ମୃତ୍ୟୁର ଦୂତ ସାଜି ଆସିଥିବା କରୋନା ମହିଳାଙ୍କୁ ଦେଲା ନୂଆ ଜୀବନ
ସାରା ବିଶ୍ଵରେ ବର୍ତ୍ତମାନ କରୋନାକୁ ନେଇ ଆତଙ୍କ ଖେଳି ରହିଛି । ଯେଉଁଭଳି ଭାବେ କରୋନା ଭାଇରସ ସାରା ଦୁନିଆର ଲୋକଙ୍କୁ ଭୟଭୀତ କରି ରଖିଛି ବର୍ତ୍ତମାନ ସମସ୍ତେ ଏହାକୁ ଜୀବନନାଶକ ବୋଲି କହୁଛନ୍ତି । ତେବେ ଏହି କରୋନା ଜଣେ ଯୁବତୀଙ୍କ ଇଜ୍ଜତ ବଞ୍ଚାଇଛି ଯାହା ଶୁଣିବା ପରେ ଆପଣ ଆଶ୍ଚର୍ଯ୍ୟ ହେଉଥିବେ ନିଶ୍ଚୟ କିନ୍ତୁ ଏହାସତ । କରୋନା ଭାଇରସର ଭୟ ଚୀନରେ ଜଣେ ମହିଳାଙ୍କ ଇଜ୍ଜତ ବଞ୍ଚାଇ ଦେଇଛି । ଖବର ମୁତାବକ ଜାନୁଆରୀ ୩୧ ତାରିଖ ଦିନ ମହିଳାଜଣକ ଦୁଷ୍କର୍ମକାରୀଙ୍କୁ କହିଥିଲେ ଯେ ସେ ନିକଟରେ ବୁହାନରୁ ଫେରିଛନ୍ତି ଏବଂ ସେ କରୋନା ସଂକ୍ରମିତ ।
ସୂଚନା ଅନୁଯାୟୀ ଘଟଣାଟି ଘଟିଛି ଚୀନର ଜିଙ୍ଗଶାନରେ । ଏଠାରେ ଜଣେ ଯୁବତୀ ରାତିରେ ଶୋଇଥିବା ସମୟରେ ହଠାତ ଜଣେ ଲୋକ ତାଙ୍କ ଘର ଭିତରକୁ ପଶି ଆସିଥିଲେ ଓ ତାଙ୍କ ସହ ଦୁଷ୍କର୍ମ କରିବା ପାଇଁ ଚେଷ୍ଟା କରିଥିଲେ । ତେବେ ସେହି ସମୟରେ ଯୁବତୀ ଜଣକ ନିଜର ଉପସ୍ଥିତ ବୁଦ୍ଧି ଖଟାଇ ଦୁଷ୍କର୍ମକାରୀଙ୍କୁ କହିଥିଲେ ଯେ ସେ ନିକଟରେ ବୁହାନରୁ ଫେରିଛନ୍ତି ଓ ତାଙ୍କ ଠାରେ କରୋନାର ଲକ୍ଷଣ ଦେଖାଯାଇଛି । ଯେଉଁ କାରଣରୁ ସେ ନିଜକୁ ସମସ୍ତଙ୍କଠାରୁ ଦୁରେଇ ରଖିଛନ୍ତି । ସେଥିପାଇଁ ସେ ସେଠାରେ ଏକା ରହୁଛନ୍ତି । ଏହାସହିତ କରୋନା ଟେଷ୍ଟ କରାଇବା ପରେ ରିପୋର୍ଟ ପଯେଟିଭ ଆସିଛି ବୋଲି ମଧ୍ୟ କହିଥିଲେ । ତେବେ ଏସବୁ ଶୁଣିବା ପରେ ଦୁଷ୍କର୍ମକାରୀ ଜଣକ ଭୟରେ ସେଠାରୁ ଦୌଡ଼ି ପଳାଇ ଯାଇଥିଲା ।
ସୂଚନା ଅନୁଯାୟୀ ଅଭିଯୁକ୍ତ ତାଙ୍କ ଘରୁ ଏକ ଫୋନ ସହିତ କିଛି ଟଙ୍କା ମଧ୍ୟ ଚୋରି କରି ନେଇଯାଇଛନ୍ତି । ମହିଳା ଜଣକ ଥାନାରେ ଅଭିଯୋଗ କରିବା ପରେ ବର୍ତ୍ତମାନ ପୋଲିସ ଏହାର ତଦନ୍ତ କରୁଛି ।