲାଙ୍କୁ ଶବନମ୍ ଓ ସଲିମ ମାରି ଦେଇଥିଲେ । ଲକ୍ଷ୍ୟ ଥିଲା, ପ୍ରେମ ରାସ୍ତାରୁ କଣ୍ଟା ଯିବ ଓ ପୂରା ସମ୍ପତ୍ତି ମଧ୍ୟ ତାର ହୋଇଯିବ । ହେଲେ ଏବେ ଦୁଇ ଜଣଯାକ ଜେଲ୍ରେ ଫାଶିଦଣ୍ଡକୁ ଅପେକ୍ଷା କରିଛନ୍ତି ।
୨୦୦୮ ମସିହା ଏପ୍ରିଲ ୧୫ ତାରିଖ ଦିନ ଘଟଣା ଜାଣିବା ପରେ ପୋଲିସ୍ ଯେତେବେଳେ ଘରକୁ ଆସିଲା ସେତେବେଳେ ଶବନମ ବୟାନ ଦେଇଥିଲା ଯେ ସେ ବାଥ୍ରୁମ୍ରେ ଥିବା ବେଳେ ଚୋରମାନେ ଆସି ଏଭଳି କାଣ୍ଡ ଘଟାଇଛନ୍ତି ବୋଲି । ହେଲେ ଶବନମ ଓ ସଲିମଙ୍କ ଫୋନ୍ କଲ୍ ଯାଞ୍ଚ କରି ପ୍ରକୃତ ଘଟଣା ଜେରା ବେଳେ ଆଦାୟ କରିଥିଲା ପୋଲିସ୍ ।
ଜେଲ୍ରେ ଥିବା ବେଳେ ଶବନମ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲା । ତାକୁ ଏବେ ତାଙ୍କ ଗାଁର ବନ୍ଧୁ ଉସମାନ ପାଳିତ ପୁତ୍ର ଭାବେ ରଖିଛନ୍ତି । ଉସମାନଙ୍କ କହିବା କଥା, କଲେଜରେ ପଢ଼ିବା ବେଳେ ଶବନମ ତାଙ୍କର ସିନିୟର ଥିଲା । ତାଙ୍କ ପାଖରେ ଟଙ୍କା ନଥିବା ବେଳେ ଅନେକ ଥର ଶବନମ ତାଙ୍କ ପାଇଁ କଲେଜ ଫି ପଇଠ କରିଥିଲା । ତେଣୁ ଉପକାର ଶୁଝିବା ପାଇଁ ସେ ଶବନମର ପୁଅକୁ ପାଳୁଛନ୍ତି । ଅବଶ୍ୟ ଆଇନ୍ ଦୃଷ୍ଟିରୁ ସେ ତାକୁ ପୋଷ୍ୟ ଭାବେ ଗ୍ରହଣ କରି ପାରିବେ ନାହିଁ ।
ଏଇ ଦଶ ବର୍ଷ ଭିତରେ ଅନେକ ପଶ୍ଚତାପ କରିଛି ଓ ଆଖିଲୁହରେ ପାପ ଧୋଇବାକୁ ଚେଷ୍ଟା କରିଛି ଶବନମ୍ । ହେଲେ ବହିଗଲା ପାଣି କଣ ଆଉ ଫେରେ ? ବାରମ୍ବାର ଶବନମ ଓ ସଲିମ ଫାଶି ଦଣ୍ଡରୁ ମୁକ୍ତି ପାଇଁ କ୍ଷମା ପ୍ରାର୍ଥନା କରି ସାରିଲେଣି । ହେଲେ ପ୍ରତିଥର ଏହା ଖାରଜ ହୋଇ ଯାଉଛି । ଏବେ ପୁଣି ରିଭ୍ୟୁ ପିଟିସନ୍ ଦାଖଲ ହୋଇଛି । ଦେଖିବାର କଥା ଏଥର ସୁପ୍ରିମ କୋର୍ଟଙ୍କ ନିଷ୍ପତ୍ତି କଣ ହେଉଛି ।
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…