ମାଆ ସହ କୁନି ଝିଅ ଚାଲୁଥିଲା ରାସ୍ତାରେ, ହେଲେ ହଠାତ୍ ପଞ୍ଚମ ମହଲାରୁ ଖସିଲା କୁକୁର ଚାଲିଗଲା ଜୀବନ
ମୃତ୍ୟୁ କେବେ କହିକି ଆସେନା । କେତେବେଳେ କେଉଁଠି କେଉଁ ସମୟରେ ଏହା ମାଡିବସିବ ଯେ ତାର କଳ୍ପନା ବି କରିବା ମୁସକିଲ । କାହିଁକିନା କେହି ବି ଜାଣିନାହାଁନ୍ତି କାହାର କେମିତି ଆଉ କେତେବେଳେ ମୃତ୍ୟୁ ହେବ । ମୃତ୍ୟୁ ଚାଲୁ ଚାଲୁ, ଘରେ ବସିବା ସମୟରେ ହେଉ କିମ୍ବା ଶୋଇବା ସମୟରେ ବି ହେଉ ନା କାହିଁକି ଯଦି ମୃତ୍ୟୁର ସମୟ ଆସିଯାଇଥାଏ ତାହେଲେ ତାକୁ କେହି ବି ଅଟକାଇ ପାରିବେନି । ମୃତ୍ୟୁ ହେଉଛି ସୁନିଶ୍ଚିତ । ଯେମିତି ଏ କୁନି ଛୁଆଟି କ୍ଷେତ୍ରରେ ହୋଇଛି । ସେ ତ ଜାଣିନଥିଲା, ମାଆ ସହିତ ପାଦକୁ ପାଦ ପକାଇ ଚାଲିଥିଲା । ସେ ତ ବିଲକୁଲ ବି ଜାଣିନଥିଲା ସେ ଆଉ ଘରକୁ ଫେରିବନି ବୋଲି । କହି କହି ଆସୁଥିଲା ମା’ ଆଜି ମୋତେ ତୁ ଖେଳନା କଣିଦେବୁ। ସବୁଦିନ କହୁଛୁ ବଜାର ଯିବା କିନ୍ତୁ ଠକି ଦେଉଛି। ହେଲେ ଆଜି ମୋତେ ନେଇକି ଯିବୁ । ଶିଶୁର ଏଭଳି ଅଳିକୁ ଆଉ ଅଣଦେଖା କରି ନପାରି ମା’ ତାର ୩ ବର୍ଷର ଛୁଆକୁ ଧରି ବାହାରିଥିଲା ବଜାର କିନ୍ତୁ ଉକ୍ତ ବଜାର ରାସ୍ତାରେ ମା’ କୋଳରୁ ତାର ଶିଶୁକୁ ଯମ ଟାଣି ନେବ ଏକଥା କିଏ ବା ଜାଣିଥିଲା।
ଏମିତି ଏକ ଦୁଃଖଦ ଘଟଣା ମୁମ୍ବାଇର ଠାଣେସ୍ଥିତ ମୁମ୍ବ୍ରା ଅଞ୍ଚଳରେ ଘଟିଯାଇଛି। ମୁମ୍ବ୍ରା ଅଞ୍ଚଳରେ ଥିବା ବଜାରକୁ ମା’ ତାର ତିନିବର୍ଷର ଛୁଆକୁ ଧରି କିଛି ସାମଗ୍ରୀ କିଣିବାକୁ ଯାଇଥିଲା। ରାସ୍ତାରେ ମାଆ ସହିତ ଗୁଦୁଲ ଗୁଦୁଲ ହୋଇ ଚାଲୁଥାଏ ଝିଅ । ମାଆ ପାଦରେ ପାଦ ମିଶାଇ ଚାଲିଥାଏ । କିନ୍ତୁ ଠିକ୍ ଏହି ସମୟରେ ରାସ୍ତାପାର୍ଶ୍ବରେ ଥିବା ୫ମହଲା କୋଠା ଉପରେ ହଠାତ ଏକ କୁକୁର ଆସି ଶିଶୁ ଉପରେ ପଡ଼ିଥିଲା।
ଶିଶୁ ଭାରସାମ୍ୟ ରକ୍ଷା କରି ନପାରି ରାସ୍ତାରେ ମୁଣ୍ଡ ମାଡ଼ି ପଡିଯାଇଥିଲା। କୁକୁର ବି ପଡିଲା, କିନ୍ତୁ କିଛି ସମୟ ପରେ କୁକୁରଟି ଉଠି ବସିଗଲା । ହେଲେ ଶିଶୁଟିକୁ ମାରିଦେଇଥିଲା । ଏ ଚିତ୍ର ଦେଖି ଲାଗୁଥିଲା ଯେମିତି ଯମ ହୋଇ ଆସିଥିଲା ଶିଶୁଟିକୁ ନେବା ପାଇଁ । ଏପଟେ ଝିଅ ମୁଣ୍ଡରୁ ରକ୍ତସ୍ରାବ ହେବା ଦେଖି ମା’ ତାକୁ ତୁରନ୍ତ ଉଠାଇ ସ୍ଥାନୀୟ ଲୋକଙ୍କ ସାହାଯ୍ୟରେ ହସ୍ପିଟାଲରେ ଭର୍ତ୍ତି କରିଥିଲା କିନ୍ତୁ ଡାକ୍ତର ଶିଶୁକୁ ସେଠାରେ ମୃତ ଘୋଷଣା କରିଦେଲେ । ନିଜ ଝିଅର ଏପରି ଅଚାନକ ମୃତ୍ୟୁ ସହଜରେ ଗ୍ରହଣ କରିପାରୁନାହାଁନ୍ତି ପରିବାର । ସ୍ତବ୍ଧ ହୋଇଯାଇଛନ୍ତି ବିଶ୍ୱାସ କରିପାରୁନାହାଁନ୍ତି । ସତରେ କଣ ଆମ ଝିଅ ରାସ୍ତାରେ ଯାଉ ଯାଉ ଟଳି ପଡିଲା ।
କହିବାକୁ ଚାହିଁବୁ ଯେ ଏ ଅଭାବନୀୟ ଘଟଣା ମଙ୍ଗଳବାର ୨ଟା ସମୟରେ ଘଟିଛି । ଯାହା ସୂଚନା ରହିଛି ଚିରାଗ ମେନସନ୍ ବିଲଡିଂର ଛାତ ଉପରେ ଜୈଦ ସୈୟଦ ନାମକ ବ୍ୟକ୍ତି ଏ ପୋଷା କୁକୁରକୁ ପାଳିଥିଲେ । କିନ୍ତୁ ଅଚାନକ ପୋଷା କୁକୁରଟି ପଞ୍ଚମ ମହଲାରୁ ତଳକୁ ଖସି ପଡିଲା । କିନ୍ତୁ ଦୁର୍ଭାଗ୍ୟର କଥା ଯେ କୁକୁରଟି ସିଧା ଆସି ୩ ବର୍ଷର ଝିଅଟି ଉପରେ ପଡିଗଲା । ତାପରେ ଆଜ୍ଞା ସେଇଠି ଘଟଣାସ୍ଥଳରେ ହିଁ ଜୀବନ କଣ ଜାଣିବା ପୂର୍ବରୁ ଜୀବନ ଛାଡିଦେଲା କୁନ ଝିଅ ।
