ଦିଲ୍ଲୀ : ଦିଲ୍ଲୀ ଦଖଲ ପାଇଁ ପ୍ରଚାର ଘମାସାନ। ଆଜି ସଂଧ୍ୟାରେ ସରିବ ପ୍ରଚାର ଯୁଦ୍ଧ । ଶେଷ ଦିନରେ ସବୁ ଦଳ ଭୋଟରଙ୍କୁ ଆପଣାଇବାକୁ ଜୋରଦାର କସରତ ଜାରି ରଖିଛନ୍ତି । ପ୍ରତିଶ୍ରୁତି, ସମାଲୋଚନା, ଆରୋପ- ପ୍ରତ୍ୟାରୋପର ପର୍ବ ଦିଲ୍ଲୀ ନିର୍ବାଚନକୁ ସରଗରମ କରିବାରେ ଲାଗିଛି । ବିଜେପି ପାଇଁ ପ୍ରଚାର ମଙ୍ଗ ଧରିଛନ୍ତି ପିଏମ ମୋଦି ।
ଏଡିଏ ଶାସିତ ୧୦ ରାଜ୍ୟର ମୁଖ୍ୟମନ୍ତ୍ରୀ ବି ଡୋର ଟୁ ଡୋର କ୍ୟାମ୍ପେନ ଚଳଛଛନ୍ତି । ଗତକାଲି ନିର୍ବାଚନ ପ୍ରଚାର ବେଳେ ପ୍ରଧାନମନ୍ତ୍ରୀ ଦିଲ୍ଲୀ ଶାସନ କ୍ଷମତାରେ ଥିବା ଆପକୁ ଟାର୍ଗେଟ କରିଥିଲେ । ସେପଟେ ବିଜେପିକୁ କାଉଣ୍ଟର ଆଟାକ୍ କରିଛି ଆପ୍ । ନିର୍ବାଚନରେ ଜିତିବାକୁ ବିଜେପି ଗୁଣ୍ଡାଗର୍ଦ୍ଦି କରୁଛି ବୋଲି ଅଭିଯୋଗ କରିଛନ୍ତି ଆପ୍ ସଂଯୋଜକ ଅରବିନ୍ଦ କେଜ୍ରିୱାଲ ।
ବିଜେପି ଲୋକଙ୍କୁ ବିଭ୍ରାନ୍ତ କରୁଛି । ଭୋଟରଙ୍କୁ ଟଙ୍କା ବାଣ୍ଟୁଛି । ତେବେ ଟଙ୍କା ନିଅନ୍ତୁ ପଛେ ବିଜେପିକୁ ଭୋଟ ଦିଅନ୍ତୁ ନାହିଁ ବୋଲି ଦିଲ୍ଲୀବାସୀଙ୍କୁ ଅପିଲ କରିଛନ୍ତି କେଜ୍ରିୱାଲ । ସେହିପରି ଉଭୟ ଆପ ଓ ବିଜେପିକୁ ଟାର୍ଗେଟ କରିଛି କଂଗ୍ରେସ । ଆସନ୍ତା ବୁଧବାର ୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା ପାଇଁ ନିର୍ବାଚନ ହେବ । ୮ ତାରିଖରେ ଭୋଟଗଣି ଓ ନିର୍ବାଚନର ଫଳାଫଳ ଆସିବ ।
Also read: ଦିଲ୍ଲୀ ନିର୍ବାଚନ: ଇସ୍ତଫା ଦେଇଥିବା AAPର ସମସ୍ତ ୮ ବିଧାୟକ ବିଜେପିରେ ମିଶିଲେ