ଟ୍ରାଫିକ ନିୟମ ଉଲ୍ଲଙ୍ଘନ କରିଥିବାରୁ ଧୀରେନ୍ଦ୍ର ଶାସ୍ତ୍ରୀଙ୍କ ନାମରେ ଚାଲାଣ କାଟିଲା ପୋଲିସ, ସିଟ୍ ବେଲ୍ଟ ବାନ୍ଧିନଥିବାରୁ କଟିଛି ଚାଲାଣ
ବାଗେଶ୍ୱର ଧାମର ମହନ୍ତ ଧୀରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ନାମରେ ଟ୍ରାଫିକ ପୋଲିସ ଚାଲାଣ କାଟିଛି । ଗାଡି ଚଲାଇବା ବେଳେ ଟ୍ରାଫିକ ନିୟମ ଉଲ୍ଲଙ୍ଘନ କରିଥିବା ଯୋଗୁଁତାଙ୍କ ନାମରେ ୧୦୦୦ଟଙ୍କାର ଚାଲାଣ କାଟିଛି ପାଟଣା ଟ୍ରାଫିକ ପୋଲିସ ।
ବାଗେଶ୍ୱର ଧାମର ମହନ୍ତ ପଣ୍ଡିତ ଧୀରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ନାମରେ ପୋଲିସ କାଟିଛି ଚାଲାଣ । ଟ୍ରାଫିକ ନିୟମ ଉଲ୍ଲଙ୍ଘନ କରିବା ଯୋଗୁଁ ଜରିମାନା ଲାଗିଛି । ଗାଡିର ସିଟ୍ ବେଲ୍ଟ ନ ବାନ୍ଧି ଗାଡି ଚଲାଇଥିବାରୁ ଏହି ଜରିମାନା ଲାଗିଛି । ପାଟନାର ନୌବତପୁରରେ ହନୁମନ୍ତ କଥା ପ୍ରବଚନ କାର୍ଯ୍ୟକ୍ରମକୁ ଆସିଥିଲେ ଧୀରେନ୍ଦ୍ର କୃଷ୍ଣ ଶାସ୍ତ୍ରୀ । ଏହି ସମୟରେ ନିୟମ ଉଲ୍ଲଙ୍ଘନ କରିଥିଲେ ।
ଏହାକୁ ନେଇ ପାଟନା ଟ୍ରାଫିକ ଏସପି କହିଚନ୍ତି, ଡେପୁଟି ଏସପି-୧ ଅଞ୍ଚଳରେ ନିୟମ ଭାଙ୍ଗିଥିଲେ ଶାସ୍ତ୍ରୀ । ଯେଉଁଥି ପାଇଁ ଜରିମାନା ଲାଗିଛି । ସିଟ୍ ବେଲ୍ଟ ନ ପିନ୍ଧିଥିବାରୁ ତାଙ୍କ ନାମରେ ୧ ହଜାର ଟଙ୍କାର ଜରିମାନା ଲାଗିଛି । ଏହି ଚାଲାଣ ଅନଲାଇନ ପଠାଯାଇ ଜରିମାନା ଭରିବା ପାଇଁ କୁହାଯାଇଛି ।
बिहार के पटना में अपने दौरे के दौरान ट्रैफिक नियमों का उल्लंघन करने पर बाब बागेश्वर धीरेंद्र कृष्ण शास्त्री का पुलिस ने 1000 रुपये का चालान काट दिया है। यह चालान सीट बेल्ट नहीं लगाने की वजह से काटा गया है।#BabaBagheshwar #DhirendraKrishnaShastri #BiharPolice pic.twitter.com/xMJ7nQb1cg
— Bihar Tak (@BiharTakChannel) May 19, 2023
ସୂଚନାଯୋଗ୍ୟ, ପାଟନାର ନୌବତପୁରରେ ୧୩ରୁ ୧୭ ମଇ ମଧ୍ୟରେ ବାଗେଶ୍ୱର ବାବାଙ୍କ ହନୁମନ୍ତ କଥା ପ୍ରବଚନ କାର୍ଯ୍ୟକ୍ରମ ଆୟୋଜିତ ହୋଇଥିଲା । ୧୩ ମଇରେ ପାଟନା ଏୟାରପୋର୍ଟରେ ପହଞ୍ଚିବା ପରେ କାରରେ ତାଙ୍କୁ ବିଜେପି ସାଂସଦ ମନୋଜ ତିଓ୍ଵାରୀ ନେଇ ଯାଇଥିଲେ । ଏହି ସମୟରେ ସେ ସିଟ୍ ବେଲ୍ଟ ବାନ୍ଧିନଥିଲେ । ଫଟୋ ସୋସିଆଲ ମିଡିଆରେ ଭାଇରଲ ହେବା ପରେ ଉଭୟଙ୍କ ନାମରେ ଚାଲାଣ କଟିବା ସହିତ ଜରିମାନା ଲଗାଇଛି ଟ୍ରାଫିକ ପୋଲିସ । ଏହି ମାମଲାରେ କାର୍ଯ୍ୟାନୁଷ୍ଠାନ ନିଆଯାଇଛି ।
ଟ୍ରାଫିକ ପୋଲିସ ୧୦୦୦ ଟଙ୍କାର ଚାଲାଣ କାଟିଛି । ଭୋଜପୁରୀ ଷ୍ଟାର ଏବଂ ସାଂସଦ ମନୋଜ ତିଓ୍ଵାରୀଙ୍କ ନାମରେ ଜରିମାନା ଲାଗିଛି । ପାଟନା ଏୟାରପୋର୍ଟରୁ ହୋଟେଲ ଯିବା ସମୟରେ ଏହି ଚାଲାଣ କଟିଥିଲା ।
