ବଙ୍ଗୋପସାଗରରେ ଘନୀଭୂତ ହେଉଛି ଗଭୀର ଅବପାତ, ଆଜି ନେବ ବାତ୍ୟାର ରୂପ
ଆସୁଛି ବାତ୍ୟା । ଦକ୍ଷିଣ ପଶ୍ଚିମ ବଙ୍ଗୋପସାଗରରେ ଘନୀଭୂତ ହେଉଛି ଗଭୀର ଅବପାତ । ଆଜି ଏହା ବାତ୍ୟାର ରୂପ ନେବ । ଏନେଇ ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ । ବାତ୍ୟା ସୃଷ୍ଟି ହେଲେ ଏହାର ନାଁ ଫେଙ୍ଗାଲ ରହିବ । ବାତ୍ୟା ଉତ୍ତର-ଉତ୍ତର ପଶ୍ଚିମ ଦିଗରେ ଗତି କରି ପରବର୍ତ୍ତୀ ଦୁଇ ଦିନରେ ଶ୍ରୀଲଙ୍କା ଓ ତାମିଲନାଡୁ ଉପକୂଳକୁ ମୁହାଁଇବ । ବଙ୍ଗୋପସାଗରରେ ଡିପ ଡିପ୍ରେସନ ପ୍ରଭାବରେ ତାମିଲନାଡୁ କୁଦାଲୋରରେ ବର୍ଷା ଲାଗି ରହିଛି । ଅଶାନ୍ତ ହୋଇଉଠିଛି ସମଦ୍ର ।
ଏପଟେ ବଙ୍ଗୋପସାଗରରେ ସୃଷ୍ଟ ଗଭୀର ଅବପାତ ଶ୍ରୀଲଙ୍କାର ପୂର୍ବଭାଗକୁ ଅତିକ୍ରମ କରିବ । ଏହାର ପ୍ରଭାବରେ ପ୍ରବଳ ବର୍ଷା ସମ୍ଭାବନା ରହିଛି । ଆସନ୍ତା ଗୁରୁବାର ସୁଦ୍ଧା ସାଇକ୍ଲୋନ ଫେଙ୍ଗାଲ ସୃଷ୍ଟି ହେବ ବୋଲି ପୂର୍ବାନୁମାନ କରିଛନ୍ତି ଅନ୍ତର୍ଜାତୀୟ ପାଣିପାଗ ବିଜ୍ଞାନୀ ଜାସନ ନିକୋଲସ । ଆନ୍ଧ୍ରପ୍ରଦେଶ ଓ ତାମିଲନାଡୁ ବାତ୍ୟା ଦ୍ବାରା ପ୍ରଭାବିତ ହେବ ବୋଲି ଜାସନ ଆକଳନ କରିଛନ୍ତି ।.